發表主題 回覆文章
leelee^^
XXX.XXX.250.43

發表發表於: Mon Jun 14, 2010 4:27 pm
1#

廣告贊助 [隱藏]
之前係esdlife 睇到d 新人話大舞台d人好無禮貌, 自己上年係婚紗展同佢地d同事傾&confirm 婚期既時候又有同樣既經歷, 男朋友都話 “佢地咁樣, 唔好book 呢度啦, 大把選擇, 點解要受氣?”, 都唔緊要, 因為覺得個場地好特別, 諗住自己都攪開event, 無問題既, 覺得可以handle 到. 點知……

係婚紗展既experience --- 新人結婚支出龐大, 通常都想同酒樓/店傾下, 睇下有無d special offer, e.g. 車位, 小食…. 可以慳返少少. 當時最初係個叫Judy 既CSO同我傾, 但一路傾既時候, 問乜都話唔得, 態度又唔好, 好似你book 就book, 唔book 就算, 又係咁講: “乍乍地, 真係乍乍地…” 我比你唔係問題, 不過最後經理都係唔會批” “我比佐你, 我比人炒架, 你聽日就見唔到我架啦”… 等等好粗俗既說話. 依家你serve 緊客呀, 但我覺得連最基本同人講野既禮貌都無.

最後終於傾到有d眉目, 覺得算啦, 可能佢地真係多人book, 唔憂做, 所以企得咁硬. Judy將傾好晒既野, 寫晒係contract 度, 大家簽好名, 又碌埋我張credit card 收訂金, 張card receipt 都來到台面, 爭在未簽乍. 但佢竟然可以話你知, 都係唔得哩, 經理唔批. 但明明之前佢得行開話去問經理, 返來話ok先落contract, 因乜又咁突然改變主意既?? 仲要用塗改液塗晒之前寫既 野, contract 來架喎, 乜原來可以咁架咩?! 我地真係忍受唔到啦, 最後叫佐經理Edmond來, 同佢反映呢個同事態度真係好有問題, 又無禮貌, 想換另一個人, 最後經理話 ”Judy 你唔使再跟呢張單” 同我地講 “我會跟你地呢張單, 你以後有咩直接搵我就得啦, 同埋結婚當日跟新娘子既, 我寫明搵我地最高分同事Kathy 跟你” 又問返成件事係點, 同埋頭先Judy offer d 咩比我地, 話會offer 返. 我地一心諗住 “都好呀, 呢個經理都ok, 如果佢serve我地既, 咁應該都ok” 就咁confirm 佐張單.

但原來呢個只係惡夢既開始…………………….

因為婚期漸近, 依家陸陸續續開始confirm 結婚細節, 咁上個星期就打比Edmond諗住約定佢星期日(即係琴日啦)下晝, 問清楚大舞台有d咩包, 咩唔包, 包既又係咩, 睇下岩唔岩用, 唔岩既就要自己係出面搵人/decoration做, 因為所有野都要預早confirm 架麻. Edmond話 “你上來之前打比我就得架啦, 唔使約實時間” 咁好啦, 星期五打去re-confirm, 電話飛佐線去Judy度, 佢話 “有咩同我傾都係一樣, 因為我同Edmond都係負責婚宴既.” 咁我話我之前約佐Edmond星期日搵佢問野, Judy話 ”唔知佢會唔會放假”, 我話 “吓, 佢約佐我架喎, 仲叫我上來之前打比佢就得” Judy再肯定咁話 “你搵我都一樣” 咁琴日上去之前, 我再打去, 電話又飛佐線去Judy度, 佢話 “Edmond放假, 叫我地去搵佢傾無問題” 咁我見佢咁肯定, 態度又幾好, 咁就一行四人上佐去.

一路問, 一路問, 好明顯見到Judy 既態度由幾好, 變到麻麻地, 到唔耐煩, 再到無禮貌, 最後佢地茶市完要set場, 佢仲好明顯係 “送客”果隻, 而唔係叫我地移去第二度再傾!!! 我明白可能我地問題多佐. 但係要明白我地作為新人, 當然想有個完美既婚禮, 而且我地又未攪過婚宴, 大舞台又標榜自己係最佳婚宴場地, 又有華麗佈置… 咁大舞台差唔多日日攪婚宴, 我地當然覺得你地經驗豐富, 係專家啦, 但比我既感覺係: d staff 唔耐煩lor, 完全無passion & heart 做婚宴. 咁我要confirm decoration, 當然要confirm 一下個場有d 咩, 如果我覺得岩我style, 就無需要decoration 整, 問下reception / cake / signing table, 油畫架個佈置係點好正常者. 又無要求要答我到時exactly 既係點, 但係呢幾樣野到時係唔係同一個style, 咩色系, 大約都知卦. 咩都淨係話 “咁耐之後既野confirm 唔到你, 依家係咁, 到時唔知架, 爛佐咪買過lor. 無話過比你聽係一set 架, 依家呢d都係我去買架乍, 我用私人時間去買架” 問佢其他野又話 “呢d 我決定唔到架, 我話唔到事架, 要問經理” 咁我地話 “咁要問邊個呢? Edmond又唔係度” Judy又話 “Edmond係我地副經理, 再上係經理, 呀~不過我地經理好忙架, 好唔得閒架, Edmond係呢度話晒事架啦 ” 言下之意即係無人得閒應酬我地? 我地係客來架喎, 約佐傾野又突然間放假, 又唔通知我地, 同我一齊去仲有個大肚婆架!! 唔得我地下次來過. 無問題架. 唔使咁lor~ 最離譜係傾傾下Judy同我地講 “你地咁樣, 我好難同你傾落去架喎!!” 嘩~ 我係客, 更唔滿意呢位小姐既態度, 我都無咁講, 佢竟然咁同我講野....... 我真係無野好講…..

