發表主題 回覆文章
Phoebe(3)
XXX.XXX.240.25

發表發表於: Thu Aug 30, 2007 9:04 pm
1#

廣告贊助 [隱藏]
我知我一向同老公的屋企有好大問題,我知佢地唔鐘意我,但係我一路都覺得冇乜野,可能係已經慣佐,但係睇完大家的post後,我發現原來我地真係好有問題,我係唔係唔應該再咁易話為呢?

1. 同老公拍拖時,佢媽媽已經唔係好鐘意,因為大家果時仲讀緊書(大學),佢果時已經好管我老公,唔俾佢出街。有時我打電話搵佢,佢明明係屋企,但係佢媽媽都會話佢唔係屋企。
同親我出街,都會哦佢,要佢早返,唔好送我番屋企咁。久而久之,我地兩個怕拖好似偷偷摸摸咁,到大家都做緊野,都仲係咁。所以,我係同我老公拍拖的六年內,見過佢阿媽少過十次。

2. 到我地結婚時,佢阿媽又好似唔係好鐘意咁。話我老公細(我老公果時已經29歲),點解唔再揀下先。

3.我真係一d金器都冇收過我奶奶,我只係收到斟茶果時果封100蚊利是。

4. 註冊果日,我老公的阿大哥一家遲大到,遲佐一個鐘。

5. 食飯果晚(我已經知佢屋企麻煩,已經講明唔可以擺酒,只係兩家人三圍食飯,講真,邊個女仔唔想嫁得好好睇睇),佢阿媽加阿二哥一家遲佐兩個鐘。我阿媽果面足足呆等佐三個鐘。

6. 註冊、食飯,佢大家姐都冇出現過。我一路都以為佢唔得閒o者。點知婚後第一個星期日,我同我老公返屋企食飯。我叫佢一聲家姐,點知佢家姐就發顛,係度大聲鬧我,叫我唔好叫我做佢家姐。之後,我老公都好嬲,就叫我落街等佢,等佢同佢家姐傾下。佢家姐就大聲"彭"門。發老脾。我同我老公即走。

7. 第二日,我奶奶打電話問我老公做咩走佐去,仲話以後佢(我老公)自己一個人返去食飯好喇,我以後唔好再上佢屋企。

其實我一路都知有問題,但係我都冇辦法。咁我諗,我咪照做好我本份囉,一個月都有一次,叫我老公約我奶奶出黎飲茶。但係我奶奶就好高竇,唔係咁易約到出黎。

有時,我都會好唔開心。過時過節,緊係諗住一家人食下飯咁,但係就永遠就一個人自己係屋企孤伶伶咁過,過時過節,我都會叫我老公返佢屋企食飯,我就有時會返自己屋企。不過,我媽咪有時都會問點解唔使返奶奶度,我又點好意思同佢講話我奶奶叫我以後唔好返去食飯呢?我同我老公結佐婚兩年,都係上過佢屋企兩次。

我知過親節,佢屋企都會一家人好齊整咁食飯,就算佢二家姐一個散佐的男朋友都會去。咁我呢?我算係咩?

有時,都會覺得自己好睇得開,都唔算話真係好憎佢屋企人。我都算尊敬佢媽媽。但係,又有時諗,我做咩要咁委屈自己?

我知呢篇野好長,但係我都係想發洩下…
回頂端
Pekklebaby
XXX.XXX.109.18

發表發表於: Thu Aug 30, 2007 9:17 pm
2#

妳唔嬲係妳心胸廣o者~~~我覺得佢地唔中意妳,妳咪唔好理佢地囉,大家河水不犯井水,無謂為左呢d咁的人而唔開心~~~

最緊要係妳同妳老公兩個過得開心咪ok囉 Wink
回頂端
悠閒
XXX.XXX.104.160

發表發表於: Thu Aug 30, 2007 9:29 pm
3#

我覺得男家屋企人點都無所謂, 最緊要係你老公對你好! 如果佢屋企人對你好, 但你老公對你唔好咁咪仲慘!
唔好諗咁多嘞! 同你honey甜甜蜜蜜過生活啦!
回頂端
Sleepy20
XXX.XXX.86.25

發表發表於: Thu Aug 30, 2007 9:54 pm
4#

嘩~你見佢咁少次都咁?如果你真係咩都無做過佢地又會無啦啦都咁憎你鵅H唔通佢地一家人個個都係有思覺失調?定係你同佢有仇?無啦啦當你殺父仇人咁憎恨,真係覺得佢地好可憐好辛苦!憎一個人好辛苦好浪費氣力呢!呢個世界真係乜人都有!

