發表主題 回覆文章
Straysheep0304
XXX.XXX.111.98

發表發表於: Fri Oct 09, 2009 4:52 pm
51#

廣告贊助 [隱藏]
Dopey 寫到:

btw, 我想提提你, 宜家喺你所講既咩福, 咩皇朝集團擺酒,收你既所謂公價$500都係會蝕架, 請你評論結婚喺酒樓擺酒既時候唔好太過負面.....人哋都花咗好多心思籌備婚禮, 唔係想賺$$$......


Dopey,我好讚同以上說話!!因我亦是擺咩福, 咩皇朝集團擺酒...only 一圍價錢 + 任飲等費用, 公價$500已經不能cover la...講真我選le 啲地方有考慮過好多問題包括是否場地你喜歡/方便/食物質素/service/ 自己負擔能力 (雖然我有能力擺hotal)/傷亡情度 等因素, 我想所有jm 決定場地前都同我一樣, 做足工夫及考慮以上問題. 所以唔好話le啲酒樓唔好, 只不過各有各特色及最緊要係每位jm花咗好多心思才決定 ...我地ge場地一樣有hotel ge service, 我地亦試過菜, 份份鍾好過你地所謂hotel..只不過都要睇彩數~~ 最後講真, 場地係邊到都好, 將心比己, 作為一對新人, 你都想來出席你婚宴的"朋友"係真心祝賀你la...所以唔好想所謂ge 公價唔公價la...只會令自己唔開心...你自己做足未得lor.... 做個靚靚新娘仲好la...^^ Wink
回頂端
tracymuimui
XXX.XXX.30.208

發表發表於: Sat Oct 10, 2009 6:21 pm
52#

我當然知酒樓依都唔平,唔會有人情賺,只係想講酒店更貴,所以人情會/要俾既人情多。呢個都係正常而合理不過既事。我無踩過擺酒樓既,不過價個個價酒樓,你問我的話,真係無幾多間。

去酒店擺,只係我揾完全西式BUFFET DINNER,唔係貪排場。你地要同擺酒既BUFFET同一般自己暬既BUFFET相提並論,跟本係無得比。而你做個份人情,係講緊你有幾俾面你既朋友。(以俾到既人黎講,真起俾唔到既另計。)你咁講,酒樓都唔價俾5百啦!

擺酒既,擺得好既,唔但係為排場,為朋友既需要,我問個個朋友,都話想我擺BUFFET,係因為特別,又多嘢食,實食得飽人。我個菜單有三頁婚,連片皮鴨都有。如果我同朋友計,我做咩要食咁好?求其唔係得咩?

你地唔好以為擺酒店既人,個個都只想好睇唔好食,我都為朋友着想,想佢地日後講起擺酒都會記得我為佢地準備咗餐好既。如果我擺中式,一定會擺酒樓。揀間最好既!亦唔會為咗MEET MIN.亂請人!我請一個蝕一個架!點會咩人都請呀!

交情唔係用錢計,無過係睇你個心點諗!怕飲你個餐俾足人情會蝕個D,係佢同我計!我同佢計?我就唔會請佢啦!

蝕!都要俾D唔同你計既朋友,怕做多人情俾你個D,算朋友?係普通到唔普通到唔普通既朋友。講真,我預咗D人多數俾500。但好似另一位JM咁講,只係最嬲係咁樣講出面。真係當你係傻仔。

一句到尾,5百酒樓唔算多,酒店8百都唔係好多架咋!無話擺酒樓CHEAP摁酒店好HIGH,各有各既理想婚禮,我反而係覺得,依家係黎飲既人同主人家計。唔通大家認為酒店多咗配套收貴D,所以覺得我個餐平時食收幾多就只係應該俾幾多人情嗎?咁我可唔可以同樣話,酒樓平時只不過加埋一都只係3、4千蚊圍,咁我又只係俾2、3百人情都無問題?唔係咁樣計掛?人地結婚喎!同人扣除配套開支咁衰?

