發表主題 回覆文章

完成草地婚禮後之分享

~Vanice
XXX.XXX.220.223

發表發表於: Thu Mar 12, 2009 5:21 pm
1#

廣告贊助 [隱藏]
各位,我在上年年尾完成了我在九龍仔公園的草地婚禮。
籌備一個草地婚禮花了我不少時間,但由於最後我對所揀的公司都好滿意,所以想同大家分享一下,希望幫到大家!

康文署
我地婚禮一年前已經揀左九龍仔呢個場地,到依家都冇後悔過,好多賓客都讚個場好靚。草地婚禮對唔少賓客黎講都好新鮮,我地都好難忘。九龍仔的公園配套好ok,有車位,市區,草地一出去就係馬路,上貨落貨好方便,又有新娘房,職員亦都好熱心幫你。我地唯一唔滿意的地方就係佢d櫈橙色紅色真係唔得,要我地再另外用錢租櫈。因為我地住得近九龍城,我同老公結婚前去個場到睇左大大話話都有成十個婚禮,每一次睇完人地點做,自己又多d inspiration,所以都好鼓勵大家有時間不妨去睇多d。

場地佈置:wedding art
之前一路都係同小菲傾,佢比左好多意見。因為我地budget有限,係用佢教堂佈置個plan加多少少野,總數用左4千左右,其實都係好簡單的佈置,但係我覺得已經ok了。當日雖然小菲黎唔到,但佢的staff同樣幫手,我地唔夠budget用花瓣舖晒成條bridal road,本來只係揀舖路旁兩邊,但當日佢地為左效果好d,就冇加我錢幫我舖晒。我連蛋糕枱同油畫架都係問佢地租埋,煩少樣野。我聽兄弟姊妹講返,佢地好有心機佈置,有剩布仲免費同我佈置多張相簿枱,不過真係要比充裕d時間佢地做。我本身麻麻地證婚位用帳蓬,所以揀左個拱門做背景,出黎效果好好,之後個拱門成為左眾嘉賓既影相位。


mix.JPG  Filesize: 217.93 KB  瀏覽次數: 28185 次
按這裡可在新視窗開啟原圖
 圖片描述: 沒有提供


~Vanice 在 Thu Mar 12, 2009 6:13 pm 作了第 1 次修改
回頂端
~Vanice
XXX.XXX.220.223

發表發表於: Thu Mar 12, 2009 5:35 pm
2#

律師證婚:姚定國律師
之前聽好多sis話Anthony Lam好,但我big day個日佢已經full左,o係電話度同幾個律師傾過,覺得姚律師最清楚婚禮既rundown,所以揀左佢。一見面已經覺得冇揀錯,因為佢真係好熟個流程,除左比意見外,佢亦都配合我地的要求。當日佢一早到左brief證婚人同mc,感受到佢有責任心同埋可以令你放心。當日我婚禮有d小插曲,佢都好識控制個氣氛同埋執生。連影相佢都識主動拎個花球比我(我伴娘個陣都唔醒起),所以我都好滿意佢婚禮當天的幫忙。

結婚蛋糕:Cake2
我揀cake2係因為佢係幾間結婚蛋糕公司最平一間,我其實對蛋糕味道唔係太高,反而覺得靚至係最重要。我訂時係$150一磅,我好似係訂左10磅,個蛋糕好靚,同埋切真的結婚蛋糕真係好開心。佢都算多味道揀,我就揀左一層綠茶蛋糕+紅豆粒,另外一層雲石蛋糕+朱古力脆脆。姊妹話都ok好食,同埋靚,咁我已經好滿意了。


reg01_00106.JPG  Filesize: 161.59 KB  瀏覽次數: 28184 次
按這裡可在新視窗開啟原圖
 圖片描述: 沒有提供
b178771957.jpg  Filesize: 95.45 KB  瀏覽次數: 28184 次
按這裡可在新視窗開啟原圖
 圖片描述: 沒有提供


~Vanice 在 Thu Mar 12, 2009 6:10 pm 作了第 1 次修改
回頂端
~Vanice
XXX.XXX.220.223

發表發表於: Thu Mar 12, 2009 6:09 pm
3#

不得不提的音響+租桌椅+帳篷公司:思域娛樂策劃工作室有限公司
之前講過在九龍仔行禮最煩就係要租櫈,因為d顏色真係太衰。但搵過成五六間製作公司,呢間租桌椅實在係最平,就搏一搏用佢。至於音響方面﹐老實講我唔係好熟,價錢亦同其他唔爭得遠,結果都book埋同一間公司。結果係喜出望外,公司的人好helpful,你要既野佢會幫手搵。之前仲連訂都唔駛比(哈,我仲驚過佢)。本來佢話約我地一次site visit,但因為我地唔得閒,就冇做到,但佢地咁樣提出我已經覺得好意外。

白色膠椅:約$1x一張(視乎你book幾多張)
嘉賓座椅(即係有椅套個種,我book左幾張證婚桌用):$30一張
音響:全套$2500
白色帳逢:$1xx一個
長檯連紅色絨布(放食物):$60一張

戶外婚禮最擔心就係天氣,由於價錢唔貴,我當日特登book定白色帳篷,諗住落雨時起碼幫到忙。好彩個日冇落雨,咁個白色帳篷就用黎遮住d食物。呢間公司會幫手排埋椅,但人手問題,我聽d兄弟姊妹講返佢唔係排得好整齊,所以佢地要落手落腳幫手。我個人覺得無所謂啦,因為佢真係平喎!

