生活易討論區主頁 › 新婚生活易 討論區 首頁

發表人 內容
  主題: 預約婚禮化妝的不愉快經歷
statyin

回覆: 0
觀看: 257

發表版面: 新娘化妝
   發表於: Mon Feb 08, 2021 12:12 pm   主題:
話說我未婚妻上網搵到呢間心儀既化妝公司 (KXXXX makeup hair),問好期比埋試妝既錢,其實諗住試完妝冇咩大問題就confirm。問試妝既時候佢自己都有寫明規矩「若有其他客人查詢同一天檔期,而想直接下訂,我們會先詢問閣下會否都直接下訂,如閣下確認直接落訂,檔期會先給予閣下」。 直至試妝前兩日,接近凌晨12點突然收到化妝公司whatsapp, 話佢有另外一個客人已經落左訂,同我地既婚期係同一日,要求我地係第二日既下午12點前落訂match人地先可以留番個檔期比我地。我當時真係一肚火,因為佢根本冇知會過我地,私下就已經收左人訂。咁搞法即係叫我地冇得試妝就要比訂。咁都未算最離譜,由於我地擺lunch wedding,所以問佢期既時候都講左話會要半日既service。佢因為收左人訂(我唔知人地用佢咩service),竟然要求我地落訂既時候要match番人地plan既價位。 首先我覺得佢唔知會我地既情況下收人訂已經好唔專重,搞婚禮好多野,包括場地嗰d都係專重先來後到,pencil in左就算未落訂,有另外既人問都會知會一聲,最多比個限期如果唔confirm就move on,我地又唔係話拖住唔覆佢。佢先收人訂已經搞亂左先後次序。原本我地覺得落番訂去match人都冇話唔可以,但憑咩我要跟人地既plan?仲要係我問先喎!兩個plan既差價都係千幾蚊,為左賺多少少做到咁樣真係好咩? 最後我地同佢理論,佢比我地既答覆係咁(節錄),是非曲直大家自己判斷,我唔敢講係我啱哂佢錯哂,只係我不能認同佢地做生意既手法。 [u:5d535b0bc9]1. 我一開始的確是會先詢問已給予試妝費的客人。但後來因為有些客人口頭上說想下訂,但實際上沒有下訂,以致我驚動到原有些妝的客人,令原本客人虛驚一場.本公司才會邀請想搶期的客人先付訂金表達真的想搶期,然後我才通知原本給予了試妝費的客人.而先給予試妝費的客人只要都給予訂金,我就會把訂金退回給搶期的客人.所以這個做法是為了不會每次有客人口頭上搶期我就驚動原本給予試妝費打算試妝的人. 2. 至於如果檔期在未有人搶之前就有人想下訂,其實客會是可以自由選擇Package下訂(packageA需要在四個月內),但因為檔期有人想搶,所以我們會set 了在package D或E.以致2者package 不會相距太大.這也是對我們化妝師一種保障. 希望你們明白.[/u:5d535b0bc9] 佢以上所講既package有A-E,由平到貴。即使溝通過程佢語氣都正常,試妝費都退番比我地。但真係比佢搞到嬲左成日。
 
0.265s