仲有人諗擺酒賺錢最傻啫!
回頂端
wing.wing
XXX.XXX.164.122

發表發表於: Sat Oct 10, 2009 7:20 pm
53#

tracymuimui 寫到:
我當然知酒樓依都唔平,唔會有人情賺,只係想講酒店更貴,所以人情會/要俾既人情多。呢個都係正常而合理不過既事。我無踩過擺酒樓既,不過價個個價酒樓,你問我的話,真係無幾多間。

去酒店擺,只係我揾完全西式BUFFET DINNER,唔係貪排場。你地要同擺酒既BUFFET同一般自己暬既BUFFET相提並論,跟本係無得比。而你做個份人情,係講緊你有幾俾面你既朋友。(以俾到既人黎講,真起俾唔到既另計。)你咁講,酒樓都唔價俾5百啦!

擺酒既,擺得好既,唔但係為排場,為朋友既需要,我問個個朋友,都話想我擺BUFFET,係因為特別,又多嘢食,實食得飽人。我個菜單有三頁婚,連片皮鴨都有。如果我同朋友計,我做咩要食咁好?求其唔係得咩?

你地唔好以為擺酒店既人,個個都只想好睇唔好食,我都為朋友着想,想佢地日後講起擺酒都會記得我為佢地準備咗餐好既。如果我擺中式,一定會擺酒樓。揀間最好既!亦唔會為咗MEET MIN.亂請人!我請一個蝕一個架!點會咩人都請呀!

交情唔係用錢計,無過係睇你個心點諗!怕飲你個餐俾足人情會蝕個D,係佢同我計!我同佢計?我就唔會請佢啦!

蝕!都要俾D唔同你計既朋友,怕做多人情俾你個D,算朋友?係普通到唔普通到唔普通既朋友。講真,我預咗D人多數俾500。但好似另一位JM咁講,只係最嬲係咁樣講出面。真係當你係傻仔。

一句到尾,5百酒樓唔算多,酒店8百都唔係好多架咋!無話擺酒樓CHEAP摁酒店好HIGH,各有各既理想婚禮,我反而係覺得,依家係黎飲既人同主人家計。唔通大家認為酒店多咗配套收貴D,所以覺得我個餐平時食收幾多就只係應該俾幾多人情嗎?咁我可唔可以同樣話,酒樓平時只不過加埋一都只係3、4千蚊圍,咁我又只係俾2、3百人情都無問題?唔係咁樣計掛?人地結婚喎!同人扣除配套開支咁衰?

仲有人諗擺酒賺錢最傻啫!





你 BD 係幾時呀 ?
回頂端
Nick貓
XXX.XXX.45.200

發表發表於: Sun Oct 11, 2009 4:07 pm
54#

嚡!

豪唔起咪唔好攪咁大囉! 蝕唔起又要氣憤, 又話人cheap, 最cheap就係計較

唔應該用人哋錢來豪裝自己的婚禮
回頂端
飛 飛
XXX.XXX.216.113

發表發表於: Sun Oct 11, 2009 6:50 pm
55#

Nick貓 寫到:
嚡!

豪唔起咪唔好攪咁大囉! 蝕唔起又要氣憤, 又話人cheap, 最cheap就係計較

唔應該用人哋錢來豪裝自己的婚禮


嗯嗯
擺咩都好都要量力而為
唔好預有幾多人情
我自己BIG DAY 係出年10月, 擺18圍1 圍$11000
冇諗過人地會比幾多人情, 請得既都係好朋友
$500 又好, $800 又好
人地都係一份心意
一早預左蝕
如果要賺既一定唔會擺酒店啦
回頂端
Real
XXX.XXX.162.221

發表發表於: Sun Oct 11, 2009 7:53 pm
56#

算啦! 一世人一次, 請飲請飲, 意思是請人飲酒食飯, 同你平時請人食飯一樣, 係免費既, 而所謂既人情, 亦只係人地祝賀的心意, 因經濟環境而定, 亦因交情而定.
所謂公價人情, 反而貶低主人家同客人的情意, 以金錢量化. 新人計住計人地俾幾多自己, 佢有錢佢唔俾就唔係朋友, 又話心淡, 喜宴我請你食好野, 在好地方, 你要識人情世故. 我係你個客, 真係好心淡至真, 究竟係咪真心請我呢? 最重要係人到, 有心慶賀你百頭到老, 令婚禮熱鬧, 別人的真心祝福同撥抽時間來臨, 才是人情無價. 如果新人用呢D方程式計住計住, 反而是不懂人情世故, 不懂款客之道.
其實如果你收到好友自製或特別的禮物, 不論價錢, 亦會好開心, 所重視的是情.
如果已不是任何人都亂請, 請的已是知己好友或日日都見的人, 要計得咁辛苦嗎?
從字裹行間, 可能新人曾告訴客人請的是大酒店, 要很貴, 其實在客人耳中, 可能演繹為有人想要多些我人情, 結果有反效果.. 我請客也貴, 人地問我幾錢, 我唔會講, 媽媽話請得人不好要人太破費,話酒微菜薄, 最重要早D到.
回頂端
Nutella
XXX.XXX.172.100

