發表主題 回覆文章
komoyo
XXX.XXX.118.112

發表發表於: Fri Oct 21, 2005 2:00 pm
31#

廣告贊助 [隱藏]
yes, mortage係9成, 供25年.
budget 大概都係甘啦﹐有咩提議呀﹖
回頂端
JellyChung
XXX.XXX.32.152

發表發表於: Fri Oct 21, 2005 2:53 pm
32#

pm左你
回頂端
Wai Wai
XXX.XXX.81.52

發表發表於: Fri Oct 28, 2005 9:21 am
33#

我路過既. 無睇晒你地既 message, 只係想講自己既慘況.

我老公 98 年買左層 $238 百萬既樓, 每月供萬幾蚊, 大家都知跟住發生乜野事, 總之宜家層樓值 $120 百萬 (沙士時只值 90 萬), 咁就蒸發左 $120萬 (仲未計利息), 如果 lee 7 年我地只租唔買, 租樓都係 $5-$6000, 7 年都係用 $50 萬, 宜家至買樓, 又平d 呢~~

所以, 以個人經驗, 樓市係咁升既時候唔好追市, 租樓睇定d 先, 宜家既樓市久唔久會調整, 唔會話 lee 一刻買唔到會叫笨, 仲有好多樓盤等住出, 心急可能會買錯/貴貨.

咁當然, 宜家 lee 個特首應該唔會俾樓市搞到好似1998-2000 時咁悽慘, 但大家都係睇定d, 好多外來因素會影響樓市.

總括黎講, 計過自己真係有能力買樓既, 就當係幫自己儲錢, 將來就算層樓既樓價跌到好低, 都係你既, 只要你一日仲有錢供, 供完都係你既, 起碼都有個地方住. 但如果份工唔係咁穩陣, 即係同樓市一樣唔知幾時好幾時壞既, 咁就真係租好d 啦, 萬一供唔到樓, 層樓都係要歸番銀行, 到時你所付出, 都係無晒, 咁同租樓都無乜分別咖 jar, 唔係, 應該仲差過租樓, 因為如果係負資產, 你無左層樓都仲要供番個差額俾銀行咖~~~
Crying or Very sad
回頂端
小吉
XXX.XXX.67.3

發表發表於: Fri Oct 28, 2005 11:02 pm
34#

同意到不得了,不過,早幾年大家都經歷過裁員减薪,實在冇乜邊行真係穩陣,總之,供或租都係因應唔同時間同需要而做決定!

以我自己為例,剛剛以一半價錢賣出住咗8年嘅樓,重要補錢至走得,無他,因為個女剛出世,希望屋企人住好D,所以決定蝕讓,出去租樓。而家都算住得開心,因為用以往供樓嘅銀碼,住大咗一倍,兼有全海景,都幾好住。至於買,都係遲D至諗。

其實,最緊要係選擇自己認為最適合的做法。

Smile Smile Smile
回頂端
JellyChung
XXX.XXX.32.152

發表發表於: Sat Oct 29, 2005 12:56 pm
35#

Wai Wai, 小吉,

你地都係一樣, 差不多高峰期入貨....
我都同意, 係要因應個人想法/現況去考慮, 唔係話抵就買, 唔抵就租, 無絕對應該點既. Smile
回頂端
Wai Wai
XXX.XXX.91.246

發表發表於: Sun Oct 30, 2005 1:38 am
36#

唉~~ 最慘係, 唔知點為之抵, 點為之貴~~ 好似當年, 那個價就係"值", 因為度度都咁貴, 一係唔買, 買親都係咁既價錢嘛~~ 宜家回望, 就梗係覺得好鬼貴啦, 但可以點? 唔買都買左, 好彩供到 jar, 供唔到, 咪好似我間離屋那家人咁, 個bb 剛剛出世就俾銀行收左層樓, 幾慘呀, 鬼叫個老婆不嬲無做野, 個男人又突然間無左份工, 見佢捱左幾個月, 終於都俾銀行收左樓 law~~~ Sad

所以, 宜家樓價係低定貴? who known? 最緊要, 計過數, 唔好預到咁緊, 唔好借到咁盡, 宜家好多人都係借九成買樓, 即係話, 只要層樓跌多過一成既樓價, 即刻變負資產, 仲供到既, 無問題, 咪一路住一路等佢升番, 供供下, 就算升唔番, 咪當俾貴租 law~~

岩咖, 層樓唔可以諗住過世, 層樓會舊咖嘛, 所以, 買唔到新樓都要買大型樓盤, 要放, 都放得易d 嘛~~

宜家小夫妻就話買細細地無所謂jar, 如果想有小朋友, 想換大d, 近好既學校網呀咁, 如果俾層樓綁住唔郁得, 真係唔係話換樓就換咖~~

我地都打算遲d 賣左層樓轉租, 好彩層樓都俾我地供到變正資產 (沙士時都仲係負資產咖~~), 賣出去仲有錢收, 拎去投資, 當然係比較穩健的, 回報分分鐘好過放0係層舊樓, 對於買樓, 真係怕怕啦~~
Sad
回頂端
Sharon
XXX.XXX.97.16

發表發表於: Sun Oct 30, 2005 10:25 am
37#

YES 呀, 租樓慳埋慳埋D錢扲黎放起銀行做定期(唔識其他投資所以定期最穩陣)都不知幾和味 Cool . 如果借9成按揭咁多仲要供25年? 嘩.. D利息米好溶??
Crying or Very sad
回頂端
財源廣進
XXX.XXX.38.71

發表發表於: Sun Oct 30, 2005 11:35 am
38#

其實樓價算唔算係貴,有d 指標可以睇得出..

例如供樓負擔比率,租務回報,香港既 GDP 增長速度,銀行利率等等;98 年時供樓負擔比率都接近 80%,其中一部份係當時按揭利率高,另一部份係樓價都過高,經濟增長速度追唔上樓市升幅。

另外,當年以樓價計,同等款項擺銀行做定期,利息收益遠遠高於租金得益;買樓價值就全在於 appreciation,但樓價已高 (負擔比率高),風險大大增加。

買樓時機要好多因素配合,如利率,租金回報,負擔比率等等,仲要睇地點,屋苑規模..
有人 98 年時買樓家陣都只能去返當年樓價三四成,但亦有樓係已經去返六七成的..

90% loan ratio 係不值得鼓勵,但批核過程其實沒有一般人所想般容易,而且市場按揭中超過七成按揭既比率只係 16% 而已.. 平均 Value-to-loan ratio 都係 62%,以現金樓價,利率,負擔能力去計,其實並沒有存在甚麼泡沫。至於去供定去租,就睇你自己負擔能力。

至於自己應該適合買邊種樓價既樓?? 有一個大概既 assumption,就係你家庭每年總入息約四/五倍,哩個範圍就應該供得頗輕鬆 (如工作穩定)。但最重要係夠首期,一般而言,三四年就可以儲得到哩份首期。
回頂端
JellyChung
XXX.XXX.32.152

發表發表於: Mon Oct 31, 2005 4:40 pm
39#

財源廣進,

你好勁呀!!!!!!!
回頂端
財源廣進
XXX.XXX.38.142

發表發表於: Tue Nov 01, 2005 3:17 pm
40#

JellyChung,

勁乜鬼.. share 一下意見而已..

君匯港到家陣都係賣得二百個單位咋.. 新地哩次頭痕了.. Wink
回頂端