以為不會懷孕的5個謬誤！

[good luck 1988]

廣告贊助

[隱藏]

好多以為咁咁咁就應該無事，唔會懷孕，但其實諗錯晒，你以為無，其實可能已經有咗。以下指出好多以為「無懷孕」嘅謬誤！
X 男方只係摸吓或者將手指放入女方陰道內，就唔會有事。
○ 如果男方手指上帶有精子嘅分泌物，放入女方嘅陰道內，同樣有機會令女方懷孕。
X 兩人喺浴缸共浴，男方喺水中射精，女方應該唔會懷疑吧！
○ 雖然雙方性器官無接觸，但係精子都有可能隨住水流游到陰道口，再進入身體內，女方懷孕。
X 喺事後到醫生處要求打通經針，催促經期快啲嚟，咁就唔會懷疑。
○ 通經針係幫助經期唔準而又非懷孕嘅女性注射，呢種針藥係用嚟調經而唔係墮胎。非懷孕女性喺注射通經藥物後一段時間，經期就會嚟，但對懷孕女性係無作用的。
X 經期遲來後一、兩日，驗孕棒測試顯示無懷疑，咁就唔需要睇醫生吧！
○ 雖然而家嘅驗孕棒準確度好高，但係都有所謂嘅「空窗期」，即係有懷孕卻呈陰性反應，最好喺一個星期後再用驗孕棒驗一次。當然接受醫生檢驗就最準確。
X 喺經期期間發生性行為就唔會懷孕！
○ 一般嚟講，女性嘅月經週期為28日，月經期間無排卵，理論上係唔會構成懷孕。但有好多因素會影響排卵，卵子有可能提早或遲咗從卵巢中釋放出來，而且精子嘅壽命可以長達72小時，所以喺期經時做愛，都有機會懷孕。