發表主題 回覆文章
無奈新郎
XXX.XXX.201.145

發表發表於: Sat Nov 02, 2013 6:36 pm
1#

廣告贊助 [隱藏]
金都商場 3樓 世紀X作(黑店)

本人大日子係9月8日,當日,攝影師同錄影師都準時到達,係錄影途中,錄影師跪左係個大喇叭隔離影野,唔知咩事,佢突然一個轉身咁整冧左個大喇叭,
然後個大喇叭成個訓低,整到個木門凹左,當時很大BOMB一聲,即時嚇到成班姐妹大叫,我見到錄影師佢都呆左,唔知係嚇到唔識講野定咩,佢一聲對唔住都無講過,
但基於婚禮進行中,所以未有出聲去追究,到成個WEDDING完結後,我堂哥及我一位姐妹聽到攝影師同錄影師打番公司報平安話今日一切順利,無任何事發生,而家收工!

我同老公換完衫攪掂曬野之後決定去金都問個清楚,有一位話自己唔係負責人既小姐話要問番老闆再作決定,之後我地離開左香港2日,番黎香港後就即刻收到呢位小姐電話,
話我地本身個喇叭唔穩陣,所以導致意外,仲話有時候都會有呢D意外,亦試過撞跌花樽等玻璃物品,此等屬於小事,
公司都唔會作出任何賠償,仲話要追究應該追番個錄影師,而唔係佢地公司!我聽到呢度都好嬲,同佢理論!我話只係要求賠償番度木門,
唔需要賠償個喇叭,因為喇叭試左無事,只係花左,要賠的話你賠唔起,度木門整果時2千蚊,你賠番1千我地都算數!之後佢話會覆番我,因為要問老闆!

又隔左幾日,果位小姐打黎話無得賠,咁我就話不如叫你老闆打比我啦!佢又話老闆唔得閒,一味叫我搵個攝影師賠償,我話攝影師明明係你公司租,點解有事時係搵攝影師呢?
連佢自己都答唔到呢個問題,之後我再要求老闆打比我傾,隔左陣我就收到個無來電既電話,電話中既男人話佢係負責人X先生,佢話最多比300蚊我屋企人飲茶,500蚊都唔會比架啦!
仲話歡迎我地去告佢地!說話非常之輕挑,但最後竟然唔比我講就CUT左我線,態度極之惡劣,到左一個月後先有相囉,當中那位小姐態度好吾友善,竟然可以飛個滑鼠黎叫我地自己禁黎睇相!
首先,自己睇相唔係問題,好多公司都係咁,但佢完全唔知咩叫禮貌,自己唔岩仲要黑灑面對客人,睇錄影時就係咁飛比你睇,一分鐘就話睇完,我算數,番去先睇,番到去睇就不得了了!
完全貨不對辨!好多片段都CUT灑,無灑訪問姐妹,無灑我講既野,同埋D剪接周圍跳,可以係屋企跳去酒店再跳番屋企,再跳番去酒店!真係好勁!
千其唔好相信佢地鋪面所播既片段!呃人的!連律師講野都CUT埋!仲點留來做回憶?最後成件事一味話人唔岩,推搪,之後話比番300蚊我屋企人飲茶,極之無奈!

段VEDIO我地唔收貨之後打番去同佢地講,佢地話會跟進,等左一星期,佢地話已經再錄番隻碟比我,去到佢地公司CHECK碟,睇終於有番之前被CUT的片段,之後收貨回家慢慢看,
細看下仍然不能理解,不順序的片段,應由穿紅色內衣時再到穿裙褂的片段,但唔明點解由著裙褂開始去番穿紅色內衣,感覺奇怪,不知是不是只是膚顯我地!不過我地已經唔想再同呢間
公司有任何聯絡,當今次自己很衰運...
希望各位小心選擇BIG DAY攝影!因為你唔會有TAKE TWO!遇到這類黑店會很麻煩! Crying or Very sad Crying or Very sad
回頂端
無奈新郎
XXX.XXX.201.145

發表發表於: Sat Nov 02, 2013 6:41 pm
2#

圖片提供

未命名.jpg  Filesize: 56.2 KB  瀏覽次數: 1522 次
按這裡可在新視窗開啟原圖
 圖片描述: 門穿了...
回頂端
野豬
XXX.XXX.232.35

發表發表於: Tue Nov 05, 2013 5:59 pm
3#

唉。。。我又係join左呢間野,但我情況無你地咁大獲,我地係係生活易呢個網見到介紹佢地公司所以join既,啱啱10月尾攞左相,情況又係比佢地cut左片段,明明記得拍左但唔知點解睇返係無既,佢地答覆話係因為數碼影片係咁架喎,個理由就有D牽強囉,我地又唔識呢D野,最後唔知點解又會比得返無左既片段比我地,不過都仲係有甩流架,但我地唔想煩先無再追問,唉。。。真係一生人一次唔應該貪平,好後悔囉T.T
回頂端
Pink Pink Lady
XXX.XXX.104.238

發表發表於: Fri Mar 21, 2014 5:54 pm
4#

金都,避之則吉。或者今次結婚衰咗,下次吾去金都咪得囉!
回頂端
Sara LamLam
XXX.XXX.33.225

發表發表於: Fri Apr 25, 2014 11:58 am
5#

好無奈!!!

聽過太多例子。。。
回頂端