發表主題 回覆文章
留言板管理員
XXX.XXX.191.196

發表發表於: Mon Nov 20, 2006 7:03 pm
1#

廣告贊助 [隱藏]
由答允求婚那刻開始,繁瑣的籌備工作接踵而來,一兩年時間絕對不在話下,待嫁的心情永遠是漫長的。

期間,女人容易被種種客觀問題及情感起伏而弄至忐忑不安,心裡很自然便浮出千萬個問號:究意他是不是我該嫁的那位 Mr. Right?一切會否來得太快?婚後生活又如何?太多太多的未知數造成對前路的迷茫,婚期愈迫近,心情便愈亂,這些恐怕都是"婚前抑鬱症"的徵兆。

女人天生多疑,這點是肯定的,也是任由男人說多少說話也改變不了的事實。

婚期在即,現在的心情如何?來!分享妳們將為人妻的感受,讓大家一起為妳加加油,注入更多正能量!

Florence
Editor


留言板管理員 在 Mon Nov 20, 2006 10:38 pm 作了第 1 次修改
回頂端
waleinna
XXX.XXX.136.98

發表發表於: Mon Nov 20, 2006 9:33 pm
2#

其實,我答應結婚都係諗得好清楚,所以都唔會再有猶豫。
當然準備過程都會有唔少意見,涉及兩家人,七咀八舌咁,但係退後一步睇,大家都係為件事,咁自己又會覺得好啲。

但係,如果話擔心,都係擔心做左人地新抱就後,會有啲唔習慣……因為我男友媽咪爸爸講嘢唔係太照顧人地感受……有嗰句講嗰句。有時知道佢地講笑,但係我都會唔開心,因為我唔係佢地呢類人,我個人比較認真……所以我媽咪都擔心我會成日黑面…
Wink
waleinna
回頂端
fannytung
XXX.XXX.193.160

發表發表於: Mon Nov 20, 2006 9:53 pm
3#

呢個問題前排先發生o係我身上, 成日喊, 心情跌落谷底, 好唔想結婚, 主要原因都係因為男朋友媽咪, 慶幸我bf 都算關心我, 同埋唔係愚孝, 所以而加心情都好返一點, 我會盡我能力o係自己原則之下去千就未來奶奶, 我下個月就結婚, 希望一切順順利利吧!
回頂端
Charile
XXX.XXX.242.67

發表發表於: Tue Nov 21, 2006 10:03 pm
4#

"婚前抑鬱症", 我也很擔心 ~
所以我不時叫我放鬆d ~
放鬆到我bf 有次話我好似唔緊唔緊咁 (通常呢句說話出自新娘子口, 估唔到係我bf 講) ~ Rolling Eyes
回頂端
~Dream~
XXX.XXX.191.47

發表發表於: Tue Nov 21, 2006 11:19 pm
5#

今年結婚之前我曾經無數次有過一個念頭...就係唔結婚...
23歲既我...玩夠未o架? Question 我好似未玩夠喎
咁早結婚,會唔會好易離婚o架?睇定d先好唔好呢
重有就係當未來6299同埋d大姑奶亞伯個d係度你一言我一語
真係好煩lor....好似佢地結婚咁...乜都叫我地跟佢咁做..
但結婚係兩個人既事.....關佢地d八公**乜事呢 Evil or Very Mad
所以個陣真係唔想結婚,唔想將來對住d咁既人...唔想將來唔開心
後來當老公決定新屋唔預佢地份...我先開始無咁恐懼...'
死忍埋個兩個月.....一結完婚去完honeymoon返到黎,
新屋得張床咋...我都寧願瞓新屋都唔想再對住佢地.... Rolling Eyes
回頂端
150公分的女孩
XXX.XXX.239.50

發表發表於: Wed Nov 22, 2006 4:17 pm
6#

唔知咁算唔算呢...

