發表主題 回覆文章
guest
XXX.XXX.125.19

發表發表於: Mon Dec 13, 2004 4:49 pm
1#

此乃舊帖唯讀區- 主題已被封存,只供閱讀,不能回覆或進行任何操作。

若要閱讀較新的討論內容,建議瀏覽以下話題:

    更多»

    廣告贊助 [隱藏]
    第一次去北海道既朋友,記得帶本五吋乘五吋大既白紙簿去「給」印仔,此乃北海道特色之一,上至酒店,旅遊景點,下至中途站既便利店都有得「給」,每個印仔都有當地景點既特色公仔,非常有紀念價值。
    天氣又凍又乾燥,皮膚特別乾燥既人記得帶橄欖油潤膚,最欏命係酒店既暖氣,臨訓前響浴缸放一缸暖水,可以保持室內足夠濕度,衣著方面,天蠶衣加羊毛冷衫,可摺式羽絨外套,基本上跟團除左滑雪之外戶外活動唔多,一上車同出入餐廳就有暖氣,焗住要除衫,所以揀摺得埋既羽絨會方便好多,我自己就買 procam fish 既羽絨,貪佢送埋個好薄既有繩袋仔,一入餐廳就摺細入袋掛椅背,上車又可以摺細放上行理架,非常方便,相反見其他團友著 north face 就硬掘掘,成件掛椅背又拖地又易俾人踩污糟,上旅遊車仲鑊,要全程攬住,諗起都覺得煩;玩雪必備防水手套,最好揀薄薄地身已經夠暖,可以問朋友借,再唔係就女人街買廿蚊一對,一樣夠暖又唔入水,女仔貪靚買多對「冷」手襪同「冷」帽帶去,影相都變化多D又靚D,如果唔記得帶防水手套去,當地滑雪場都有得賣,一般舊半到兩舊水左右,另外,鞋方面好多人都會忽略左,上滑雪場一定要著防水鞋,例如 timberland 或者 cat 之類既半筒鞋,(一般皮革類鞋並不防沁水)因為玩雪鞋頭D雪一溶,沁入內籠整濕埋對襪,到時除襪又死唔除襪又死,個種感覺仲正過滿清十大酷刑, 如果係拍緊拖既男女,我就恭喜男方勒,因為你可以感受一下「我的野蠻女友」入面個一幕交換鞋著既浪漫,保証閣下呢個旅程畢生難忘。
    換 yen 我鍾意幫趁中環「百年找換店」,首先,佢 yen 存貨夠多 ,換幾多都有,又唔駛手續費,最重要係可以電話問匯價,o岩價錢可以留低聯絡資料(必須),即時預留幾多 yen,到你上到去欏 yen 無論價錢上落都照電話所報一樣,當然佢會覆個電話俾你 check 下個電話號碼堅定流,而且係上晝問價下晝欏 yen,唔留隔夜個隻。
    另外仲有D小小心得同大家分享,上旅遊車記得帶個跟團送既隨身旅行袋(因為爛左都唔駛恨),除左救急藥物外(例如止瀉,發燒頭痛,膠布之類),最好帶副「士啤」隱形眼鏡,以備不時之需;仲有最好去家居用品店買個S型勾仔(大概三吋高,兩頭圓,五蚊十個果隻),將個旅行袋或者雜物勾響前面椅背,保証唔駛責到腳痺。
    今個月二十一號我都跟團去北海道五日,希望大家開開心心過節,返黎唔會同女朋友有「過節」。
    回頂端
    guest
    XXX.XXX.97.22

    發表發表於: Tue Dec 14, 2004 9:37 pm
    2#

    congu to all new married couple![:I]

    ken tang
    i wantto know is there any water resistant clothes or shoes for rent?
    and could u leave me the tel no. of 「百年找換店」,so that i could contact them to know the details?
    i am so happy to go there to have my honeymoon!!
    i hope all of u enjoy the trip ![Wink]
    回頂端
    guest
    XXX.XXX.208.109

