參加GW令你有一個畢生難忘的經歷

[龍蝦]

(1) 禮服問題

本人今年初在婚紗展join咗GW去關島註冊package, 其後要俾第二次deposit, 並且女仔可以揀婚紗,當佢哋俾我揀時, 我就覺得GW都幾求其,因GW 只俾十件都冇的婚紗我睇, d 款式又舊又殘, 令人失望。過咗幾星期後,又到男仔揀衫,男仔衫仲少之有少,我男友一般身形,GW只提供極少量款式西裝,而且衫身殘破。既然已經洗濕咗個頭,服裝反正係次要,我哋無謂同GW爭吵破壞氣氛,但可以睇出GW的專業及誠意。

(2)文件問題

終於到最後一次俾錢, 即pick up 婚紗及禮服時候,本來約咗出發前幾日上去, 點知佢哋話件婚紗未預備好, 拖吓拖吓叫我出發前一日先去拎。

開始講解佢哋所謂既briefing, GW職員問我揀咗花球咪,我當時先知原來花球有得揀。當我揀好嘞, 另外一位職員就話我個file 已經close咗,到時去到有乜花球就用乜花球, 如果如此, 就無謂浪費時間叫我揀啦!

其後講解所須文件, 佢要求我哋帶出世紙(英文版)去做註冊文件,但由我哋報名到上GW交咗幾次deposit, GW都冇同我哋提過這個要求, 我哋當場好驚訝, 因為我男友在澳門出世, 出世紙係葡文, 若要翻譯成英文, 再去葡國領事館加簽一定趕唔切第二天上機, GW的職員竟然問我哋介唔介意在香港註冊!!!, 我哋緊係介意啦, 如果想在香港註冊, 我哋一早就唔會join GW揀關島package啦! 更荒謬係GW的職員話之前都試過有個客係中國公民, 佢的出世紙係中文, 所以都做唔到註冊文件。既然GW之前都曾有咁既經驗, 佢哋都冇返醒早d提醒客人,這個咁重要既point,又何來專業呢?

最後GW都冇任俾任何advice, 我哋只好半夜上網search先知可以去政務署宣誓,然後再去High Court加簽, 但原來High Count需要2個工作天才可做到, 我哋只好出動同情牌講我哋趕住當晚上機, 其後雖然俾High Count的職員訓話一輪, 但佢哋都盡力幫我哋在4pm前做到, 其間GW好似人間蒸發, 沒有主動幫手。

(3)簽証問題

搞咗成日以為可以安心上機, 點知好戲在後頭。

我哋去到check-in counter, 航空公司的職員拒絶我男友上機, 因為佢持的葡國passport冇machine readable 的bar code(即舊版),所以一定要有美國簽証。其實我哋之前都有check過葡國passport係冇須簽証, 但最後原來先知有分新版同舊版, GW完全冇同我哋提過。我哋當晚即時打俾GW的職員,佢哋只係話因為佢哋個file已經close所以不能改期或refund任何費用, 但我哋之前俾咗2千幾蚊做加快相及取回所有相的CD, GW的職員好似扮唔知咁,只話要check 吓先, 但佢話叫我有心理準備所有的錢應該拎唔翻。我哋同行的兩位親戚都冇上機, 但好彩佢哋through另外一間travel agency訂機票酒店, 佢哋已經confirmed咗可以refund翻酒店及tax的費用。但我哋追咗GW無數次，佢哋只話check緊，而且冇主動同我哋聯絡跟進。所以話GW收晒錢就唔會理顧客的要求。

(4)結論

GW身為我哋的agent, 是否有責任提醒顧客或俾我哋有個checklist知道要準備的文件。正如你去任何一間旅行社報名去旅行都會主動check 你哋的passport or 文件，何況今次唔係去旅行，而係去做一件人生大事。

我依家真係好傷心, 好失望。又不能同我男朋友到一處浪漫的地方結婚, 而且又唔見咗幾萬元。我哋真係儲咗好耐錢, 點知依家什麼都沒有。無結婚、無旅行、連一張婚紗相都無得影。

若大家唔想將辛辛苦苦儲翻嚟的老婆本變成一堆怒氣及失望, 請大家在報名前三思。Agent未必有預期既專業態度及服務質素??

[Maozit]

龍蝦,

看完您的留言, 我也有點不開心.... 這種失望感覺, 我知是很難接受的!

希望你們很快收拾心情, 可以快 d 追回你們的錢.

唔知你們有沒有買 travel insurance, 試試 check 下有沒有任何 terms 是有關不能成行的賠償, 有d 後著嘟好呀!

be happy!

cheers/Maozit

[SaSa WinWin]

龍蝦,

好戥你地不值, 支持你必須追討到底!

