發表主題 回覆文章
cHnG2000
XXX.XXX.161.126

發表發表於: Fri Jul 30, 2010 4:49 pm
1#

廣告贊助 [隱藏]
我一向係討論區都係得個睇字, 好小留言既, 但我真係好想係度表揚下大舞臺既咁多位工作人員, 特別係Judy

我b day係今年6月24日,我同我太太係上年已經book定佢地, 我記得我地係佢地open day既時候walk in睇場, 之前都冇睇過其他, 但去到我太太就好鐘意, 我自己就對佢條扶手電梯有d保留,因為佢張個場分開左兩邊, 但商量過後諗住睇下有冇咩吸引既offer, 但個個staff都好似好忙咁, 我地又唔係咁好意思拉住人黎問, 等左一陣終於有個staff理我地但佢都冇咩心機sell我地….再hea左一陣judy主動走黎approach我地, 佢好俾心機介紹, 又講埋包d唔包d咩(基本上都叫全包), 我都嘗試過睇下可唔可以叫佢再offer多d野, 但judy都好直接話唔得, 咁當然會唔心息啦, 但諗深一層人地咁受歡迎又真係唔愁冇生意, 你唔要個日大把人要, 所以都決定左book….但日子又想問下老人家先…judy都好好人俾我地改一次日子而又唔收charge, 咁我地就係冇睇其他場既情況下落訂啦, 諗返都好似有d衝動, 但就真係物有所值既

之後judy都跟得好足, 有咩問題打俾佢都好肯幫手, 好似請帖同訂橙個d我問佢有冇相熟既佢都好快搵到俾我, 同埋有時如果佢以為我有相熟既supplier, 佢會好婉轉咁問我 “你點解唔搵我幫你既?”因為我地覺得佢地本身既deco已經好夠(我本身鐘意簡單d)所以都唔駛另外再煩d咩野

到b day之前一個月, judy開始同我夾run down, 佢都俾到好多有用既意見俾我, 就算圍數張單明明寫兩星期前要confrim, 但因為我好多親戚都未知黎唔黎到, 所以開頭我同佢講應該有22至24圍, 但臨b day之前個一個星期自發覺最多都係得22圍人黎, 所以打俾judy問可唔可以減到20圍, judy只係講左一句包係我身上, 轉頭就同我講冇問題, 我自己都有小小意外, 亦都好開心

到b day啦, 大家都知一對新人就一定好唔得閒, 成晚執圍呀, rundown呀都係靠judy同班兄弟姊妹跟, 先有個咁好既婚禮, 另外有一個叫michelle就係跟我太太既, 佢都做得好好

完左婚禮之後同番d兄弟食飯, 佢地個個都話judy真係好落力, 仲問我同佢之前係咪識得既…真係想再係度同佢地講一句:多謝!! 希望各位揀左大舞臺既都會有個完滿既party ^^
回頂端