唔好諗咁多啦!佢唔當你一家人咪算囉!俾個良心佢當狗肺!最緊要係你無問心無愧,老公明白你錫你! Wink
回頂端
幸福大女人
XXX.XXX.138.96

發表發表於: Thu Aug 30, 2007 9:57 pm
5#

我覺得上面2個姐姐講得好岩架,
除非你老公係完全聽晒男家果邊話, 如果唔係,
其實你可以同老公傾下, 如果過時過節你覺得孤伶伶
可以同你老公商量下, 一個節日佢返男家, 你返女家
咁下一次過節, 就陪你返女家過節, 倫留一人一次囉
我有個fd個大佬都係咁, 我都問佢, 咁過時過節你大佬點呀
佢話無架, 同大嫂倫住囉, 今次過節大家返男家做節, 下次就大家返女家做節啦
咁好公平, 唔會話次次都返一邊食飯咁啦
回頂端
貓王
XXX.XXX.189.121

發表發表於: Thu Aug 30, 2007 10:05 pm
6#

你好叻呀,忍耐力勁高。佢家人都幾奇怪ga bor。不過唔緊要啦,你都做左你本份,係個好乖的新抱,佢地唔領情未由佢地lor,唔好嬲佢,費事傷身。
回頂端
幸福大女人
XXX.XXX.138.96

發表發表於: Thu Aug 30, 2007 10:13 pm
7#

貓王~~我好掛住你呀
你上黎又鬧人呀? Laughing
回頂端
kome
XXX.XXX.248.65

發表發表於: Fri Aug 31, 2007 2:39 pm
8#

我都覚得你忍耐力驚人、如果比着我、我一定吾会理佢地、佢叫我,我都吾上阿!
但係你有無了解過点佢屋企人会甘吾鐘以你阿?会吾会之前發生過D誤会阿??
回頂端
錦花糖
XXX.XXX.12.203

發表發表於: Fri Aug 31, 2007 3:11 pm
9#

Phoebe(3),

究竟發生過乜洠A無理由無啦啦咁憎你,
我就一會要問清楚,死得不明不白好唔甘心。
回頂端
Phoebe(3)
XXX.XXX.240.25

發表發表於: Fri Aug 31, 2007 3:59 pm
10#

多謝大家的關心。

其實我真係唔知邊一度得罪佐佢屋企人。
佢大哥二哥遲到果d,我諗可能真係唔係有心。

但係我奶奶…唉…
我地讀書拍拖果時佢已經唔係好鐘意。
佢成日覺得我襯唔起佢個仔(我老公係專業人士,我只係一個小小的小學教師)。
我老公由細到大都好乖,好孝順,可能同佐我拍拖之後,多佐出夜街,少佐係屋企食飯,(少的定義可能只係一星期出兩晚,十一點前一定返到屋企)佢已經覺得我教壞佢個仔。

拍拖果時,奶奶已經同我老公講,其實佢可以搵一個同行(專業人士)拍拖,唔使同我一齊。(果時我讀教院,奶奶已經覺得好cheap)

至於大家姐,真係仲無辜。其實結婚之前,佢對我都冇野。見面都有傾下計。但係唔知做咩結婚之後,就好似成為佢殺父仇人咁。

同老公傾番,佢家姐四十幾歲,未拍過拖。佢覺得係我搶佐佢細佬…
咁我可以點,咁唔通要我同我老公一世唔結婚。

唉…諗番都好唔開心。
我其實講真,真係冇所謂。唔見佢屋企人,我覺得都冇乜損失。
但係,我同老公宜家諗生BB啦…
咁唔通要BB又係好似地下情咁。
一年先見老公屋企人一次?
咁我覺得好對唔住個BB。
回頂端