發表主題 回覆文章
Cheleychi
XXX.XXX.10.248

發表發表於: Sat Sep 19, 2020 6:11 pm
1#

廣告贊助 [隱藏]
本來諗住疫情減輕左,都好多日冇本地確診,年尾婚期應該冇乜大影響吧,點知疫情突然又來勢凶凶,咁襯而家減少外出嘅時間打番呢篇分享文。

一早就已經喺 FB messenger 約左星期六上去SA Bridal 試婚紗,我地都遲左少少,去到工廈大堂勁多人排隊,結果遲左半個鐘。上到去好彩上個都未試完,咁我地就睇住 Ipad 揀住衫先。店員同我地講左iPad 已被徹底消毒,所以唔駛擔心!

Ceci 都好耐心同我地講解唔同婚紗的款式,又推介唔同款比我地。睇睇下d衫款有d都幾特別。佢地分開左輕婚紗同長婚紗,晚裝三個folder, d婚紗款有d睇到同其他鋪唔同,唔通呢d就係韓式feature?! 而晚裝我都鐘意淡雅d既顏色,感覺唔浮誇。今次可以試三件衫,咁我就揀左兩件婚紗一件晚裝去試。

終於到我地試喇!店員貼心地問我地駛唔駛飲杯茶,之後攞比我地試。特別之處係佢地有好多小配件可以襯衫,lace袖,肩紗等等。每個新娘都想自己特別d ga la! 所以少少custom made 配件可以玩多個造型。有件魚尾我一見傾心,d花好特別。

之後就到新郎試禮服,試左兩件燕尾,著出黎都幾好睇。男朋友話覺得燕尾好似正式d, 高級d, 又唔係咁多間婚紗鋪有燕尾服,所以都幾鐘意。店員有幫我地手影左好多合照,睇下襯出黎效果好唔好睇!

幾番思量後最後都bok左鎚。有d衫今日可能出左街試唔到,但係仲係有好多款想試!希望final fit前可以試多幾款。
回頂端