發表主題 回覆文章
留言板管理員
XXX.XXX.191.196

發表發表於: Mon Oct 09, 2006 4:54 pm
1#

廣告贊助 [隱藏]
昨天與一位男性朋友吃飯,無意間談起「美色」的問題來,他說十個男人有九個第一眼也是被女人的「美色」所吸引,繼而作出進一步追求行動。放下書包良久的我,突然想起一段古語「以色事人者,色衰而愛馳,愛馳而恩絕」意謂女人若以美貌取悅男人,到一天花落容顏,愛便會離開,而令雙方面恩斷已絕 (出自《漢書‧李夫人傳》)。我的朋友聽下去雖然認同,但仍然不肯放棄他愛看美貌的本子,我也再懶理他。

男女之間由初相識到結婚,無疑樣子起了"促進感情"的作用,然而,比關芝琳再美的女人,也有一天會看慣,更會有衰老的一天。今天,大家走到結婚這一步,有沒有想過他到底喜歡妳甚麼?你們之間靠甚麼維繫感情?不論男女,不妨多想想對方比樣子更重要的優點,讓感情建基於這些優點之上,一旦爭吵起來也有實實在在的感情依歸。

Florence
Editor


留言板管理員 在 Tue Oct 31, 2006 10:59 am 作了第 1 次修改
回頂端
麥兜豬
XXX.XXX.197.198

發表發表於: Mon Oct 09, 2006 5:23 pm
2#

男女初次相識,係其他乜野都唔知0既情況之下,第一眼一定係睇樣啦!

男追女如果係為左結婚,知道佢\0既樣之後就跟住瞭解下佢\0既性格、對事物0既睇法(如果係教徒仲包括信仰)、相處一段時間睇下大家夾唔夾…。我諗最重要都係睇性格!好多男人之所以認定身邊人就係將來0既另一半,相信都係睇中左佢性格既某一方面…

維繫感情有太多方法啦,大至金銀鑽石珠寶,小至每日一個電話…
回頂端
Sabrina819
XXX.XXX.169.238

發表發表於: Tue Oct 10, 2006 12:47 pm
3#

我都有問過BF鍾意我d咩ka!因為自問我對佢真係唔算好好,講樣我又唔係好靚,身材又唔係好好,不過次次問BF呢個問題佢都唔係好認真咁答我,到最近有一次我再問佢,我居然答我因為我好細心,好錫佢,哈哈.....個一刻真係有d感動,因為估唔到我係佢心目中係咁好 Laughing

至於點樣維繫感情,我覺得每一個人都仲係o係度學習緊,因為人係會變,so far到目前為止同BF都無因為d咩事而鬧交,其實好多時都係因為佢肯就我.
其實我都覺得兩個人相處最緊要就係有d咩事,雙方都要學識讓步,唔好死牛一面頸,對男/女朋友又好對任何人都好,都要將心比己,多d企係對方個面諗,而呢樣野我都係度努力緊 Razz
回頂端
小魚魚
XXX.XXX.101.225

發表發表於: Tue Oct 10, 2006 1:16 pm
4#

我男友中意我咩? 因為我比佢蝦到囉, 之前佢d 女友仲強過佢, 而家我就好像聽哂佢話咁, 所以佢覺得在朋友面前有face 囉~~~哈哈, 講笑呢個問題, 到昨日我都仲有講起, 佢去幫朋友做伴郎, 點知有個伴娘中意佢, (好嬲~~~~~ Twisted Evil ), 於此我就話我自己冇樣好, 又爛玩, 又爛飲, 唔識溫柔, 唔識煮飯, 都唔明中意我乜~~~~~不過佢就話, 即使有個李嘉欣追佢又點, 佢而家已經有左我, 聽到咁講雖然明知係假, 不過都好開心,嘻嘻 Very Happy
回頂端
candy wong 17
XXX.XXX.131.166

發表發表於: Tue Oct 10, 2006 2:50 pm
5#

我老公喜歡我既,唔係我個樣,係我既性格,
因為佢都講過唔覺得我好靚...(真係有D嬲 Twisted Evil )

維繫感情呢方面就有好多方法既,
得閒你TUM下我,我TUM下你咁.
唔一定要用好多$,好似整個蛋糕比佢都得嫁.
最緊要識得體諒對方... Wink
回頂端
萍兒
XXX.XXX.251.208

發表發表於: Tue Oct 10, 2006 5:28 pm
6#

其實我覺得不論男 or 女,初次見面都係會睇個樣先。
老套d講句,如果個樣真係好唔 ok ,咁都無人想留意你的內在美la..

我都有問過我男友點解會鍾意我 ga! (仲要係成日問個隻)
佢就會話 : 你靚low... 好明顯佢係是但畀我一個答案..
不過都無計la... 鬼叫鍾意佢咩...

有一日,我再問佢的時候,佢答我 : 鍾意就係鍾意,無得解 ga..
如果真係有得解,咁就唔係鍾意la.... 鍾意係要鍾意佢的全部,唔係鍾意某一樣野,鍾意就要包括鍾意埋佢的好和佢的不好。

佢講完之後就話 : 唔好再問la ?? 好嗎??

係個刻我都好感動 ga!!

之後我都唔係好敢再問,不過有時都會問下... (比以前少左 ga la) Laughing
回頂端
Amy Pang
XXX.XXX.225.50

發表發表於: Tue Oct 10, 2006 6:03 pm
7#

我都有問過我男友點解鍾意我?佢幾save呀!佢話鍾意就鍾意,無得解,如果建得到就唔係/唔夠鍾意喎!
回頂端
Amy Pang
XXX.XXX.225.50

發表發表於: Tue Oct 10, 2006 6:03 pm
8#

Amy Pang 寫到:
我都有問過我男友點解鍾意我?佢幾save呀!佢話鍾意就鍾意,無得解,如果解得到就唔係或者唔夠鍾意喎!
回頂端
M.T.
XXX.XXX.180.71

發表發表於: Wed Oct 11, 2006 12:24 am
9#

我 bf 承認當初想識我係因為我O既外表。但係佢都有強調,到真係鐘意我係因為覺得大家O既目標,對好多O野O既睇法好一致。如果唔O岩傾O既話,佢話都唔會單單因為我O既外表而同我一齊。

拍O左拖幾年我因為壓力,有段時間搞到皮膚好差,尤其是係個面。O個次個打擊對我好大,我試過自己一個人"哩"埋O係屋企喊,唔想出街見人。BF 無因為我無以前咁靚而唔理我,嫌棄我。仲成日陪我,開解我,陪我睇醫生,話好快會無事。好彩,而家都叫做好番晒。但係見過呢件事,我好肯定,就算過多50年,我老到巢晒皮,一O的都唔靚,佢都會咁愛我。

至於我點解鐘意佢,一個好主要O既原因係我覺得佢好叻。Hee。。。我未遇過一個比我叻咁多O既人 Embarassed ,除O左我自己O既專業,事無大小 bf 都可以俾到好好O既意見我。同佢一齊唔會覺得好 lost,反而好有安全感。
回頂端
Alfphy
XXX.XXX.205.129

發表發表於: Wed Oct 11, 2006 10:11 am
10#

我老公話最初係因為我的外表,很眼熟,好似係邊度見過,所以印象特別深刻!
之後,就話係因我的性格吸引。
我覺得人被異性的外表吸引係好自然的事,
女人都會看看對方順不順眼先交朋友啦!
回頂端