15分鐘邊有可能又化妝又SET頭，我預30分鐘被人架！

我及老公本身朋友及親戚都唔多，擺唔到酒。加上我地都認為婚禮只係一日，婚姻才是一世，所以都冇打算擺好多budget在婚禮上面。本身諗左以下option : 1) 大會堂婚姻註冊？太hea，又好似有D對唔住自己。 :roll: 2) 證婚場地公司，例如拉X特, my gardxx, E甸園... 貴！同埋聽聞D野難食。 3) 海外婚禮。本身OK，但阿媽話如果要海外結婚，就要包曬所有人機票酒店... :oops: 4) 伯大尼：個電話長期冇人聽，就算甘幸運可以book 到都驚驚地，怕到時有咩特發事都冇人理。到最後揀左政府嘅鯉魚門渡假村 :D 佢裡面有個教堂仔，係以前英軍留下的二級文化遺跡。冇一般證婚場所嘅商業化, i like it。 book下午2-5pm 都只係＄3170 ！成個環境真係鳥語花香，教堂仔外面仲有個outdoor空地可以擺到會buffet （好遺憾冇影到，因為我地係請朋友影相，影完合照之後佢就專心食野 :? ）重點係，教堂細細，人少少都冇甘難睇 :twisted:

北海道。。。去玩就好。影相都係唔好太辛苦，廢事表情疆硬 :shock: