發表主題 回覆文章
00ling00
XXX.XXX.154.141

發表發表於: Sun Dec 07, 2008 7:30 pm
1#

廣告贊助 [隱藏]
我12月尾結婚喇,最近我未來老公個妹同我講,結婚嗰日佢會斟茶比我飲,而我作為阿嫂,就要回番條金鏈比佢喎!佢勁開心!等住收金!佢仲話呢個係習俗,唔信叫我上綱查吓。我查來查去都查唔到,我媽咪仲話,嗰日我結婚,唔係只有我收人金咩,做咩仲要買金比返人?奇怪!!!

有無人曾經有過呢D經驗,究竟係咪真係有呢D習俗?
回頂端
芒果布甸
XXX.XXX.47.6

發表發表於: Mon Dec 08, 2008 12:27 am
2#

呢樣野聽都未聽過。

根據咁0既邏輯,如果你老公有多幾個妹,豈不是你要送多幾條金鍊?有排你蝕囉 Rolling Eyes

不如你首先問下佢,佢睇到邊個網址有講呢樣野。
回頂端
JujU
XXX.XXX.105.132

發表發表於: Mon Dec 08, 2008 12:06 pm
3#

佢嫁先送就合情合理...
有乜理由要送金比佢呀...傻傻地...最多米封一封利是仔比佢...
你可以答佢,等佢嫁時先送囉! 結婚已經洗好多錢...仲要送金比佢,佢都傻既!
回頂端
珊珊來遲
XXX.XXX.131.70

發表發表於: Mon Dec 08, 2008 3:15 pm
4#

我剛剛上星期先結咗婚, 边有咁樣的習俗, 我只係收金器, 男家冇要我攞返出來.

你結婚果時, 正常你係唔洗斟茶俾佢, 佢都唔洗斟茶俾你. 而我只係知道, 如果女家有兄長或家姐未結婚, 啊媽先會係你果度選返一樣金器俾啊哥或家姐.(我啊媽都係選咗隻介指仔留返俾我啊哥) 我未聽過男家d人要囉女家d金器囉, 金器係新娘子的嫁裝, 男家D人係唔囉得, 只有俾你, 冇話要你俾人.

到你姑仔結婚果時, 你先可能要俾金器(OR唔俾都得, 利事都可以, 睇你同佢FD 唔FD啦)
回頂端
水心女
XXX.XXX.83.2

發表發表於: Mon Dec 08, 2008 4:57 pm
5#

成件事當然冇乜道理啦,不過你要拆掂你未來姑仔的心情喎,到時佢一場歡喜一場空,叫你未婚夫搞掂這件事,一係叫佢自己畀錢買囉。
不過你諗下,當日你是做收禮的那一個,無端端要送連金鏈畀姑仔,幾咁騎呢!
我都係人地姑仔,從來唔會有呢d奇想......
回頂端
00ling00
XXX.XXX.153.158

發表發表於: Mon Dec 08, 2008 8:13 pm
6#

好多謝各位比我既意見,我原本都只係唸住到時封番封利是比佢就算,點知今日,再由未來奶奶親自提醒我,話妹妹到時會斟茶比我,叫我要預備番份禮物比佢當係見面禮喎。
於是我話咁好似你地封利是比我細佬當買舅仔鞋,我又封番利是得啦,點知奶奶笑笑口咁話,當然唔得啦,利是又點可以當見面禮物呢,要禮物先得喎。
真係咩都係佢講晒!
回頂端
Pekklebaby
XXX.XXX.136.55

發表發表於: Mon Dec 08, 2008 9:39 pm
7#

妳唔會夠妳99講架啦,如果係我,我會同佢講我問左媽媽同婆婆(如有會好d)或一d年紀大的親友,佢地都話冇咁的俗例,一係唔駛"阿妹"斟茶比我囉,因為佢都冇必要斟~~~ Wink
回頂端
傻頭傻腦小月
XXX.XXX.192.30

發表發表於: Mon Dec 08, 2008 10:22 pm
8#

我睇係阿妹向你奶奶告狀, 問阿媽斟茶俾阿嫂(即你), 係咪有金器收就真.....
你有無同你老公打聽下以往佢d親友係咪都有支咁既歌仔唱架...?
回頂端
傻頭傻腦小月
XXX.XXX.192.30

發表發表於: Mon Dec 08, 2008 10:24 pm
9#

Pekklebaby 寫到:
妳唔會夠妳99講架啦,如果係我,我會同佢講我問左媽媽同婆婆(如有會好d)或一d年紀大的親友,佢地都話冇咁的俗例,一係唔駛"阿妹"斟茶比我囉,因為佢都冇必要斟~~~ :wink:



至弊有d屋企習俗真係晚輩要斟茶俾你呢! 我老公果邊又係咁..我入門時都有斟俾我, 然後又要我斟番俾佢地架
回頂端
錫一啖
XXX.XXX.11.23

發表發表於: Tue Dec 09, 2008 12:03 am
10#

我上網好似睇過平輩酙茶的話, 如果對方細個對新人, 係由對新人俾番利是個細d的平輩呀! 可能, 你老公o果邊以前係大戶人家掛! 唔收利是, 收金鏈.

唔好理, 交俾你老公去攪掂佢囉! 如果你老公都話要送金鏈, 叫你老公出錢. o華! 收金鏈? 你老公個妹知唔知家陣d金有幾貴呀! 大唔大想頭d呀! 一係就話trendy, 去樓上舖到買條平平o地有粒鑽石仔的手鏈/吊咀, 再唔係就水晶鏈. 你99都係話見面禮之麻! 冇指明係金. 咁當然之後就有掛煩啦! 俾金鏈就一了百了!

如果你老公都話俾利是算數! 叫佢同返佢屋企人講. 有乜事搵老公去頂, 叫佢出面攪掂佢.

睇o黎你老公個妹都係麻煩友! 你真係要小心d呀! 最好同99及你個姑仔保持適當的距離.
回頂端