發表主題 回覆文章
婚紗肥媽
XXX.XXX.10.248

發表發表於: Fri Sep 07, 2018 4:11 pm
1#

廣告贊助 [隱藏]
1997年,又唔係經濟蕭條,無啦啦做替死鬼被裁員~ 32歳啱啱生完個女冇耐,兼且啱啱買咗樓,要供樓又要養女,點算好呢?
21年前,就係咁無啦啦要諗計,由一個原本份工好安穩,日日返九粒鐘,工作時間穩定,只求安定嘅人,因為同事嘅潛規則,被公司發現,喺我放大假時間比人推出嚟做替死鬼!
乜嘢係嗰個潛規則?就係公司每天收錢,成日收錯,有時收多有時收少,所以啲同事就會將收多咗嘅錢收埋用嚟補貼。我新入去嘅時候,啲人話咁多年都係咁做!直率嘅我被人警告不能對經理以上級嘅人講漏半句,但勢估唔到有同事講出嚟,仲話啲錢係我度!!其實,大家都知道收埋咗係鋪頭裡面~ 佢哋為咗自保,竟然係我放大假時候將罪名推俾我! 直至到我返工第一日,就俾經理捉去直接炒魷魚。雖然後來個經理知道唔關我事,但係公司決定冇得改變,就咁樣我就冇咗份工!
正所謂屋漏兼逢連夜雨,心諗死得!點搞呢?仲點樣繼續供樓?
廿一年前供樓利息高過而家好多~ 本來供樓佔咗自己人工一半,諗住用自己份糧供樓,剩返就養女!但係而家份工都冇埋,點算呢?個心十五十六!
原來係呢個時候,人生無希望就係我嘅機會!大家話我應該多謝個天定係點呢?
喺無計可施嘅時候,有朋友提議我自己開一間鋪頭,因為佢話我平時咁鍾意靚野,自己試吓啦!


IMG-20180830-WA0001.jpg  Filesize: 249.01 KB  瀏覽次數: 615 次
按這裡可在新視窗開啟原圖
 圖片描述: 當時我鋪頭嘅相~
回頂端