發表主題 回覆文章
留言板管理員
XXX.XXX.191.196

發表發表於: Wed Feb 07, 2007 2:51 pm
1#

廣告贊助 [隱藏]
一線金, 二線銀, 三線做夫人...
這是童年時曾聽婆婆唱過的《線臉歌》, 據說是幫新娘行上頭儀式時, 於線臉期間唱的祝福歌謠. 小時候, 我常常幻想自己當新娘的一天, 會是怎麼那麼樣, 畫面盡是浪漫感動的甜蜜, 既悸動又期待...
終於要嫁人了, 待嫁中, 心情總是飄忽不定, 這個女人生命中角色的蛻變, 到底會怎麼那麼樣? 我真的想成為"太太'這角色嗎? 我真的可以擔當這個角色嗎? 我真的願意嗎? 我真的會適應嗎? 十萬個問題在心中徘徊, 真的好忐忑不安唷!
或許, 現在的妳也遇上同樣的心理關口, 想更了解自己的心理狀況嗎? 不如鼓起勇氣接受測試, 看看真實的自己吧, 還有機會獲得"金 . 鑽"首飾優惠呢!
http://www.wedding.esdlife.com/campaign/justgold/game_001_step1.asp


Editor
Ki Wann


留言板管理員 在 Wed Mar 21, 2007 9:48 pm 作了第 1 次修改
回頂端
狗狗小曲
XXX.XXX.120.122

發表發表於: Wed Feb 07, 2007 8:20 pm
2#

  來近五月就是我的婚期啦,其實,自己都有個憂慮架。

  我係一個好鍾意運動的人,自己都會有隊球隊,每星期都定左一晚同隊友練波,有時,間唔中平日夜晚都有D比賽,但自問真係間唔中,但決定結婚後,就開始聽到他父母的說話,要求我停止以後的活動,為何運動咁健康的活動,都不讓我去參與呢,心中的問題不繼出現了。

  事實上,婚前同婚後其實係咪真係有分別呢,係咪婚前可做的事,婚後就有所改變呢?婚後,是否要晚晚留在家中才是一個好媳婦呢?問心果句,自己真係唔可以婚後要放棄自己個人健康生活。婚後,我地二個人一齊住,而我未來老公星期一至五都留在大陸工作,星期六、日才回香港,基本上,我又唔係出外做D乜,打波見下朋友都不算是過份的事,為何婚後會有所改變呢,是否每個新婚家庭都會有改變呢?定係,真係我還是一個細佬女,唔明白婚後的事實呢?還是,上一代的思想唔明白二十世紀女性的新生活呢,真係好煩惱呀!
回頂端
維妮pooh
XXX.XXX.99.73

發表發表於: Mon Feb 12, 2007 1:33 pm
3#

妳好呀!狗狗小曲, 其實妳又唔係同佢哋一齊住, 唔駛介意佢哋講咩啦! 妳做o左佢又唔知, 最緊要係妳老公係咪o甘諗啫, 老人家一定係傳統啲, 覺得新抱一定要係屋企相父教子, 況且妳老公又唔係香港, 可能佢哋唔想妳出去玩o甘多啦!

我係今年9月新娘, 不過我同bf已經同居o左好幾年啦! 所以已經知道兩個人同一個人係真係有分別o架! 我都係一個鍾意去玩嘅人(但係我已經好少同朋友去karaoke/去飲嘢傾計啦), 如果有朋友打o黎同我講電話, 佢會講笑o甘話我唔理佢, 即係妳好多嘢要顧埋對方嘅感受囉! 唔可以妳一句話鍾意就走o左去做囉! 當然我都有堅持要見我嘅朋友食下生日飯o甘, 始終冇以前o甘多o架啦!因為妳嘅另一半已經出現o左o麻! 佢永遠都係排第一o架啦! (我bf係o甘諗o架) 成日問我邊個重要啲, 我個口答佢"我啲朋友都好重要o架", 但係好多時妳都會就佢先o架啦! 呢啲咪叫做互相遷就囉!
回頂端
pigpig豬
XXX.XXX.225.9