發表發表於: Sun Oct 11, 2009 9:07 pm
57#

飛 飛 寫到:
Nick貓 寫到:
嚡!

豪唔起咪唔好攪咁大囉! 蝕唔起又要氣憤, 又話人cheap, 最cheap就係計較

唔應該用人哋錢來豪裝自己的婚禮


嗯嗯
擺咩都好都要量力而為
唔好預有幾多人情
我自己BIG DAY 係出年10月, 擺18圍1 圍$11000
冇諗過人地會比幾多人情, 請得既都係好朋友
$500 又好, $800 又好
人地都係一份心意
一早預左蝕
如果要賺既一定唔會擺酒店啦


agree
結婚唔係用黎賺錢的
是在大家面前認定對方, 想大家一齊分享你的喜悅ga ma
回頂端
v110617
XXX.XXX.68.158

發表發表於: Sun Oct 11, 2009 10:06 pm
58#

以上幾位JM唔好激動。唔係特別幫版主講說話,但如果重覆睇成個thread,其實版主係掹男友D同事連"我唔會做公價㗎"嘅說話都講得出。

我想信依家結婚而會算擇擺酒嘅JM唔會發回唔回到本或者有無賺呢D咁嘅夢。
回頂端
JJAA
XXX.XXX.55.145

發表發表於: Tue Oct 13, 2009 12:59 am
59#

唔係 wor....
佢係話酒店有公價 = $800 wor....

究竟貴酒樓平酒店又如何呢???
回頂端
siucece
XXX.XXX.153.187

發表發表於: Tue Oct 13, 2009 11:05 am
60#

JJAA 寫到:
唔係 wor....
佢係話酒店有公價 = $800 wor....

究竟貴酒樓平酒店又如何呢???


係囉, 國金軒未計加一酒水, 已經過萬一圍, 根據版主準則, 做$500 人情是否已俾足面新人?
去維景酒店擺酒, $4-6000 全包, 唔做$800人情, 是否唔俾面新人, 禮數不週呢?
每人的價值觀及準則都不同

我絕對相信版主真的因為男友同事的說話感到不快, 同樣地, 版主所舉的論點確是略帶惹火, 容易觸動其他jm神經:

"咁你就真係要飲多d酒店啦!講真,朋友向酒店擺你俾5百,無講出面,但個心可能巳bad list 咗你。你以前唔知就算啦,依家知咗,第日人地拽酒店你就要識做,無謂俾人向背後講你啦!"
版主何必用錢去量化其他人之間的友情?

"想擺酒,當然係因為佢靚D地方華麗D,就係唔想攪得CHEAP,先唔擺樓。…..因為好多咩福、咩皇朝集團,我食飯成日食佢地,D嘢食無料到!"
很多jm也在這些集團擺酒……

"唔係一做唔夠8百就係cheap,而係有能力做基本禮既人,死黎又唔肯做基本嘢!佢講明係黎食你個餐。仲叫你一定要請佢喎!"
你請人飲唔係諗住一視同仁咁請人食飯, 重要審視埋你的朋友"應該"有幾多"能力"去支付人情ga?

"我問個個朋友,都話想我擺BUFFET,係因為特別,又多嘢食,實食得飽人。"
咁講法攪到我呢d擺中式嘅好似隨時食唔飽人咁….

我明白版主以上說話都無心的, 同樣地, 版主男友同事可能都是快人快語, 戲言一句, 版主何必耿耿於懷, 又"cheap精", 又"死黎"咁勞氣??
回頂端