發表主題 回覆文章
kaykay
XXX.XXX.141.154

發表發表於: Tue Oct 24, 2006 1:38 pm
11#

廣告贊助 [隱藏]
我上年跟東x遊去北海道+東京唔錯ar!
以下係我當時既遊記!

第一天(28/12/05)
冇咩好講,因為由早上八點到香港機場,飛到去成田機場,再等轉機去札幌機場...到達已經係晚上八點幾九點,因此札幌機場太大雪,曾經封左十分鐘,所以delay左!!一落機已經落緊雪,但個跑道好乾淨,原來起呢個機場時,已經係地底舖好d equipment,自動溶雪!去到食左個buffet,有鐵板燒,有sushi,有我好鐘意既手動綿花糖tim,唔錯!

第二天(29/12/05)
一早我地就去左小樽運河,呢日係7日內最大雪的,去到見到個鄎蚼p顯示零下6點6度,漫天飛雪,呢個時候,突然諗起你,因為好浪漫.如果honeymoon去北海道,一定要去小樽!因為呢個係我7日旅程之內最喜歡既一個景點!
之後去左水晶音樂城,好靚!(小插曲:我係門口見到蔡瀾帶團)
之後我地一家去左小樽一間好出名既CAFE飲CAFE,點解咁出名?因為飲完之後,你可以咧城扛M,MUMMY揀左隻一城_會奏音樂既杯,我就揀左隻紫色HELLO KITTY杯,呢個亦都係我係日本唯一買既HELLO KITTY野!望著窗外既飄雪,呷一口咖啡!之後去左北一硝子,專買玻璃製品,有d好精緻既鼓油樽,我買左1杯七重天軟雪糕!七重天軟雪糕即係有7層唔同味既雪糕,最特別既地方係零下6點6度既鄎蚺U食呢杯雪糕,可以慢慢食,唔驚溶,可以遂層食,仲越食越硬!
之後到我個午餐啦,我地去左海鮮市場,食左長腳蟹同帶子,一D做左刺生,一D做火鍋,D肉好鮮甜!正!不過好貴...如果得2個人去食,都要用多千幾銀...
之後我地又出發去白之戀人朱古力廠,見到既第一眼令我諗起Charle's chocolate factory,好得意,一入到去見唔到黃卡衙先生,不過就聞到好香好香既朱古力味!入到去見到佢地d QC好嚴格,每5塊有一塊唔要,少少裂痕都唔要,好浪費呀,唔怪之得要5蚊一塊!白之戀人呢個名原來好老土,就係1對父子係到幫佢地既新白朱古力曲奇起名時,一對戀人係雪中依偎(記住唔係依泣),就改左呢個名啦!另外一個吸引我既地方,就係佢D結婚蛋糕好靚呀!!!(今次行到邊都留意有關結婚既野)之後係玩具博物館行左一陣就去左出白之戀人朱古力廠外面影相,好靚!
夜晚去左狸小路買手信,呢到買白之戀人朱古力可以免稅同有九折,我仲買左D綠藻球俾你同你細妹!跟住去左札幌出名既拉麵橫町街,食帶子拉麵,都好味!之後去左BEAMS BOY買左D ACCESSORIES,當然平過香港好多!另外,如果大家有機會去北海道,可以一試導遊小姐推介既森永牛乳布甸,又香又滑,不過好難買,行左十幾間便利店先M到2盒!4粒星推介!
番到酒店見到有網上,100 yen 10分鐘

第三天(30/12/05)
今日一早去左登別伊達時代村,入去睇左場忍者SHOW,最特別既地方係入場時有人俾張白紕你,原來係用黎人地表演完,包住1 YEN或煮5 YEN,掉上台打賞表演者!
下午去左滑雪場食BUFFET,不過由於我地之前滑過雪,對滑雪既興趣都不大,所以下午我地就玩下雪同埋圍行,最特別就係我玩左一個有2層既Merry Around!

