發表主題 回覆文章
無奈新人
XXX.XXX.10.247

發表發表於: Sat Dec 28, 2019 2:17 am
1#

廣告贊助 [隱藏]
各位於THE ONE 煌府 設宴真係要小心小心~~~

新人擺酒席,若要選擇煌府,那麼就真係要考慮清楚。我們就是一對在沒有充足搜集資料下,在結婚展選擇了煌府的新人。這間所謂的煌府婚宴專門店,好老實講,他們的門面功夫做得還可以,例如: 在場地設計方面,有新人都可能喜歡尖沙咀The ONE 13樓煌府的升高台及行人玻璃天橋,就是因為有這個天橋,我們的家人也推薦The ONE 13樓上面這間煌府。

煌府為說服你"落搭",嘜都應承你,又話服務好,價錢實惠等等。既然他們是專辦婚宴的專門店,而且又在尖沙咀地段重要地段,一開始,我們都很放心的將這婚宴交給他們跟; 可沒想到好戲原來在後頭。

基本上,如我們沒有聯絡煌府,煌府就不會主動聯絡我們,唯獨是要交餘額才會聯絡我們,跟住我們提及時,才叫我哋交其他物資,如:背景音樂,迎賓相片,餐牌相片,但這些都是給了我們一張溫馨提示紙張,我們沒有找他們,他們就不會找我們,或者你會覺得"皇帝唔急太監急咩",但呢個行為真係不專業。你煌府收這婚宴的酒席並非一個小數目,但就這般敷衍了事,此刻煌府的服務我們己經感到不足。

這個都在話下,最重要婚宴當晚,他們竟然將我們在餐單上寫好給賓客的「富貴瑤柱蛋白炒飯」送上了「揚州炒飯」給他們……這下我真係無話可說!!!如果我的賓客選擇不告訴我們,我們真的被煌府欺騙了都依然蒙在鼓裏,到現在我們仍然不排除有更多 ”揚州炒飯” 或downgrade了的餸菜,我們兩人加上父母親知道後對各賓客都感到非常不好意思和歉意,可能有更多親友發現有問題但怕尷尬也沒有告訴我們也說不定。。。非常尷尬

最後婚宴尾聲,我哋未知呢件事發生下,當晚煌府個負責阿姐仲向我哋r多啲貼士,我哋因為唔知有呢啲事發生,亦因為有部份都算OK,所以便順意給了他們要求的貼士,因為想好頭好尾,而老實講,有某幾個跟住新娘的服務員都真係做得唔錯,但婚宴開始前我哋每人都俾佐唔少利事俾啲服務員,最少嗰封都有50元,但個負責人都好搞笑,見我哋肯俾,竟然再寫多張名單俾我哋新人媽咪,話仲有20個廚,3個大廚,25個侍應,幾個經理,幾個部長,又有好多個咩職位等等……, 總共60幾個……即是俾完又俾,新人俾一次利事,新人媽咪又俾一次,真係好……唔識講……總之覺得今次真係賠了夫人又折兵!煌府婚宴貨不對版,物非所值……怎様能做到完美婚宴?

此事是因我們結婚後第二日,群組同事再提及此「揚州炒飯」事件,我們致電煌府負責人跟進,而他們的回覆就是:「我哋當晚嘅服務好唔好先,好你哋先會俾呢啲tips我哋㗎嘛!」我哋答:「好老實講,當晚我哋係新人,忙自己嘢都搞唔掂,飯都無食,基本上係唔知出面發生咩事,要靠你哋煌府職員去幫手服務啲賓客,呢啲亦係你哋煌府婚宴專門店對賓客嘅服務承諾!我哋俾佐咁多錢舉辦呢場婚宴,無理由你哋連咁基本嘅服務都做唔到!仲有,你哋除佐個炒飯出錯,我哋嘅賓客都投訴你哋某啲阿姐係咁倒瀉茶,啲碗碟又有污漬,條魚又"鞋",啲餸又細碟……」煌府負責人聽完又大條道理講:「都係一碟揚州炒飯啫……。」我哋反應:「其實係唔係得一碟我哋唔會知,因為有啲賓客真係可以食完就算,唔會話俾新人知有呢啲事情出現,一嚟佢哋唔會去識別本身我哋是否都係呢個炒飯,定係另一個炒飯,二嚟佢哋又有可能不習慣去批評他人,三嚟真係要同樣辦過婚禮嘅人先會去將個實情話俾我哋呢啲無經驗嘅新人知,以免我哋被騙!」

雖然我哋同煌府理論佐咁多,但佢哋都態度不佳,認為佢哋只是錯在一碟揚州炒飯啫,沒有大罪,又話check過晒,無錯喇,我哋問佢:「點樣為之check過晒?」佢哋根本答唔到個答案俾我,仲要煌府一個負責人話已炒佐該名出錯嘅同事,而另一個煌府負責人就話沒有被炒……好老實講,你炒唔炒人都係煌府你內部安排,這根本就不是話炒佐該員職員就可以了事的,而是你哋煌府應該要正視個問題,唔通下次出錯你哋又炒多個,我想問你哋可以炒幾多個?!根本就將個責任推卸落嚟……
最後,我要佢哋公司個office地址同電話,等我可以投訴佢哋時,方便我輸入佢哋公司個地址同電話,佢哋可以答應我後遲遲都未send俾我,仲要講到好似你要投訴咪投訴囉,who cares咁嘅態度,我哋都真係感覺好無奈。

而到目前為止,我哋都未得到煌府一個滿意嘅回覆
回頂端
angelwong888
XXX.XXX.10.247

發表發表於: Fri Jan 03, 2020 9:05 pm
2#

咁驚...本身諗住join煌府婚宴,同埋聽日去佢哋個婚紗展,好彩見到你個評論,如果唔係就大獲了。我都會叫我啲就結婚嘅朋友考慮清楚唔好亂揀煌府。唔該晒你嘅資訊。
回頂端
無奈新人
XXX.XXX.10.248

發表發表於: Sat Jan 04, 2020 5:12 pm
3#

又過左成個星期,我地到宜家都仲未收到佢地要提供俾我地既佢office資料俾我地投訴用,再whatsapp俾佢地煌府代表姓周既果位小姐都仍然未回覆我地! 你地可以見到佢地既事後服務有幾咁''好'' ,各位如果仍想參加煌府婚宴,你地有定心理準備,如果有咩問題你地唔會咁易追究得到,佢地對事件唔會有合理既回應和解決方案,各位三思,唔好為每圍平一千就join佢地婚展令自己辛苦難受。

update: 我地已經準備好去消費者委員會投訴佢地
回頂端