最後臨走既時候, 見到大舞台佈置果2個油畫架: 一個係粉紅色紗 + 白色葉 (似reception/cake table 既style, 都ok 架), 另一個見到真係嚇死你: 白色布 + 粉紅&白色梅花.如果我係琴日個新娘子肯定激死!! 多口問Judy一句, 2 個架點解會佈置得咁唔同, 完全唔match, 佢話上一次係咁就係咁, 我地唔會改. “咁如果我地買d料叫你地同事整上去得唔得?” “唔得喎, 我地整架唔會改, 你地擔心既, 一係搵decoration 公司整lor, 我地果d係咁就係咁架啦!”

以上就係我慘痛既遭遇, 我諗係呢度有唔少新人同我都有相似既經歷, 所以想比個心理準備一d想係大舞台結婚既jm. 以上全部係個人感受, 可能有人覺得佢地超級helpful都唔定, 但如果有得比我再揀過, 我諗我一定唔會揀呢度 – 貼錢買難受, 縱然佢係靚, 但我寧願搵跟得貼同有耐心既地方. 老實講, 如果大舞台再係咁落去, 佢個場更靚, 更特別都唔會有人願意去…
回頂端
Szebaka
XXX.XXX.138.172

發表發表於: Mon Jun 14, 2010 11:26 pm
2#

請問你大日子幾時?

maybe你可以參考下網友桃子大舞臺open day的相
http://wow.esdlife.com/space.php?uid=15947&do=blog&id=48466

http://wow.esdlife.com/space.php?uid=15947&do=blog&id=48464
回頂端
leelee^^
XXX.XXX.101.33

發表發表於: Tue Jun 15, 2010 12:07 am
3#

thx for sending me the links Smile my big day will be coming mid jan
open day 果d同真嘅有好大的出入,擺出來嘅全部都好似好靚咁,但就大部份野都唔包 ><"
回頂端
Szebaka
XXX.XXX.220.136

發表發表於: Tue Jun 15, 2010 11:16 am
4#

我big day係2011年2月

我同你一樣都係緊張大師 想令婚禮盡善盡美, 之前約edmond上去大舞臺睇場同你的遭遇差唔多 所以可以明白到你的心情

之前問過edmond 佢話big day前3個月就會有專門負責當晚的同事聯絡你&同你跟進張單, 雖然唔肯定到時會唔會, 但既然落左訂唯有接受, 而家唔開心只會影響準備婚禮的進度

建議可以出去行下d佈置公司, 睇下佢地d相版, 以大舞臺來說, 一般佈置公司都會做過, 他們有經驗可以先參考一下
回頂端
Cherry芝
XXX.XXX.212.220

發表發表於: Tue Jun 15, 2010 11:23 am
5#

我9月就大日子喇~但你以上問個d野我都未同大舞台傾呀~諗住比3訂個陣先傾!
我都想知道佢地基本既佈置係點!我都好怕遇到你呢d經歷!
一生人一次~點都想整得好d~始終我地都係客丫...冇理由咁樣對待 Confused
回頂端
Cherry芝
XXX.XXX.212.220

發表發表於: Tue Jun 15, 2010 11:25 am
6#

big day前3個月會有人聯絡??
我到今日都冇收過電話~!
回頂端
leelee^^
XXX.XXX.195.7

發表發表於: Wed Jun 16, 2010 11:24 pm
7#

係呀, 人生人一次梗係緊張d架啦, 但佢地咁既態度, 真係好唔helpful lor. 我都係想confirm 下睇下有d咩要搵decoration, 所以先問得咁details. 老實講如果要decoration做都係時候book 架啦, 等到3訂, 即係3個月前就太"mun"水啦, 好日子覯既decoration 都好full 架麻~

我相信你地睇到佢地既standard decoration 果陣 (我星期日見到既), 一定嚇死! 一個同其他table 相似既款式, 另一個似中式, 放埋一齊... 真係難睇到死.... 所以我都試下quote 價, 唔係太貴就比decoration 做啦, 當買個保險穩陣d, 唔想到當天先有surprise. 你地都加油, 我地可以分享下 Smile
回頂端
Cherry芝
XXX.XXX.157.53

發表發表於: Thu Jun 17, 2010 12:09 am
8#

其實我都只係想佈置少少...e.g 舞台加毛毛地毯,油畫架,接待處...所以我打算自己攪!
但係比3訂唔係2個月前咩?
回頂端
leelee^^
XXX.XXX.144.68

發表發表於: Thu Jun 17, 2010 11:52 pm
9#

我都唔諗住整好多架,最初只係諗住整下個台之嘛,都係毛毛地氈,同加少少花咁就算。依家有考慮decoration, 自己整枱同油畫架ok嗎?

係呀,睇返張單3訂係2個月前,我記錯左..... haha...
回頂端
Cherry芝
XXX.XXX.212.220

發表發表於: Fri Jun 18, 2010 12:22 pm
10#

如果唔複雜~自己攪已經ok...不過你要準備好哂d野同埋要同你d兄弟姊妹溝通清楚你想點..因為到時你未必有時間去follow=)
回頂端