夜晚我地去左洞爺湖附近既登別萬世閣食buffet,d生蝦刺身,超好味!!!我食左廿隻都有,我平時好懶,唔肯食蝦,由此可見係幾好味....係呢個時候,我又諗起你啦,因為平時你會幫我搣ga ma...我仲食左好多魚生,肥死我啦!我要減肥先!!!另外,我地一家仲買左2張bingo咭,係人人有獎,9點係酒店玩,第一個中既人係導遊小姐,係咪夾定架? -_-!!

之後去左浸酮u.比起上次係富士山的酮u,呢個一般only!!!浸完酮u立即full左個paper mask,據稱浸完酮u,full mask係最好wo!呢間酒店幾靚同幾大,正式榻榻米!

第四天(31/12/05)
今朝一早去左玩雪上電單車,由於未試過,就算6百幾蚊一個鐘,都要試下啦.感覺幾好玩,係雪上風馳電制既感覺好relax,不過好凍,d手指凍到好痛!
之後去左熊牧場睇熊bear bear,佢地鐘意食apple同biscuit!見到你d apple識請請同轉圈,不過亦都俾我見識到物競天擇,d弱小既熊bear bear成日俾d強壯既bear bear蝦同搶野野,所以就算一樣係五才(5歲),體型都可以差好遠!仲見到有珠火山同昭和新山,昭和新山係有珠火山係昭和年間爆發時所產生的!
下午我地又去食海鮮,雖然d海鮮同第二日比,一定無得比!不過佢地有d調味枌撈飯食好好味,有三文魚味(鮭味),蟹味同washabi味,最後我地都買左蟹味回家諗住撈粥食!哈哈!之後用3小時既車程向南進發--函館!
去到函館既聖誕老人郵局,點知今日係除夕日(即係日本人既大晦日),無開門,我只係拜托導遊小姐下次帶團時幫我寄張postcard俾你啦!呢個郵局特別既地方係每年只會寄一次信.之後去左明治館逛!

最後一站我地坐吊車觀賞函館夜景,真係好靚,唔同香港的五光十色,好似好多玻璃片放係海上,不枉有3大夜景既美名.由於今日係大晦日,所以吊車尾班車係六點,我地又好趕咁坐番吊車下山,不過趕時趕,我又買左導遊小姐介既栗米雪糕食,正!!!大家去到一定要試!4粒星推介,你話有咩辦法唔肥呢?
跟住,我地就去左食鐵板燒,今晚既5粒星推介係神牛扒,4百蚊一塊(B GRADE)(方向遊話公司只係俾買B GRADE,因為A GRADE太肥,唔琝琣aWO),但真係好JUICY,好有肉味同軟得來又有口感!
之後我地去左另一間酮u酒店,浸左個正酮u,再埋d炭洗頭水,唔錯!最衰浸戶外時,冇落雪,唔係個feel仲正!另外,由於係除夕,酒店都有特別活動,踏正十二點有放煙火,有佢地既社長扑sake,之後分俾d客人,仲有一個小木盒,小食同香檳分俾d客人!不過今日真係好累,又飲左d酒,好好訓!

第五天(1/1/06)
今日係日本人既新年,我地一早去左噴泉公園,呢到最特別既地方就係每隔十分鐘,地下既泉水就會噴一次!
之後我地就去函館機場食拉麵,搭飛機去東京既羽田機場!下午3時到達,但由於今日係新年,好多地方都休息,所以我地改左去台場既天幕廣場,今次係第二次去呢個plaza,去到burberry,冇咩野,之後周圍行,最後我買到一條anna sui 毛巾同黑超b鎖匙扣!由於新年關係,好多舖頭都有福袋買,超抵,我都唔執輸,買左個龍貓福袋!另外見到addidas,nike,columbia同north face都有福袋,全部都係6百幾蚊,但已經又有褸,又有褲,又有衫,好抵,不過我個gip已經好飽,同埋要留番d quota係最後一日沖刺,所以都係忍忍手好d!

今晚我地去左食中華料理,我預計一定唔好味啦,點知又幾好味WO!跟住夜晚,當然繼續係池袋行街街!係一間電器舖,竟然見到一個福袋,SONY T1+512 MS +32 MS,竟然2千蚊有找!