既然機票係經GW出, 佢地有必要做埋Travel agent 既角色, 提醒客人各樣留意事項; 就當唔關GW事, 最起碼都學似另一間Travel agent 咁, 退回酒店的費用.

佢地叫你改係HK註冊都極之離譜同荒謬, 其實稍有經驗, 都知道要英文翻譯, 呢個係不可接受既錯誤! 關島註冊攪唔成, 呢樣佢地更加要負責, 退回該項費用. (legal wedding根本就唔需要預先book, 果邊導遊只係根據Travel agent 提供資料, 待新人到步後始才彈性地安排)

至於chapel行禮, 我相信GW一樣要俾場租給World Bridal or Watabe; 就算呢part退唔到錢, 但GW有責任幫你再同果邊傾下, 盡量俾多D優惠你地以再安排!!

希望你地得到個滿意既安排.

[Bear Bear 熊]

除o左錢o既問題, 仲要搞到咁唔開心, 真替你唔抵......

by the way, 我o係2007年年尾都join o左GW o既Bali package......
聽完你咁講, 搞到我好驚。 你有無D 咩tips 比我要, 特別留意D 咩地方呀? 等我預早keep 住check 佢地好過到最尾先搞到一鑊泡咁, 謝謝!

[Jesation]

唉，點解間間agency都係咁，佢o地到底知唔知香港話晒都係一個國際城市，唔係個個香港居民都係香港出世，新人只係搞一次婚禮樣樣唔知係正常，但佢o地照計搞過好多個婚禮。冇經驗都好心做吓功課la。

[a happy little bird]

Hi 龍蝦：

聽到你join GW而去不成關島結婚的經歷，真的好難過！ 我都支持你要追GW到底，他們實在太過份啦！既不專業亦沒有盡力幫忙補救！ 收錢就最叻，攪海外婚禮就最屎！

你有否去消費者委員會投訴呢？因為相信你點嘈GW都好難退回所有錢的了，不如搵消委會介入幫幫手吧！又或不如直接向關島的Global Wedding or Watabe投訴啦！等他們知道GW o係香港做得有幾差同離譜，等他們不再俾GW做香港的代理都好呀！ 費事再害人害物！**請問你原先是在那間chapel行禮的呢？**

[momo ca]

雖然我都仲係計劃緊去guam,問好多sisters嘅意見,但都好希望幫到你.

冇可能有問題時不單冇諗方法幫你,仲話close file, come on, 一間agent的責任係什么呢?應該係做任何係佢地專業及可以知道的範圍下話你知你應該要做的準備以達成你的要求,即係成功到關島完成婚禮,如果因為疏忽,一定要作出保償!

最大問題係佢地好似不單不道歉,仲好冇誠意捕救!其實去消委會,以佢地溫和嘅手法,有排等呀!我有個同學,佢好勁呀,什么不平的都投訴,有時真係要惡死(扮都要架嘞!),真係有用架!佢會寫信投訴間公司,亦會寫信去relevant嘅雜誌(好似激咗D),我相信你若果寫去wedding magazine投訴欄,會有用,因為佢地有落廣告,都會怕potential customer見到.

但你要明白,係投訴的過程中,其實最唔開心激氣嘅係你自己,要有心理準備先好.若果refund有困難,而又仲好想去關島,唔知佢地可以安排你地去關島作為保償呢?

其實我要多謝我一個朋友,佢介紹我這個website,先搵到我的dream wedding (in Guam), 亦識到咁多sisters,知道有其他途俓 (GW not a must),同share佢地嘅經驗 (又唔yim我煩).

加油呀!記住千祈唔好為一啲對你唔重要嘅人唔開心呀!

(haha, don't know how to type chinese, use書寫入盤打咗成個鐘,咁撐你,記住'fighting'呀)

[龍蝦]

我已經問過旅遊保險果part， 但都没有任何補償。
消費者委員會方面已經幫我follow緊， 希望消費者委員會能夠監察／調查GW的專業操守。

若然你哋已經參加咗GW， 你哋事前要問佢哋拎一份checklist寫明所需文件及事項,每一個問題最好問多幾次並要紀錄低,因有可能GW每次答的答案都唔同。最後，緃使GW無要求check你哋的文件，你哋最好緊慎d帶去俾佢哋確認，避免有爭拗。

[momo ca]

Ask them for checklist? I don't think they have any. What about we give them checklist to help their staff?

[SaSa WinWin]

個人認為攞checklist都冇用, 因為每對新人既資料同需求都唔同.
既然Agent咁唔負責, 自己就要主動問佢地每項細節, 最好要佢地白字黑字回覆. 否則唔好俾尾數!