    發表發表於: Tue Dec 14, 2004 11:33 pm
    3#

    hi
    我跟老公4號飛北海道honeymoon,8號回來,是自由行, 2個人玩得都幾開心.
    我的行程如下:
    第一天香港直飛札幌(未見有雪,但見到有雪蹟,晚上看天氣報告,知道翌日會下雪)
    第二天到小樽,大風雪,但我穿普通波鞋,鞋襪的確濕透了,即時在小樽的鞋店買了對boot換,然後繼續[行]程,不過落雪都要擔遮,因為實在太大雪了,我們不覺得太凍,可能穿得很足夠的衣服,但太大雪,拍照有點麻煩,因為自己兩個人,老公已帶備腳架,但是大風雪常常把鏡頭吹濕,有水蹟,所以老公不滿意.晚上回到札幌大通公園看X'mas Market,好像由12月起,大通公園Odori Park都火樹銀花,有聖誕小屋,感覺很不錯,不過美中不足依然是太大雪.
    第三天乘JR到函館浸溫泉,冇落雪,但3小時的火車車程,撇除小睡片刻的時間,看看窗外雪景,很漂亮,不過函館冇落雪,但去到金森倉庫附近的X'mas Fantasy,一般啦.然後回酒店浸私人風呂溫泉,感覺很正,很日本.
    第四天上午逛函館,下午乘車回札幌shopping,有下點點雪花.
    第五天上午繼續shopping,有下雪.然後回港.
    我覺得每晚看當地的天氣報告很重要,因為很準確.我想札幌一星期中總會有幾天下雪,所以想看雪景絕對冇問題.
    祝你有個愉快的蜜月之旅.
    回頂端
    guest
    XXX.XXX.196.48

    發表發表於: Wed Dec 15, 2004 6:24 pm
    4#

    Berlin Co. Exchange Ltd. 百年找換店
    Room 1203, The Chinese Bank Building,
    61-65 Des Voeux Road Central,
    Hong Kong.
    Tel. 2523 2549 / 2523 3343

    呢個簡單問題真係幾高難度,基本上羽絨外套好多朋友都可以借到,但係要借件摺得埋入得袋既就困難D,除左 procam fish 之外,我未見過其牌子可以摺得埋,而且外套易整污糟,又未必洗得甩,到時返到香港想買返件一模一樣賠俾人都未必得,借件深色或者白色影相又唔靚,要借要買最好搵淺青色,芒果黃色,淺粉藍或者粉紅色,影出黎D相都靚得多;鞋方面不如買對平平地既短筒cat 啦,三舊水左右,話晒都係工業鞋,絕對防水,鞋頭仲有鋼片保護,缺點係比較重身,所以最好預早兩星期前買,一方面可以著鬆D,二黎習慣下個重量,太遲買會著唔慣對腳會好「支力」同夾腳,玩都玩得唔開心啦,最後,仲有一個絕招,就係可以去 timberland shop 買支噴霿裝透明防水鞋油(冇就買自己油上去個隻亦得),用黎噴落一般鞋都有防水效果,但係當然冇防水鞋咁好,但都不失為一個好辦法,記住唔好貪方便去超市買 3M 牌或者偷阿媽個支碧麗珠防水噴劑,因為大部份鞋既質地都唔o岩用。

    怕凍可以買條薄薄地既保暖褲打底,一般賣女裝絲襪地方廿蚊有交易,想買條好D既可以上永安或者先施,男或女裝價錢都係一舊水樓下,暖過淨著牛仔褲好多。

    保重身體,去旅行千祈唔好病, 一病就乜 mood 都冇晒,你地話係咪?
    回頂端
    guest
    XXX.XXX.196.48

    發表發表於: Wed Dec 15, 2004 6:38 pm
    5#

    喜歡自遊行既朋友隨左有探險精神外亦喜歡自己發掘新事物,當然亦有D人好似我咁喜歡跟團唔駛用腦諗,如果跟著個好導遊當會介紹得好清楚,但係遇到個懶既都幾掃興,當有咁既情形出現,以下既資料就可能用得著。

    手信
    白之戀人:北海道一街都有得賣,方便程度等如香港買罐可樂一樣,香港既 UNY 百貨亦長期供應,而北海道買勝在價錢平,等如香港半價,所以基本上亦屬公價貨,印像中亦祇見過九折,我自己反而鍾情罐裝白之戀人奶,細細罐好 cute,靚到唔捨得開黎飲,北海道牛奶亦非常有名。
    六花亭:同白之戀人齊名,可惜保存期短,祇可以放兩個禮拜以下,而且最好入雪櫃保存,所以香港唔會入貨,北海道亦唔常見,一般要去冷櫃先搵到,最有名係銀色包裝紅色字既提子餅,又或者淺啡色透明袋包裝個款,外觀有D類似拿破侖餅,中間有 cream 同提子夾心,非常鬆化,偏甜,但係幾好食,建議買返公司派俾同事做手信,獨立包裝一人一件,又平方便又好睇,而且冇乜人見過,會有新鮮感好多,而最重要係,咁甜既餅我睇死佢一次過食唔到三塊,而且又唔擺得耐,大條道理玩配給制,防止D cheap 友撻埋撻埋遲D食;派白之戀人D人見都覺悶,而且兩者價錢相若,派六花亭有 taste 得多,如果送俾朋友就咪勒,返到香港派到俾朋友都過左成個星拜啦,叫人一日三餐做飯後甜品咩?幾日後過左期咪又係劈左佢;另外,六花亭有一款可以擺成個月既,外層朱古力,包住一粒脫左水既士多啤梨,咬落“扑“一聲,酸酸甜甜亦值得一試,外觀包裝似一個大雪糕杯個隻就係勒。
    魷魚絲:北海道魷魚絲當然係熱點手信,記得咪貪樣靚買米白色個D,要買D黃色身既先至好食,因為白色魷魚絲多左個漂色程序,所以味道減半。
    唔黐飯既飯殼:每次去旅行阿媽一定叫你唔駛買手信俾佢,(你試下真係唔買丫?)所以我精心挑選左唔黐飯既飯殼介紹俾大家 ,好處就係畢完飯唔會黐住個飯殼囉,簡簡單單,100 yen 店有售,(貴既 30 蚊個都有,效果冇乜分別,一樣係半年貨仔,半年後又黐返),一次過買十個八個俾阿媽派俾D麻雀腳,晨運腳,街坊等等,阿媽有得威又所費無幾,晚晚裝飯楂上手都讚你乖!不過唔知香港有得賣未喎?一般家居用品部,見到有凹凸紋既就係,又或者睇下背後個包裝都有圖文介紹。
    回頂端
    guest
    XXX.XXX.97.126

    發表發表於: Wed Dec 15, 2004 8:18 pm
    6#

    多謝你的分享!!
    回頂端
    guest
    XXX.XXX.81.52

    發表發表於: Fri Dec 17, 2004 11:59 am
    7#

    ken tang, 好多謝你詳細既分享呀! 我有以下問題想請教你:-

    1. 我將於05-Feb-05 出發去北海道, 你知不知大約幾多度? (如果唔知, 可唔可以幫我問下你個導遊呢? 我想早點去買定禦寒衣物啊! 唔該你呀!)我已有40% 的羽絨jacket, 足唔足夠抵冷? 係咪一定要戴耳COVER? 有無其他方法? 我老公戴那些耳COVER 咪好趣怪law?! [Very Happy] 我以前去過有雪落的地方(大約零度左右), 係著行山鞋, 好重呀! 你的防水方法很好呀, 我會試一試, thanks![Smile]

    2. 我想帶digital camera, 會唔會因為太冷零件失靈(我以前用開舊式相機就成日停左啊!)? 另外, charge 電器可以在那裡買才適合在日本用呢? 我本身係用GP 的, 不過好似唔岩日本用?!

    3. 聽聞北海道亦有BLUE LABEL 賣, 係咪真呢? 我老公好鍾意買figure, 多唔多地方買? 北海道指數會高過東京/九州嗎? 你認為兩個人去五日, 跟團, 最多買一個BLUE LABEL 手袋, 少少食物手信, 得一餐係自費, 應該唔會滑雪, 最少要帶幾多錢至夠? 如果真係帶唔夠錢, 多唔多地方碌card 呢?

    4. 在雪地係咪一定要戴防反光眼鏡? 我之前有一對, 不過爛了, 想問有無其他方法呢?

    唔該你先![8D]
    回頂端
    guest
    XXX.XXX.152.139

    發表發表於: Fri Dec 17, 2004 8:50 pm
    8#

    一般羽絨外套已經 ok,不過羽絨表層唔多防水,所以見雪要立即拍走佢,唔好俾佢有機會溶左沁入內層,而每年二月北海道唔同地方都會舉行雪節,節日氣氛濃厚,會有D幾層樓咁高既冰彫,例如咸蛋超人、小雲、小吉之類既卡通人物o係戶外展出,可惜太多人去,不論跟團或者自由行租酒店都超貴,你見到戶外擺冰彫都唔溶,有幾凍可想而知啦,凍唔凍仲要視乎兩個因素,一濕度,二風速,兩個月後既天氣真係言之過早,建議你一月尾上 yahoo 睇下北海道既詳細天氣預報,仲有埋各個地方唔個既降雪等等,非常詳盡準確。

    市區用 earmuff 機會唔多,反而影相會幾 cute 下,但唔係必需品,要視乎你個行程戶外節目多寡而定,而且羽絨頂帽已經頂得兩咀,再者 earmuff 外面D毛就好軟熟,入面都幾硬下,建議你上旅行社開完茶會後過隔離有好多旅行用品賣,先欏個試戴下睇下舒唔舒服先決定買唔買,其實去旅行心情重於一切,男人戴 earmuff 都好平常,個樣怪仲更加要影低留念添喎,你睇下D女人去到狄士尼迫個男朋友逐個公仔帽戴上頭逐將相影,返到香港睇返咪一樣咁過癮,去旅行一定要將自己D童真「必」晒出黎先會玩得開心,放開心情先至係最重要。

    通常日本牌子既數碼相機都頂到零度以下,而且平時放衫袋,影先欏出黎,影完可以收返埋,所以問題不大,而我自己就用 Sony P9 同 Sony V1,touch wood 都未試過出事,上述兩部相機都有雪地場景功能,效果幾理想;日本除電壓外插腳都係一個問題,可以買一個 110V 兩腳扁插既轉換器,鴨寮街大概賣三十蚊左右,因為 叉機用電少,所以毋需買貴價貨。

    話到明「自費」,當然係豐儉由人,平平地食碗拉麵又得,食盒鰻魚飯又得,最欏命反而係下列幾個跟團指定動作,先係至「甘」:(全部以 yen 計)
    魚生船:萬五到兩萬四,北海道多沿海地區,魚生必定正,鍾意食魚生無理由唔試,如果食得唔多又想試下,可以搵個團友 share ,慳返多少。
    神戶牛肉:香港禁左和牛成年,o係香港想食都冇,況且神戶牛咁出名,去到日本唔食又覺得對唔住自己,所以邊有得慳丫?#63613;牛扒分 A 或 B 級,牛柳亦係分A 或 B 級,跟旅行團唔會再分 A1至 A5 咁 hi,總之一係 A 一係 B,牛扒由五千到一萬左右,牛柳一萬到萬五(視乎你想食邊級),先講牛扒, A 級牛扒D雪花紋第一次見到真係幾震撼,震撼到嘩一聲,不過,講食我就會揀 B 級,跟團通常會安排一餐食韓國燒烤,導遊會幫你地預訂既牛肉切成一條條俾你自己燒,一來快熟,二來煎衰左仲有幾舊你慢慢試,和牛好食程度當然冇得懷疑,但係好油膩,通常先用牛扒旁切出黎既肥膏牛油起鑊煎牛扒,你會見到D肥膏成舊牛油咁完全溶晒,渣都冇,入口甘香肥美,但係由第二舊開始覺得肥膩到有D麻木,有一次我同女朋友 order 左兩塊都係牛扒,一塊 A 一塊 B,結果,都要分半塊 A 牛扒請團友食,依家有經驗,會叫一塊 A 牛柳再加一塊 B 牛扒,牛柳 size 比較細,肉味濃,肥油少,可以中和一下,又可以試晒兩樣。(咪以為去日本食和牛會「新鮮」,事關牛肉要入雪櫃存放半年,等D水份收乾一、成,等肉味濃D先欏出黎俾批發商拍賣)
    御蟹殿:類似鯉魚門海鮮市場,半邊舖係市場,半邊係火鍋餐廳,先欏個籃入市場自助揀海鮮,每個大魚缸擺好晒每樣價錢,唔駛秤,揀完出門口俾錢欏個有號碼既牌仔,等佢整好會跟牌仔上面個號碼遂份送上檯,每年十二月至二月係北海道食蟹季節,我自己鍾意食雪場蟹,蟹公萬八,蟹「也毋」萬三,蟹「也毋」較細隻,肉質較鬆散,當然,睇價錢你都知乜野一回事啦,唔好慳個幾千,食蟹公啦;馬糞海膽每隻五百,非常抵食,雖然細細隻,但超級鮮甜,食完都覺得超值,即開即食,有問題可以叫導遊幫你換都仲得,我一條友每次起碼食三,四隻先夠喉;帶子每隻一千,個殼手板咁大,做刺身都幾爽口,做火鍋料就冇乜味,我每次會叫兩隻,一生一熟咁食,翡翠螺每隻三千,同帶子一樣,刺身好過熟食,赤貝同獅蚶各一千一隻,亦係刺身好個熟食,超正牡丹蝦(價錢以千克計),香港吉之島買到既都係急凍加拿大貨色,味道差得遠,你可以試下親手由隻蝦生勾勾一路「滅、滅、滅」死佢,跟手一啖吞佢落肚,一路「滅」仲一路郁,夠晒血腥同殘忍。(你又可以帶支箱頭筆去,蝦頭上面先寫上你D仇家個名先開始「滅」,咁樣會「滅」得開心好多),淨係呢餐海鮮我同女朋友兩個人都要三、四萬落樓。記住:千祈千祈咪要拳頭咁大既鮑魚(每隻五千),做火鍋料又韌又冇味,最好叫導遊安排食燒烤個晚加「食送」食燒鮑魚就一流勒。
    牛油燒帶子:天冷常見既街邊小食,價錢三百至五百,味道一流,加上要企o係街度楂住個殼食,風味感更街,要注要牛油非常非常熱,加上牛油蓋住D蒸氣,錯覺以為冇幾熱,結果十個食十個中招。
    士多啤梨:天冷亦係士多啤梨當造,因為易變壞,所以香港唔會入靚貨,一般以甜度劃分,數字愈大愈甜,寫住十度八度就咪制,盞得個酸字。

    一般識搵錢既導遊會幫你地安排帶神戶牛肉同新鮮雪場蟹返香港刮多一筆,佢會幫你地用發泡膠加雪種包得好靚,臨上機先交俾你帶走,問題就o係呢度,我試過買隻蟹公,盒面又係寫公,結果一開盒係「也毋」黎既,我並非性別歧視隻蟹,而係為個價錢差額而唔忿氣,所以我建議自備透明封箱膠紙,即場驗完貨可以包返,費事佢一句大埋黎「拆左冇膠紙包唔返喎」。

    點呀?#63613;睇到標冷汗未呀?#63613;
    重未計租雪兜六百,租雪橇連鞋同雪杖一套四千五玩兩粒鐘,玩雪車一位一萬,兩條友一架就萬五玩半粒鐘,你要催眠自己,一萬 yen 當港幣一百蚊咁駛就差唔多架勒!

    如果唔滑雪既話,防反光眼鏡戴到去都冇乜用,可以慳返。
    我記得 Blue Lable 同 figure o係狸小路都可以搵到,過幾日去到幫你順便留意下,買 Blue Lable 之前記得出旺角做下功課,格下價,費事去到買得貴過香港,一般平香港 30~40% 左右。
    回頂端
    guest
    XXX.XXX.152.139

    發表發表於: Fri Dec 17, 2004 8:56 pm
    9#

    北海道係遊客區, VISA 同 Master 都冇問題!
    回頂端
    guest
    XXX.XXX.153.140

    發表發表於: Sat Dec 18, 2004 5:36 pm
    10#

    醒多幾個唔多駛錢既錦囊俾大家

    叉電機:一般數碼相機個叉電機都係 110~220V,而電源線就同叉電機分開,好多人以為就咁帶個轉換插去由英式 13M頭 轉日式兩腳扁插就可以用,而香港賣既電源線入面加左支 220V 既保險 Fuse,去到日本插得入插蘇頭都冇得用,所以最好換埋條冇 Fuse 既扁插電源線,鴨寮街價 10 蚊,(如果你條電源線冇 Fuse 就可以慳返)否則唯有o係當地買連菲林既紙相機頂當,不過就相當掃興。

