發表主題 回覆文章
bellababe1989
XXX.XXX.180.161

發表發表於: Sun Jan 12, 2014 6:35 pm
11#

廣告贊助 [隱藏]
小妹在2013年3月join左wedding abroad 的 package 去關島結婚,剛過去既 2014 年 1 月 9 日已經在關島 Queen of Angels Chapel (又名 Angels Chapel) 順利成婚了,想同大家分享下我地既經歷。

咁多位絲打係呢度講過既問題,我地都有遇到過:
1) join 完package之後,WA話係關島果邊加左價,所以我地落左訂都要補返差價,前後相差1000蚊左右,仲冇埋當初講既新人晚餐...但由於我同先生都係比較怕麻煩既人,加上見佢唔係加得好多,所以都由佢了,加左比佢。

2) 一開始跟我地既 agent Mandy 初頭都跟得幾足,要搞既文件都幫我地搞曬,如是者就來到5月定6 月了,我有D機票事宜想查詢,再打去就發現....Mandy已經冇做了!但冇-人-通-知-我!我當下來火了,質問佢地有冇人跟緊我單野,佢地話有位叫 Yvonne既 agent pick up 左我地個case。Yvonne都算幾有交帶,之後都跟得幾好,所以在此鬆左一口氣。

3) 康泰都跣左我地一鑊:如果大家有睇開WA package既資料,可能都會知道,佢地係會由package價錢扣返一舊錢出來,比新人自行向康泰訂機票酒店,多除少(就自己)補。由於機票價呢幾年都好似有加冇減,呢一著保障佢地公司,我理解。
一開始康泰有位叫Doris既小姐跟我地個case,連itinerary都出埋喇,表示訂到長榮既機票,所以我地一直都大安旨意。時間來到7月,我地再打去問既時候,發現 Doris 又冇做了 (這是宿命嗎?) 換左位叫 Teddy既男仔幫我地,佢話就算當時 Doris 連 itin 都出埋,都唔代表已成功訂機票,而長榮當下已經冇!位!了!(我心想,連航班編號都出埋,都仲未confirm機位?恕小妹愚蠢,難以理解!) 最終,我奶奶聽見咁既情況,覺得我地小倆口可能比人搵左笨,就自己打去比 Yvonne 同康泰 Teddy,一輪質問同要求之下,先搞掂機票酒店,但最終係每人比5000幾蚊, WA扣出來既錢根本cover唔到....有旅行社朋友表示,而家市價係咁樣的了,所以我地只好無奈接受啦, 只係WA當初報既價同我地最終比既錢好大分別,搞到out budget....javascript:emoticon('Sad')

講完曬D衰野,同大家分享下好既地方啦!(我唔係打手喔,想持平咁分享,等大家有具體既實例可以參考,因為我作為過來人,都明白睇多D人地既實證有幾大幫助^^)

1) WA係包婚紗禮服的,仲可以來圖訂製,由裁縫幫你度身訂造,完成後仲可以keep 返套衫!(這是我選WA的膚淺原因) 裁縫夫婦好好手勢,而且睇得出係完美主義既藝術家!所以我同先生都好滿意我地套衫。呢一點對於一個dream wedding來講,真係好關鍵!試問出去租衫,租到旗袍feel、魚尾裙白色婚紗既機會有幾大?租到酒紅色燕尾禮服既機會又有幾大?WA呢一個offer做得好!(thumb up)

2) 關島果邊既staff好貼心,而且serve我地既全部都係香港人/台灣人,全程冇乜需要講到英文,好有親切感!新人完全唔需要擔心去到要聯絡邊個、要點樣做,因為佢地既staff仲緊張過你!一到埗就約好時間去酒店接新人搞文件。幫我地既staff叫 Echo,佢知道關島拎結婚許可證既部門有機會排大長龍,冇曬籌就搞唔到許可,要再等一日,所以佢自己連lunch都未食,就接我地去輪籌,去到仲叫我地安坐,由佢來排隊,佢一邊排就一邊咬住個麵包做lunch,我同先生見到,都覺得佢太盡心盡力、太幫我地了!!
佢知道我地星期四結婚,政府部門星期五唔辦公,仲特登提早一日幫我地拎左結婚證書去簽,令證書上既日期會同我地行禮日期相同呢!
到左行禮當日,負責照顧我同我先生既bridal salon staff 服務照到,完全唔使新人去煩惱,連我地換落來既便服都一件一件幫我地摺好放落行李箱。行禮全程都對我地提點有加,令整個禮儀順利完成。完左行禮後,仲貼心咁遞上兩支水比我地,話「你們今天肯定累壞了,辛苦了!」我想講,你地就真係辛苦了!!呢D舉動可能好細微,但係好既服務就係由呢D一點一滴儲成架嘛!
香港WA提過,我地要準備12封5美元既利是比staff,我地新人心情緊張,行禮時將呢件事忘記左,但佢地一句都冇提過話要!我地覺得太唔好意思了!最終請Echo代轉交當日 bridal salon 服務我地既staff.

