發表主題 回覆文章
guest
XXX.XXX.193.202

發表發表於: Thu Jan 27, 2005 10:57 am
21#

此乃舊帖唯讀區- 主題已被封存,只供閱讀,不能回覆或進行任何操作。

若要閱讀較新的討論內容,建議瀏覽以下話題:

    更多»

    廣告贊助 [隱藏]
    Hi ken tang,

    你好呀, 我同老公會係12/2跟團去北海道honeymoon我地諗住會帶sony p8甘我地係唔係就甘帶個叉機同一個兩腳插頭就ok??

    另外, 我已準備左一件colombia既行溫內衣, freeze + 一件90%既羽絨, 我想請問夠唔夠??

    我仲想問個地係唔係好滑架???如果只係著波鞋可唔可以???
    回頂端
    guest
    XXX.XXX.97.156

    發表發表於: Thu Jan 27, 2005 1:02 pm
    22#

    yccv

    我剛於上星期去完北海道honeymoon,我覺得個地真係幾滑。我同老公著住 coretex鞋都覺得滑,都要步步小心。我見著波鞋的團友會加"鞋抓"以防滑倒。

    另外,因為室內的地方必定有暖氣,所以不用穿太多衣服,平日我都係穿普通內衣+衛衣+羽絨,去玩雪車及滑雪先加行溫內衣,但記住要著保暖褲。

    如果你係跟團,必定會叫你地加錢食長腳蟹(yen14,000)。我的經驗是最好四人share一隻已好夠,因為你仲可以加錢食海膽,北寄具,海螺,值得一試。
    回頂端
    guest
    XXX.XXX.97.156

    發表發表於: Thu Jan 27, 2005 1:07 pm
    23#

    仲有,冷帽、頸巾及手套唔小得架!
    回頂端
    guest
    XXX.XXX.193.202

    發表發表於: Thu Jan 27, 2005 1:11 pm
    24#

    ST,

    唔該曬你呀。不過d鞋抓係邊到可以買到呀???

    其實我都係諗住行溫內衣加衛衣同羽絨但我又驚出面凍至帶多件freeze。聽你甘講我可以帶少d衫lu。
    回頂端
    guest
    XXX.XXX.97.156

    發表發表於: Thu Jan 27, 2005 3:24 pm
    25#

    yccv

    咁我又唔知鞋抓係邊到買,你試下去問專賣爬山用品的舖。真係唔需要帶太多衫,食飯時d團友係要去洗手間除衫ga。
    回頂端
    guest
    XXX.XXX.125.37

    發表發表於: Thu Jan 27, 2005 3:34 pm
    26#

    to: yccv 我以前試過帶 sony P9 火牛電源線加個萬用插轉日式扁插,因為條原裝火牛線有 fuse,所以唔 work,好彩我帶多左條冇 fuse 既日式扁插線做後備,否則都幾搔頭,(我亦試用冇 fuse 既電源線加轉換插,再試,證實唔關轉換插事,又試過全房其他電源,得出黎既結論應該係 sony 火牛既保護線路問題),sony 火牛行貨同水貨都係 110~220V,電壓冇問題,我建妳去鴨寮街買多條冇 fuse 既扁插線,價錢十蚊樓下,當買個保險都好。

    衣服方面都算足夠,不過請注意北海道冇高樓大廈,平時行街都幾大風(特別係小樽運河),冇頸巾可以著樽領衫,冷帽,手襪都係必需品,北海道好多地方D雪都幾吋厚(所以鞋面要加防水油防水),感覺上有D似行沙灘,雪地反而唔跣,變左做冰地先跣到飛起,當地有綁鞋頭既防跣膠帶賣 1,260 yen 一對(波鞋都得),分男女裝,包裝上面圖文並茂,包冇買得錯。

    我幾鍾意永安旅行社開茶會個小賣部,成間旅遊百貨一樣,價錢同街價冇乜分別,(賣既當然亦係街邊D cheap 野啦,好多旅行裝備平時用唔著,無謂買貴價野)但係就可以一次過掃齊晒,外幣找換、手套、手襪、冷帽、earmuff 等等都可以任試任玩,最抵死係好多過癮新野,例如早兩個月我見到用完即棄貼紙暖包,可以隔住件底衫貼o係身上任何地方,保暖十二小時,我試過貼背脊效果幾好,仲有款隔住對襪貼腳指既腳指暖包,行開中環可以過去睇睇。(如果怕有職員 [盤] 你,你咪話朋友開完茶會買唔夠,叫你幫佢買囉)
    回頂端
    guest
    XXX.XXX.193.202

    發表發表於: Thu Jan 27, 2005 3:49 pm
    27#

    Ken tang

    唔該曬你呀, d資料好詳盡呀。

    如果係甘我要去鴨寮街買一個冇fuse既扁插線, 我比較蠢係唔係同d人講話冇fuse既扁插線就ok架啦???甘再加一個轉換插就ok架啦???

