發表主題 回覆文章
芒mon
XXX.XXX.148.120

發表發表於: Fri Apr 09, 2010 4:51 pm
1#

廣告贊助 [隱藏]
我同老公結左婚差不多十個月啦~因為男家果邊問題多多,結完婚之後, 我就對佢屋企可免則免, 諗起都覺得自己幾勁~

最主要不和既原因:
首要係結婚果日佢乜都冇買俾我啦(我地已經早在結婚一年前通知佢, 我覺得點窮都好, 都可以俾我一兩千蚊啩, 可惜佢冇, 我覺得唔係貪佢份野, 係唔尊重既問題)
另外, 其實佢屋企一向都係問題家庭, 冇咩家庭溫暖, 個個都自私自利, 有咁多食咁多, 同我屋企既模式係差天共地, 就算我老公有時話返去食飯, 佢都會叫佢夾反錢買餸(天呀,我做咩要去食?)。重要, 6299生日的話, 會早一個月打黎, 話俾錢佢生日, 但其實佢個仔都係果個月生日, 又冇人會理會, 生日快樂都唔會講句。

對戰:
1)結左婚咁耐冇上過6299屋企, 自己唔會上, 佢地都冇叫過我地上
2)新年都冇去食團年飯, 只係初二飲過茶, 重要6個人食左$500野(叫一籠籠,
唔駛佢地俾錢食唔晒都要嗌)
3)結左婚咁耐冇買過任何野俾佢屋企任何人, 中秋同新年都冇(因為我覺得佢都冇
俾過野我, 點解我要買俾佢, 要買佢個仔買, 但老公都冇買)
4)佢亞媽生日食飯, 我都冇去到(因為從來冇人夾過我d日子是否ok,最後雖然ok,
但我都冇去)
5)十個月只係飯過3次茶, 一次十月, 一次新年, 一次清明(從來都冇搵佢地, 佢都
冇搵我地)

我覺得自己都幾勁~原本講過話唔會認佢屋企人, 但已經好左小小~
回頂端
芒果布甸
XXX.XXX.101.109

發表發表於: Sat Apr 10, 2010 11:00 pm
2#

老公如果一直都企係你果邊,咁你都可以有好日子過…
回頂端
IVY ~!~
XXX.XXX.111.240

發表發表於: Sun Apr 11, 2010 1:29 am
3#

老公對你好就的啦
回頂端
Jackie615
XXX.XXX.224.161

發表發表於: Fri Apr 16, 2010 4:02 pm
4#

老公企响妳個邊就ok
回頂端
anitachs
XXX.XXX.168.79

發表發表於: Mon Apr 19, 2010 12:03 pm
5#

佢地都可以咁對d屋企人....你地咁對佢, 佢地可能都覺得係正常....
係我地黎睇反而呢d屋企人d關係咁差真係唔正常....好似無咩connection....有事時都好似唔洗call 佢地咁

咁你只係當你老公係屋企人就得架啦

anitachs
回頂端
蓮da
XXX.XXX.26.114

發表發表於: Tue Aug 10, 2010 12:23 pm
6#

你直頭煩少好多野喎 Rolling Eyes
回頂端
小小君
XXX.XXX.150.129

發表發表於: Thu Aug 12, 2010 2:40 pm
7#

我都覺得你真係幾勁...
不過我都係一句...
只要你老公係係你果邊...
真係點都冇所謂 Razz Razz
回頂端
雨晴
XXX.XXX.202.108

發表發表於: Sun Aug 29, 2010 6:53 pm
8#

就咁一睇仲以為同樓主嫁左入同一個屋企添.結左婚咁耐我地都好少上99度,可以話佢根本就唔係咁中意我去上去,過節都係出去食,仔女夾返錢,呢d野由一拍拖己經見佢地咁做,我都慣晒啦.年頭果陣我小產左,佢一啖湯都無煲過俾我,咁都算啦,我可以自己煲,但出院果日我想返屋企,佢就堅持要出去同d姑姐食左飯先,咁好啦,去食囉,我老公問佢有咩要戒口果d,佢扮聽唔到繼續同人講野,再問佢,佢話點知呀,果刻我老公都唔想再講野,反而係一路關係都唔係話好好既大嫂打來講呢樣果樣,要點樣做食d咩.
過左一星期老爺又過左身,咁我老公兩兄弟有共識,大家都唔係好有錢,咪簡單少少,幾萬蚊搞掂,之後去排政府墳場,過得去就算,99竟然打來講,長輩俾金你,都唔係話唔賣得既,而家要來救急既,佢地會明既.我心諗你即係叫我賣金者,我結婚先半年幾你就打我主意,d金全部外家俾既,關你咩事呀,又唔見你賣自己d金.咁我梗係扮聽唔明啦,同佢講我d金係要留返第二時俾個女架,之後就無再講呢d野.到搞完老爺d野,佢又無端端打來,話你兩公婆係咪炒大鑊呀,我話唔係呀,頂2句者,一陣間又無事啦.佢就話,我唔係叫你地離婚,但你地而家未有小朋友,諗清楚呀,長痛不如短痛,費事第二時有小朋友先來分開咁就煩啦,你自己諗下啦,趁後生啦...我聽完勁想爆粗囉,點會有呢d咁既99架..
到而家我有左2個月,佢竟然話天氣熱煲d冬瓜湯飲下啦,,又問食唔食西瓜,,,,,我聽完啞左......
回頂端
小女童軍
XXX.XXX.89.254

發表發表於: Mon Aug 30, 2010 1:17 pm
9#

你99真系唔系好掂......有0羊理由叫個新抱賣外家比0既金0架?仲話0羊長痛不如短痛, 你地唔妥0架? 她有無同你老公講?你老公有0羊反應? 結婚前關係點0架?
回頂端
雨晴
XXX.XXX.202.108

發表發表於: Mon Aug 30, 2010 11:42 pm
10#

其實一路以來99在老公面前都係一個100分既99囉,成日都話當我女咁.咁老公又係一個孝順仔來,係佢既心目中佢阿媽係一個非常十分之好既人,可能99係佢面前做戲做得好囉.好多野99都係等個仔返工先打來同我講,老實講句,以我老公性格,就算我講左佢都唔會信佢阿媽會咁講,佢一定會去問,99咁識講野,最後咪又係佢講晒.大嫂n年前就中過招,又係好似我咁,大哥係一個比較清醒既人,即刻帶左大嫂搬出去住.但我同大嫂講返呢件事,佢就俾意見我,叫我唔好同我老公講,講左的話只會兩公婆吵交,當年大哥都同佢吵到差d離婚,而我老公好多人都話佢愚孝,阿媽講既野一定係岩.就更加唔好講,唔係就中左佢計啦.前排佢仲係我地面前話佢d金第二時死左要留返俾姑仔,因為姑仔結婚果陣佢乜都無俾,俾人睇唔起,我心諗咁你又叫我賣金,唔通要我個女第二時俾人睇唔起呀.果日佢叫我煲冬瓜湯,我老公話佢:傻架,大肚婆點飲得呀,佢即時黑面,不過我老公都無理佢...
回頂端