第六天(2/1/06)
今日去disneyland因為我去過 Sea所以今次我地去Land.我覺得Land好玩d,不過對於我黎講,一日玩 目西 所有最激既機動遊戲(3個不同的過山車,仲要每次都係排到坐係第一行),到最後一個splash mountain時,我已經開始好憎disneyland啦!最激個個係space mountain,因為我諗住係d小兒科,點知由上車到下車,不停急轉,我個頭不斷撞撞撞!小熊維尼勁多人,我又唔覺好好玩,不過幾得意,有人又好好俾左2張fastpass 俾我地,唔洗排隊.巴斯光年我有2萬幾分!下午由於落雨,巡遊行一架車,好彩夜晚停左雨,d花車全部都有燈,好靚!我諗可能落雨,又玩左d濕身遊戲,今日好凍!

之後今晚去左導遊小姐介紹既松屋食牛肉飯,據稱呢間係當地係好味過吉野家!之後我地就番酒店啦!

第七天(3/1/06)
今日係行程最後既一日,亦都係最大出血既一日,一早我地去皇宮外圍,熱下身先!之後我地向銀座出發,連抱恙既妹妹都精神起來,由於行程太趕,只報告收獲啦!agnes b竟然做sales wo,係香港b仔不嬲都冇sales,所以一去到,我就主攻sales item,買左1個coins bag($3xx),1個鎖匙包俾你($2xx)同1個card holder($2xx)俾自己,仲有1件tee($300)!去到burberry black label買左一個銀包俾你($1000),blue label就買左一個手袋俾自己($1254)

另外買左shseido既proudia粉餅,pn既胭脂,eye shadow同lipstick,全部都有八折,加埋around$300!一枝fancl既cleansing oil同2 packs 雪肌精既旅行包! 另外買左30張導遊小姐推介一隻叫mihawa既paper mask,等我試完再話俾大家知掂唔掂先!

各位,最後總結係,如果你地真係要去日本,我真係強烈recommend大家1月2-3日去東京,因為d福袋真係好抵同埋間間shop都做sales
回頂端
lemonh2o
XXX.XXX.223.179

發表發表於: Wed Oct 25, 2006 9:51 pm
12#

kaykay,

thx for your sharing!!!
我打算12月跟團去呀!
你認為去7日應該唱幾多錢先夠呢?
同埋跟團除左自己shopping買野之外,仲有咩洗費要用架?
回頂端
kaykay
XXX.XXX.141.154

發表發表於: Thu Oct 26, 2006 8:52 am
13#

lemonh2o 寫到:
kaykay,

thx for your sharing!!!
我打算12月跟團去呀!
你認為去7日應該唱幾多錢先夠呢?
同埋跟團除左自己shopping買野之外,仲有咩洗費要用架?


通常用係食,玩同shopping! 呢3樣都係豐儉由人!好似食長腳蟹加2隻帶子,2個人都要千零蚊!買白之戀人做手信,$5塊到,玩雪上電單車,6百幾蚊一個鐘一個人,滑雪啦唔平! 我諗如果一般消費,唔係狂掃burberry blue label, agnes b(基本上冇discount同香港唔係差太多),2個人萬零蚊都ok!
回頂端
angelng62
XXX.XXX.150.75

發表發表於: Wed Nov 01, 2006 12:02 am
14#

I am thinking to join EGL 's tour on 20/12

they have JSH07 and JSB07

Don't know which one is better....any suggestion?

Angel
回頂端
朱古力cake
XXX.XXX.47.201

發表發表於: Wed Nov 01, 2006 9:48 am
15#

angelng62 寫到:
I am thinking to join EGL 's tour on 20/12

they have JSH07 and JSB07

Don't know which one is better....any suggestion?