    Memory Card: Digital Camera 當然係方便,但係去旅行又好難預計到有幾多相影,到影爆張 memory card 既時候唯有洗咁D再影,相當掃興,其實北海道D酒店大堂多數會有部「自助」電腦連讀咭機,可以將 memory card 燒錄做光碟,全個過程連光碟大概二千 yen 左右,俾錢搞掂總好過慳住慳住影丫?#63613;

    大床:唔想蜜月旅行搞到要分床訓咁冇癮,可以報團時(或者出發前 7 日),同旅行社要求一張雙人大床,佢當然好保留咁答:會通知酒店盡量安排,唔保証一定得,但我試過 永安、康泰、太陽活力都安排得到,祇有東瀛遊做唔到,如果去到酒店先出聲就唔駛諗,因為酒店一早安排好晒,好少肯去改咁麻煩。

    炒栗子:500 yen 一細袋,又係冬季先有食,日本栗子外皮薄,每袋入面送一個膠既開栗子工具,唔駛咬唔駛「滅」,好食又方便。

    熱罐裝粟米湯:200 yen 一細罐,滑雪場商店多數有售,有幾個唔同牌子,有D偏甜,有D粟米味濃,唔o岩飲認住個罐下次買第二款,滑雪煬凍冰冰飲熱粟米湯零舍好 feel(可以偷偷地買定一罐收埋,上到車先欏出黎「乙水」老婆就夠無敵啦)。

    白之戀人朱古力廠:又大又靚,所以D人一入去就博晒命影相,(之前記緊叉飽舊電,室內影張張都要用閃橙,舊電好快玩完)好快就全團走散晒,又或者讓團友影完相先過,讓得兩次D人又係唔見晒,如果想自己慢慢影相又驚盪失路既話,可以跟住地下D貓爪路標,跟住路標行就可以行晒一個圈出返門口;頂層有間餐廳,記得坐低飲杯熱朱古力奶加個迷你巴夫,欣賞下外出既雪山景,非常 relax,到待應捧朱古力奶黎既時條祇要拎起部相機,待應就會主動幫你地拍返張合照(做慣做熟啦),兩條友加埋唔駛 1000 yen 落樓,抵到爛啦!仲有件事要提醒大家,就係檯面有支細既橙色液體,一般人飲朱古力奶都唔會留意檯面既調味料,咁你就走寶勒!個支係橙酒,用黎提升朱古力奶既香味,玩法係先飲兩啖朱古力奶,感受一下味道,再飲啖水清一清個口,落三滴橙酒,唔好貪心,三滴夠啦,再試下有幾唔同,咁一個價錢就有兩種享受勒!

    函館:函館山頂夜景係世界三大夜景之一,排行第三,第一係拿坡里,而第二呢竟然係#8943;香港,不過唔好失望,個夜景係非常靚既,重點係四週圍夠黑,燈光顏色夠 colorful,通常導遊會帶團友早D上去,睇完日落到睇住D燈慢慢開,感覺非常正,仲有陀地攝影師幫你地影團體合照,本人對團體合照一向冇乜好感,即係影左都唔買個隻,但係函館夜景就例外,因為睇夜景既地方o係山頂戶外,非常大風,人地戙晒腳架,set 恆晒「架撐」,有晒經驗,影出黎梗係正啦,用自己部機仔咪影到景就影唔到人,用閃燈又影唔到背後夜景,1000 yen 一張,俾佢賺把啦,又可以二人世界影合照,價錢由 2000~5000 yen 不等,影完可以叫佢連埋D團體合照一齊速遞俾導遊,架仔做生意出名老實,明碼實價,有版你睇,大細 size 加花邊公仔乜都有,不過有D連公仔花邊既相制作時間要耐D,見你跟團會叫你影D普通相就算。
    回頂端