發表主題 回覆文章
哥仔
XXX.XXX.194.35

發表發表於: Mon Mar 14, 2011 1:10 am
1#

廣告贊助 [隱藏]
上個星期跟ti wedding去泰國芭堤雅影既相,終於都有得睇喇。

上次影相既過程可以睇返以下既連結,影相既過程諗返都好開心:
http://comtools.esdlife.com/wedding_forum/viewtopic.php?t=236467

前兩日ti wedding既同事打俾我,通知我話我地輯相差唔多搞掂同埋會係婚紗展度展出,問我地會唔會去睇下,我梗係話會喇。咁佢就叫o左我地上去佢公司度拎入場卷,到時就可以免費入場。

今日去到會場,離遠就見到我地騎大象張相喇,行近d睇真係唔錯。之後我地坐低o左,佢地就用部ipad俾我地睇整輯相喇,一共有44張。呢44張相我地完全未睇過,全部係ti wedding既同事揀既,我地都覺得揀得唔錯,我地都好滿意。佢地仲特登張輯相燒係隻cd度俾我地拎返屋企慢慢睇。之後同佢地講返之前影相既過程都好開心,佢地無因為驚我地阻住佢做生意就急急腳講完就趕我地走。

我地過幾日會正式去揀我地自己相簿既相喇,到時就可以一次過睇晒所有既相喇。我地都影o左好多相,到時又要煩喇。拎到相簿之後再同大家分享喇。

總括而言,到現時為止,整體上我都覺得ti wedding做得唔錯,相既質素都好有水準,我係度祝願佢地可以繼續努力進步,少d負面新聞喇。
回頂端
yan*
XXX.XXX.192.82

發表發表於: Tue Mar 15, 2011 9:06 pm
2#

原來影完個幾星期就可以揀相呢~
上次我問sales..佢話1影完1個月左右可以揀相..4個月可以拎...好想影完快d睇相啊~
等我問下佢到時可唔可以快d先~
有雖然我唔係去泰國影...不過可唔可以post少少黎睇下?@@
回頂端
哥仔
XXX.XXX.194.35

發表發表於: Sat Mar 19, 2011 1:48 am
3#

阿yan*,其實我地都未正式睇到D相架,只不過因為佢地整o左幾十張係個婚紗展度俾人睇,我地至有得咁快睇到少少成果。妳介唔介意留個e-mail俾我,我send住一兩張俾妳睇呀。
回頂端
哥仔
XXX.XXX.194.35

發表發表於: Wed Mar 23, 2011 3:04 am
4#

尋晚終於去o左揀相喇!!! Smile

尋晚我同女朋友都懷住好興奮既心情一放工就第一時間沖上去ti Wedding果度,雖然我地係影相期間已不時返睇兩位攝影師阿忠同阿偉既精心作品(當時已覺得影得好靚),但係始終都無睇晒所有相而且係部相機個芒度睇都唔係睇得太清楚,所以我地都好期待揀相既一刻可以一次過欣賞晒所有既相。Wink

我女朋友一上到去就好急不及待咁揀相,原來我地都影o左幾百張相喎 Laughing ,真係揀都有排揀呀,我就由得佢揀住先,而我就係度同ti既人吹下水喇,但係d女人一唔睇住就真係會出事架,我女朋友竟然一口氣就揀o左百幾張相喎!!! Mad 我當堂眼都定埋,就好似呢個公仔咁喇 Shocked ,我梗係即刻返睇佢揀o左d乜同埋睇下有無得減少d喇,但係問親佢張張都話好靚,唔要唔得,佢話全部都係精選喎,到埋單計數個時就梗係大大鍋喇,唉 Sad

咁我唯有好努力咁同ti "R"返多Do野,等唔駛傷亡得咁慘重,咁總算ti既人都有返D良心,等我都仲有返半條人命。 Wink 講笑o者,其實佢地真係好好人,我地足足揀o左成四個幾鐘頭,揀到佢地閂門都仲未搞掂,但佢地都無黑晒面咁對住我地,令到整個拍攝過程到揀相既呢一刻都好開心,都充滿歡笑聲。 Very Happy 最後埋單個價錢我同女朋友都覺得好滿意,覺得用呢筆錢可以換到一段開心既回憶(同埋好多好靚既相)都係值得既。

最搞笑係我女朋友尋晚返到屋企之後又覺得d相好似揀得唔係幾好,(我心諗揀o左幾個鐘頭都覺得揀得唔好,有無搞歪呀!) 結果今晚又上過去再睇多次揀o左既相,咁又無那那搞o左兩個幾鐘,不過ti既人都無黑面,服務態度值得嘉許。俾著我就真係睬你都傻呀! Evil or Very Mad

經過o左揀相既階段之後,又到等待睇相版既時候喇,都要成個幾月架。我地已經千叮萬囑ti既同事執得靚d架喇,希望到時又有另一個驚喜,當然係喜出望外既喜喇! Smile (本想在此放上一些相,但可惜LOAD極都LOAD唔到,唯有放棄喇!)

揀相時的小插曲 : 尋晚同今晚係揀相既時候,先後都有幾對客人上來咨詢有關稍後去輕井澤拍攝的事宜,當中都有些客人比較火大 Mad ,但係都見到ti既同事都好有耐性同客人解釋佢地既立場同解決既方案,客人大多欣然接受佢地既安排。我本身都係一個消費者,我都好明白做客人既擔憂,同埋希望得到最好既安排,可以係呢個非常時期仍然能夠拍攝到一輯自己滿意同開心既婚紗相。係度希望大家都能平心靜氣尋求一個妥善的解決辦法,獲得一個雙贏既局面。本人覺得ti Wedding 係一間有質素既公司,每位攝影師都會歇盡所能為每對客人拍到最靚既相(我上去佢地公司幾次都聽到揀相既客人對相片同攝影師都非常滿意),不要因為今次日本地震既事件而蒙上任何污點。
回頂端