Angel



其實兩個都差唔多, JSB07有得去函館睇夜景, 如果想睇夜景, join JSB07啦.
本來我都打算join JSB07, 不過男友話唔想坐幾個鐘去睇個夜景, 覺得好辛苦.
因為我地覺得EGL去東京個part麻麻(去豐田車館, 太陽城購物), 同埋唔想去登別伊達時代村, 所以我地最後揀左康泰(睇冬日白色燈彩節, 去新宿..), 希望成團啦!
回頂端
kaykay
XXX.XXX.141.154

發表發表於: Wed Nov 01, 2006 10:02 am
16#

朱古力cake 寫到:
angelng62 寫到:
I am thinking to join EGL 's tour on 20/12

they have JSH07 and JSB07

Don't know which one is better....any suggestion?

Angel



其實兩個都差唔多, JSB07有得去函館睇夜景, 如果想睇夜景, join JSB07啦.
本來我都打算join JSB07, 不過男友話唔想坐幾個鐘去睇個夜景, 覺得好辛苦.
因為我地覺得EGL去東京個part麻麻(去豐田車館, 太陽城購物), 同埋唔想去登別伊達時代村, 所以我地最後揀左康泰(睇冬日白色燈彩節, 去新宿..), 希望成團啦!


函館睇夜景我覺得係非常非常值得,因為好似係十大夜景之一!!!
登別伊達時代村我就覺得冇咩玩,不過又係影相好靚!
回頂端
未來老婆
XXX.XXX.179.122

發表發表於: Wed Nov 01, 2006 11:26 pm
17#

我都考慮緊跟JSH定JSB呀!????? 定話其他旅行社有更好介紹呢?? 請問康泰去新宿O個個團號係咩呀?? 永安我覺得麻麻..一來團少,同埋D門巿服務我覺得麻麻!

其實我唔想去東京迪士尼呀!?排餐死..又多人,我鍾意HELLO KITTY LAND多D

聽大家咁講, 我諗聖誕後一兩日去, 宜家都差唔多要報名!?

聽大家分享,其實北海道都係一個幾值得去O既度蜜月勝地喎! 我本來考慮去歐洲..但因為聖誕去歐洲比例上好似貴好多呀! Laughing
回頂端
朱古力cake
XXX.XXX.47.201

發表發表於: Thu Nov 02, 2006 10:39 am
18#

未來老婆 寫到:
我都考慮緊跟JSH定JSB呀!????? 定話其他旅行社有更好介紹呢?? 請問康泰去新宿O個個團號係咩呀?? 永安我覺得麻麻..一來團少,同埋D門巿服務我覺得麻麻!

其實我唔想去東京迪士尼呀!?排餐死..又多人,我鍾意HELLO KITTY LAND多D

聽大家咁講, 我諗聖誕後一兩日去, 宜家都差唔多要報名!?

聽大家分享,其實北海道都係一個幾值得去O既度蜜月勝地喎! 我本來考慮去歐洲..但因為聖誕去歐洲比例上好似貴好多呀! Laughing



其實如果講信心, 東瀛係好D, 不過行程我同男友都唔係咁鍾意, so我地覺得無理由行程唔o岩都照join, 相信康泰應該都OK. 永安我見D團就麻麻, 其他就無睇.

你check私人信訊!
回頂端
C&K1210
XXX.XXX.249.101

發表發表於: Thu Nov 02, 2006 4:56 pm
19#

Just join EGL tour JSA07 on 12 Dec at HK$8399. It will be cheaper if you start on 13 Dec (only HK$8199) but I don't have enough holiday ah!

Please also note that this price lasts until 3 Nov, EGL's price revise every week and I compared that it's HK$100 difference for each week, more near more expensive.
回頂端
lemonh2o
XXX.XXX.223.179

發表發表於: Fri Nov 03, 2006 12:13 am
20#

各位姊妹, 我都報左團啦!
JSB07 10/12 出發!
我報名果時就$8099 平 $500 即 $7599
而家又平左! $7999 平 $500 即 $7499
不過呢個價錢只限指定日子出發!
好開心呀! 希望成團啦!

本來我都想報JSH07果子王國果個團架!
不過我報名果時呢個團冇優惠, 同埋冇得去函館!
JSB07就有優惠又有得去函館!
仲有個staff話JSB07 d 溫泉酒店都唔錯架!

KAYKAY, 多謝你既意見呀! 好期待去函館睇夜景呢!
回頂端