3) 最後一讚:關島 Angels Chapel 真係好!靚!!佢唔係果種好grand好有建築美感既教堂,只係座落情人崖上面既小教堂仔。但係如果你憧憬寧靜、莊嚴、純潔、small but warm 既教堂童話婚禮,我絕對誠意推薦你揀呢間教堂!佢既位置遠離市區,你唔會見到有遊客/路人係附近經過,而且一推開門,就可以係落地大玻璃見到杜夢灣既海,比人一種浩瀚既感覺!我父母都非常鍾意,直情覺得「這就是完美婚禮的定義!」

總括來講,今次婚禮唔可以算係完全carefree,對住WA同康泰,都要自己上心一D,必要時就狠狠咁追下佢地做野,自己唔好放「啤」手腳,由得佢地搞,因為佢地一換人,就未必會自動波跟返你D野.... 在香港籌備時,都有煩惱既時候,但去到關島,一切就完美起來!我完全係放鬆左心情,享受陽光與海灘,到左行禮果日,就「live in the moment」,將一切好好放在回憶裡面。而家諗返,都覺得無憾架喇 javascript:emoticon('Smile')javascript:emoticon('Smile')[/img]
回頂端
Kate28
XXX.XXX.101.214

發表發表於: Tue Jan 21, 2014 4:10 pm
12#

我都有遇過bellababe1898講既問題
1)我地join之前佢地已經有講過我結婚個日子會加價,大概加5-10%,我同我老公覺得冇out of budget就ok. 同埋想加唔同item既錢,佢地都寫得好清楚.我之前有朋友試過join左先話比佢知樣樣都要加,激到我朋友死,結果比得仲多錢,各位姊妹真係要小心,唔好貪平,人一世物一世,我令願簡間有經濟同有質素既公司.

2)我都轉左agent,不過我又冇咩野.銀行職員都唔會次次係同一個service你個accounts.最緊要係個planner清楚我地發生咩事.我咁岩都係yvonne跟,佢好有交帶,成日提我呢樣提我個樣

3.旅行機票真係不似預期嫁,大家預budget真係唔好預得太完美!!

聽到話造婚紗手勢造得好,我就放心晒,我仲簡緊款,我都怕造左出黎唔襯我. 我都覺得呢個offer好特別,講真出去租都係呢個價,點解唔擁有一條?
搞到我好期待黎緊既婚禮,開始緊張啦><
回頂端
Wedding Abroad旅行結婚專家 受害人
XXX.XXX.10.247

發表發表於: Sun Apr 01, 2018 11:29 am
13#

想在海外搞婚禮的新人請注意!!!!!!!

我寫出我的經歷就是希望每對準新人引以為戒,免招損失金錢,還得來一肚氣,以下是我在香港的 《 Wedding Abroad 旅行結婚專家》購買 海外 Wedding package經歷。

我和我未婚夫在2015年8月,在灣仔婚紗展被推銷峇里的海外婚禮,我們對Blue Moon Chapel(以下簡稱BM Chapel) 有興趣,原因是職員話BM Chapel的玻璃屋頂好多新人都喜歡,因為攝影效果很美,我們同意那全玻璃屋頂很吸引,經我倆商量後,在9月親自上公司舖頭購買該package,購買當日職員都係以BM Chapel玻璃屋頂的特式作推銷,付了$18xxx訂金,就回家等待公司下一步指示,期待著我們的婚禮。

以為一切正在軌道上,誰知我們在同年12月發覺 BM Chapel一早在4月已改了佈置,變成用假花封了屋頂

(即我們兩次被推銷時都已不再是玻璃屋頂),

如圖,我倆不喜歡,因場地感覺已不同,婚禮環境變得昏暗,我們即時詢問 Wedding Abroad負責職員, 她最先是回覆花頂不能拆除,並想尤游說我們花頂也很美,令我們覺得公司有心欺騙我們。

Wedding Abroad的解釋是他們不知情,因為他們有很多合營的 Chapel,不能全部更新場地資料,我們不同意,認為Wedding Abroad是我們的中間人,場地資料亦是全由他們介紹及提供的,而一個婚禮最主要就係場地環境和氣氛,現在購買的和實際的不同,是他們的責任。

他們是有提供BM Chapel升級服務或轉換其他場地,但經我同未婚夫商量後,

結論:
一,我們最初買 BM chapel因為喜歡那美麗的玻璃屋頂,現在沒有了,升級服務並沒有意思;

二,我們對Wedding Abroad其他推介的場地沒有興趣;

三,其實我們對 Wedding Abroad失去信心,擔心我們餘下的過程還有其他意外;

基於這三點,我們要求退款,但他們一拖再拖,我曾多次 email Wedding Abroad,可是沒有回覆,所以唯有親自 email峇里的 Blue Moon Chapel,答覆是BM Chapel已一早預備退款等 Wedding Abroad Bali人員提取,但 Wedding Abroad一直未有行動,我們唯有求助消委會和海關,Wedding Abroad香港職員還怪責我們把事情弄大,說什麽,不是這樣已私下解決,他所謂的私下解決就是要我們多付錢購買另一package,我們當然不同意!我們堅持退款!

我們曾經上門市與職員理論,可是她的態度差劣,還一直推卸責任,最後我們要報警救助!

我們唯有將整件事交給海關處理,在海關的協助下,場地可變回原狀,但事件已拆騰了一段時間,離我們的婚期都越來越近,我們怕婚禮給拖累,亦不想給一間完全不專業,也沒有道德的公司 (Wedding Aboard) 協辦我們婚禮,所以唯有放棄訂金,另作打算。

希望大家以此為鑑,小心選擇海外婚禮公司,如果唔係又蝕錢,又勞氣!


IMG-20180401-WA0000.jpg  Filesize: 190.84 KB  瀏覽次數: 704 次
按這裡可在新視窗開啟原圖
 圖片描述: 沒有提供
回頂端