發表主題 回覆文章
kbmary
XXX.XXX.241.210

發表發表於: Sun Oct 30, 2016 7:07 pm
1#

廣告贊助 [隱藏]
事原最近細佬要去鑽石樓上舖買鑽戒來求婚叫我比意見,於是我去問老公有冇好介紹,他只是依依哦哦, 我都覺得好奇怪,所以自己上網搵資料,學到嘢才敢去樓上店買鑽戒驚俾人呃,我細佬比較挑剔去咗幾間都睇唔啱,發覺樓上店的鑽石無論價錢和品質都參差不齊,所以要去多幾間樓上舖比貨比價,後來我和細佬去咗銅鑼灣閃家莊鑽石樓上舖睇鑽石覺得比其他店品質靚好多,價錢又合理所以幫襯它買咗。

第二日我和細佬去攞鑽戒返嚟,二枚鑽戒相比唔知點解我枚鑽戒不夠細佬的鑽戒閃和火,最後請教老闆為什麼會這樣,跟住老闆在我的鑽戒搵編號然後上網搵証書睇,點知原來是死充大頭鬼的鑽石來做鑽戒,表面一卡以為很好,內裏D色I1淨度3個VG和有螢光,我都唔係貪慕虛榮的人,真係比我老公激死,如果他唔係攞枚一卡鑽戒來求婚唔通我唔答應咩,總好過貪平買粒極高色極低淨度的鑽石做戒指囉,如果我老公買鑽戒預算唔多,有得畀我揀情願要細小小都要夠閃夠火的鑽戒,都唔要充大頭鬼的鑽戒,今次陪細佬去樓上舖有經驗告誡各位男仕不要買兩個極端( 低色高淨度和高色低淨度)的鑽石來做戒指死充大頭鬼,就算唔俾証書女仔,只要出到去同人哋枚鑽戒對比就無所遁形,在這情況真係覺得好囉。

最後把今次經歷和遇到好的店家學懂另外知識才領悟出心得製作了懶人包俾有興趣買鑽石戒指的姊妹有概念地去買,尤其是想買鑽戒來求婚的男仕們,唔該理下女仔嘅感受啦!買鑽石戒指要好好利用鑽石4C和要互相配合才會夠閃夠火呀。

攞咗細佬枚求婚戒嚟拍照,大家話夠閃夠火嗎?





買鑽戒懶人包

首先講証書 – GIA証書最權威和認受性最高的
但是証書只可以大約相信七成左右,因為鑽石的實際狀況沒有完全標註,例如瑕疵的顏色、大小,最嚴重會有奶白、 啡 、綠的鑽都會嚴重影響鑽石的閃爍光芒,所以盡量避免網上買鑽石和只憑睇証書買鑽石是危險的行為,一定要睇實物還要利用放大鏡觀察鑽石的品質,挑選最鍾意的鑽石。

鑽石4C - 克拉重量、顏色、淨度、切工

4C中最重要 – 原來是切工,所以分為三部份做指標包括切割、對稱和拋光,鑽石要夠閃夠火必須要3EX切工再配對無螢光(NONE)才萬無一失,簡單來說有螢光的鑽石會阻礙散發五光十色的光彩。

然後是顏色 – 鑽石切割的亮光分為D色至Z色大致分為無色與肉眼察覺有黃色,當然越高色越亮越閃越貴,D、E、F都屬第一等級無色類別,G、H、I、J都屬第二等級近乎無色類別,如果買鑽石建議I色或以上,因為J色已經可以用肉眼睇見微黃光,當然白光最好啦.

跟隨是淨度 – 淨度分為FL至I3,完美無瑕與極邋遢,邋遢的鑽石當然會遮住閃光啦!如果買鑽石建議SI1或以上淨度,但是要注意瑕疵是白花(白色)還是黑屎(黑色),瑕疵顏色沒有標註,一定要靠自己用放大鏡定奪,還有每個淨度範圍廣闊,有D很乾淨,當然同樣淨度級數有D邋遢啦!因為每個人判斷都有差異,鑑定師也是人麻!

最後是克拉重量 – 因應自己的預算和需要地選購心儀的鑽石大小,緊記量力而為之原則,裝闊佬行為唔要得,許多人視鑽石為第二生命甚至同朋友作比較,兩枚鑽戒並排放罝好容易分別惡劣。還有GIA的鑽石會把相近克拉重量設定區域然後定價,大約分為0.30 – 0.39、0.40 – 0.49、0.50 – 0.69、0.70 – 0.89、0.90 – 0.99、1.00 – 1.49等等克拉,但是0.38、0.39、0.48、0.49、0.68、0.69等等克拉是極罕有,因為遇到這情況生產商特登切割多一、兩份鑽石等調高區域賺取更多金錢。

最後教下大家怎樣買最著數
如果預算唔高怎樣好,大家睇完以上資料應該懂得什麼是鑽石的4C ,慳錢方法當然把鑽石的4C互相靈活地運用,如果心目中打算買D色、淨度VS2、0.70克拉、3EX NONE鑽戒來求婚,最著數方法把顏色降低到F色,因為D與F同屬無色級別,兩顆鑽石並排非專業人仕都難辨別,跟隨把淨度降低到SI1級別,有些很乾淨的SI1可以媲美VS2甚至好過都唔出奇,皆因唔同鑑定師判斷都有差異,最後把克拉重量降低一、兩份鑽石,按照以上方法調低其中鑽石的3C ( 顏色、淨度和克拉 ),一定要保留3EX NONE,因為降低會影響火彩,即是F色、SI1淨度、0.67克拉 、3EX NONE分分鐘可以慳咗萬多元甚至大約半價買到都唔出奇,大家現在懂得買鑽石嗎?
回頂端
dave.
XXX.XXX.241.210

發表發表於: Sat Dec 10, 2016 2:41 pm
2#

又學到野
回頂端
teddyhk
XXX.XXX.10.248

發表發表於: Mon Mar 20, 2017 11:49 am
3#

Very Happy Very Happy Very Happy thx
回頂端
kbmary
XXX.XXX.10.248

發表發表於: Tue Aug 01, 2017 12:19 pm
4#

dave. 寫到:
又學到野



Very Happy Very Happy Very Happy
回頂端