至於音響方面,因為我地有隊小型live band,請左朋友黎彈電子琴小提琴同唱歌,我覺得d聲完全冇問題,我對朋友仲唱得好鬼死好聽添~haha!如果有朋友可以幫到呢個手,我覺得live真係正好多,至於比錢請一隊,oh~要睇budget了


reg01_00150.JPG  Filesize: 171.67 KB  瀏覽次數: 28177 次
按這裡可在新視窗開啟原圖
 圖片描述: 沒有提供
CIMG2049.JPG  Filesize: 164.19 KB  瀏覽次數: 28177 次
按這裡可在新視窗開啟原圖
 圖片描述: 白色膠椅
回頂端
~Vanice
XXX.XXX.220.223

發表發表於: Thu Mar 12, 2009 6:53 pm
4#

食物:美心西餅
因為我夜晚都會擺酒,所以我晏晝唔想再做cocktail,只係提供左紙包飲品+西餅+結婚蛋糕。西餅我用美心(都係餅卡換),值得提的係,夠$600佢會送貨。

觀禮卡印刷:數碼巷[u]
觀禮卡我係自己搵人做左設計,再拎出去旺角中旅社隔離一間叫數碼巷的公司印。我印300張(105x148mm),盛惠$400,幾日內就有得拎,快靚正。值得推薦。

人形公仔+巨型支票:意達廣告設計及製作公司
呢兩樣其實係身外物, 係貪得意之作。巨型支票其實接新娘時已經出左,不過去到草地都放出左黎比人影相,至於整個人形公仔,係因為我覺得個場地太大,想有多d野睇。因為我地冇影全身到腳的婚紗相,所以整個人形公仔都有d難度,我諗唔加條白邊效果會更好。不過整體出黎既comment係very good, 又係一個攝影點。用少少錢有咁既效果,我覺得值。

1.75m人形公仔:below$500
3.5尺x2尺支票:$100only


順帶一提,當日婚禮我想製造泡泡效果。之前我在玩具反斗城買左一部泡泡機(唔記得叫咩typhoon),約$2xx,出黎個效果都ok。大家可以考慮下!

以上係我有關草地婚禮的資料,希望幫到大家!
關於婚禮其他資料,請睇我另一個post
http://comtools.esdlife.com/wedding_forum/viewtopic.php?t=183225


mix2.JPG  Filesize: 53.62 KB  瀏覽次數: 28173 次
按這裡可在新視窗開啟原圖
 圖片描述: 沒有提供
回頂端
camaytang
XXX.XXX.2.130

發表發表於: Fri Mar 13, 2009 1:28 pm
5#

Tks for your sharing!!!好好啊!我想問知唔知個度比唔比狗仔去?
回頂端
Jordan
XXX.XXX.74.100

發表發表於: Fri Mar 13, 2009 3:08 pm
6#

意達廣告設計及製作公司

i want to get more info about it.

Thanks
回頂端
Funny Pooh
XXX.XXX.43.40

發表發表於: Fri Mar 13, 2009 3:25 pm
7#

Dear vanice,

你的婚禮真的很特別﹗

人形公仔+巨型支票真的意達廣告設計及製作公司及律師證婚:姚定國律師
怎樣可以聯絡到它們呢?

麻煩可否pm它們的地址及電話?有無web site?
thanks~~~
回頂端
Ami & John
XXX.XXX.128.158

發表發表於: Fri Mar 13, 2009 4:32 pm
8#

你好呀~~只係睇你既post...已經感受到當時既氣氛啦...真係好想好似你咁呢~~係呢~~你book個間音響係有無contact呀????好似真係好平咁喎~~~~可唔可以pm我..thanks~~
回頂端
luxlux
XXX.XXX.93.178

發表發表於: Fri Mar 13, 2009 4:42 pm
9#

你個婚禮好正, 我都係行草地希望都做得好好睇睇 ^^

思域係咪Croom?我email左佢地2次再打電話都係無人報價...唯有問第二間... ...

可唔可以俾意達, 男禮同姊妹衫的資料我呀? ^^ Thx
回頂端
benben&mandy
XXX.XXX.18.119

發表發表於: Sat Mar 14, 2009 8:01 pm
10#

好多謝你的分享呀~~
我10年1月3日都o係九龍仔到行禮呀~~~~~見到你d相咁靚我都好開心^^

我想知租椅子音響間公司既資料, 可唔可以pm我?謝


我本身都想用帳篷架, 但見你用拱門都好鬼靚!!!!!!!!!!

仲有乜佢場地本身唔係有提供帳篷既咩?? 自己要另外book??
仲有場地係咪提供埋兩張枱???
回頂端
viewth