發表發表於: Thu Feb 15, 2007 10:50 am
4#

恭喜、恭喜
你們的婚期都在我前面,我今年11月30日,
其實唔洗唔開心,因為你同奶奶唔一齊住,就好好多啦
每個星期同佢哋食下飯,去下街,過時過節孝敬下佢哋,你最緊要識做
仲有屋企唔好安固網電話,到時話收唔到電話都冇你乎,
記得最重要系得閒要多d冧下你老公,到時萬事有老公頂。
回頂端
hograce
XXX.XXX.93.94

發表發表於: Fri Feb 16, 2007 3:00 pm
5#

我响上年都結咗婚了,婚後生活...對我o黎講有好有唔好,好o既係晚晚都可以攬住我隻豬訓,雖然有鼻"寒"聲,但都覺得好sweet的。
唔好o既係,我到而家都未適應同6299之間的相處,老公話我好似建咗一度wall响我同佢哋中間,話我無主動同佢哋溝通。不過有時真係話不投機半句多,真係o節唔到o既去同佢哋傾。但慶幸o既係我哋唔係同一屋簷下,而且住得唔近,相距1個多小時車程,否則我擔心我一定會變自閉。住得遠都有好唔的地方,就係每個星期99都想我哋返去陪佢食飯,如果平日的話,一來一回差不多3小時都真係幾金吓。
所以我覺得婚後的生活係...心/身不由已,亦可能同我性格有關,我唔想老公唔開心,又唔想6299唔開心,所以我選擇了自己唔開心...
回頂端
gemini_n
XXX.XXX.215.182

發表發表於: Tue Mar 06, 2007 10:33 am
6#

其實我係上年年尾都結左婚,做左人家個老婆了!

最唔慣係俾人叫阿太,又或者阿嫂,因為咁樣會老左好多!

我一向都憧憬住我的婚姻生活,但又同時會懂得面對現實!正如hograce咁講,我好enjoy老公訓係我身邊,因為會好有安全感!

但係卻有時會開始同老公有分歧,例如:6299係唔係應該有我屋企問匙?佢地係唔係可以隨時隨地上來我的家?

老公有時又會將我同99比,因為99會朝朝起身煮早餐,我比我老公早返工,自己都免強夠時間出門,仲邊有時間煮俾佢!佢有時又會話以前佢唔洗做家務,宜家就要又洗衫又洗地,最難受係其實係我洗衫我洗地,佢竟然話辛苦呢!諗極都諗唔明佢係點諗!

雖然好似講左好多唔好的東西,但我都係覺得我結婚呢個決定係沒有錯的!
回頂端
魔鬼BB
XXX.XXX.51.72

發表發表於: Tue Mar 20, 2007 11:06 am
7#

我上年十一月結咗婚,現在一様每星期返外家一次(每次最少兩日一夜)都無問題,如果你不是和你6299住,你去那裡佢哋都唔知啦,怕什麼呢.更何況你老公平日都不在香港,你一樣可以平日去做運動,甚至去wet都得啦   Wink
回頂端
pisces
XXX.XXX.234.173

發表發表於: Thu Jun 21, 2007 5:35 pm
8#

我唔覺得結婚後一定要放棄晒所有自己嘅生活, 斷絕一切社交、朋友, 其實適可而止便可, 結婚唔等同於坐監, 只要做好老婆本份, 其實有時都可以約朋友聚聚。
回頂端
yuffie
XXX.XXX.244.208

發表發表於: Thu Jun 21, 2007 6:12 pm
9#

魔鬼BB 寫到:
我上年十一月結咗婚,現在一様每星期返外家一次(每次最少兩日一夜)都無問題,如果你不是和你6299住,你去那裡佢哋都唔知啦,怕什麼呢.更何況你老公平日都不在香港,你一樣可以平日去做運動,甚至去wet都得啦   Wink





咁又係wor
回頂端