    甘好彩我對鞋係防水波鞋我諗都ok既。

    我都知永安開茶會既地方有d旅行o岩用既用品係幾齊, 不過我驚比人盤依加比你提醒之後我知點做。

    Anyway, thank you very very much。
    回頂端
    guest
    XXX.XXX.184.225

    發表發表於: Thu Jan 27, 2005 5:23 pm
    28#

    我見東瀛旅茶會部有鞋抓賣 50蚊一對.
    回頂端
    guest
    XXX.XXX.125.37

    發表發表於: Thu Jan 27, 2005 5:45 pm
    29#

    Update 返D自費食品價錢;神戶牛肉改左三級制,A牛扒 10,290 yen,B牛柳 6,300 yen,C牛扒 5,250 yen,建議 order 一件扒一件柳會好D,因為牛扒太油膩,通常導遊會幫你切成一條條會比較易煎,想成塊扒鋸過癮D,亦可以叫佢免切;蟹御殿:1.5kg 重既新鮮雪場蟹公 15,000 yen 一隻,基本上兩個人都食到一隻,海膽 1,000 yen,蟹御殿有即切新鮮魚生,蟹同牛肉可以預早同導遊講要外賣,自己帶返香港,佢會用木盒加保溫袋包牛肉,細細盒可以自己拎上機,最好預備條毛巾包一包,因為會有多少水沁出,而蟹佢就用發泡膠加雪種保鮮,可以寄行理倉,架仔見慣見熟,唔駛擔心會掟爛,出入境都絕對冇問題,通常返到香港都會見到唔係白之戀人就係蟹幾十箱咁放晒o係行理帶,非常壯觀,所以一定要o係盒面劃返個公仔以此識別(機場有箱頭筆)。

    今期雪場蟹大造,一街都有得賣,街邊檔價錢當然平好多,分生蟹同熟蟹,街邊檔用乾冰保鮮,運返香港都好勉強,熟蟹味道叫做好過雪到死晒既 UNY 同 吉之島 貨色,不過同新鮮或者冰鮮蟹比都仲係差左成條街,一句講晒就係熟蟹不如唔好買;今次我由釧路機場返香港,竟然o係二樓見到有間賣手信既舖頭仔有活雪場蟹賣,生勾勾o係個魚缸行黎行去,個樣無無聊聊咁,都係賣 9,000 yen 一隻,真係平到笑,如果你地o係其他機場見到想買,又驚唔識同佢講要買蟹公,可以用筆寫 [雄] 或者 [男] 佢地都睇得明。
    最近鴻星酒家做緊鮮活雪場蟹 promotion,25 蚊一兩,1.5kg 都係一千銀落樓,公 [母也] 同價,記住要揀隻公。

    留壽都滑雪場:如果玩滑雪,租滑雪套裝已經包埋膠手套,玩雪毋須另買手套,否則去女人街買定對三十蚊既去玩,冷手襪玩一陣就濕晒,除左又凍,收埋對手又驚跌時冇手扶;唔玩滑雪可以玩雪兜,楂住個雪兜可以坐免費吊車搭高一個站,由上面滑落黎慳返D力,我見D傻仔用腳行上去滑返落黎,行兩次都已經腳軟收得工,你見到玩雪兜既多數係細路唔駛怕醜,跟旅行團玩雪兜既大有人在。

    我最欣賞係北海道酒店既抽水馬桶,好鬼多 function 玩,想知有幾好玩,夜晚到返酒店慢慢研究啦!
    回頂端
    guest
    XXX.XXX.125.37

    發表發表於: Thu Jan 27, 2005 5:58 pm
    30#

    to: wai wai

    hello,

    我用 IMS Boardband send 唔到 email 去 sina email box,可以既話,唔該留過第二個 email address 俾我。

    thanks
    回頂端