雖然我出年先結婚,但係唔知點解成日個腦都閃過『唔結婚就好啦』。結婚真係好多野諗,好多野攪,好煩。最灰係所有野對於我黎講全部都係green,就算係响呢啲forum有人同你sharing,但係都要自己攪架!! Crying or Very sad

我又會好驚同屋企人關係會疏離咗,因為唔可以日日見到佢哋。對於我呢啲响娘家咩都唔使做既女仔,嫁咗人之後就咩都要做既太太,真係好驚~~
回頂端
snoopy(2)
XXX.XXX.12.80

發表發表於: Wed Nov 22, 2006 6:26 pm
7#

我都有"婚前抑鬱症"... Sad

的確好享往同honey婚後生活...但一諗起要同埋99一齊生活(同住 - 冇能力出去住)...的確好唔開心...事關好似冇髐G人蜜月生活feel...99不是麻煩人...不過作為新抱點都要事事忍讓.... Sad ......我會盡我能力去千就未來奶奶, 我下二個月就結婚, 希望一切順順利利! Laughing
回頂端
眼光光2
XXX.XXX.19.206

發表發表於: Wed Nov 22, 2006 7:48 pm
8#

~Dream~ 寫到:
今年結婚之前我曾經無數次有過一個念頭...就係唔結婚...
23歲既我...玩夠未o架? Question 我好似未玩夠喎
咁早結婚,會唔會好易離婚o架?睇定d先好唔好呢
重有就係當未來6299同埋d大姑奶亞伯個d係度你一言我一語
真係好煩lor....好似佢地結婚咁...乜都叫我地跟佢咁做..
但結婚係兩個人既事.....關佢地d八公**乜事呢 Evil or Very Mad
所以個陣真係唔想結婚,唔想將來對住d咁既人...唔想將來唔開心
後來當老公決定新屋唔預佢地份...我先開始無咁恐懼...'
死忍埋個兩個月.....一結完婚去完honeymoon返到黎,
新屋得張床咋...我都寧願瞓新屋都唔想再對住佢地.... Rolling Eyes


我係過來人。唔好以為結婚係兩個人嘅事,而係兩個家族嘅事。同你結咗婚後,你老公仍然係你老爺奶奶個仔,仍然係人地個細佬。雖然(好彩)唔同埋住,過時過節你都要回夫家食飯,除非你倆婚後立即與各親友脫離關係啦。呢個世界你敬我一尺我敬你一丈,除老爺奶奶一定要對佢好外(唔係你老公會做磨心),其他姨媽姑爹啱咪傾多句,唔啱嘅咪夫蜆吓囉。都係攪好d關係好d。做人老婆易做過做人新抱。
回頂端
siuki322
XXX.XXX.121.165

發表發表於: Wed Nov 22, 2006 10:52 pm
9#

你哋好呀!其實我未來99都係講嘢唔照顧人地感受嫁,有嗰句講嗰句。我都擔心會成日黑面咁對住佢…。話說由10月見完家長後,我聽完佢亞媽講我地頭婚事之後,我真係嬲到而家,佢話樣樣都唔識,不如唔好攪咁多…但係自己又要8圍酒席,真係比佢激死!! Evil or Very Mad 所以我地兩個要樣樣自己攪……
回頂端
cherrybiz
XXX.XXX.114.232

發表發表於: Sat Nov 25, 2006 4:39 am
10#

我都好似有輕微的婚前抑鬱。

例如我都有為左搞結婚的事而同男友吵架,雖然都係小事,但日積月累之下,我就有唔想結婚呢個念頭,因為我覺得大家咁快就成日為小事發生磨擦,將來同住一屋會點算呢?

再加上老人家成日扮無意見,扮開明,到我同男友搞好哂籌備結婚事宜後,就諸多意見,但事前問佢地又話冇意見﹗唉﹗真係好煩﹗﹗

我仲有兩個幾月先結婚,但我阿爸就已經好似當我結左婚咁,下下出聲都話﹕「呢d係你同你老公的事,我唔理﹗」唉﹗我都係尊重佢老人家的意見,想佢都開開心心啫,點知就換黎一種被父母拋棄的感覺﹗ Sad
回頂端