發表主題 回覆文章
大弟弟
XXX.XXX.186.145

發表發表於: Sun Mar 30, 2014 2:24 am
1#

廣告贊助 [隱藏]
見證兩次既婚禮,更親歷傳說中 煌府188 apple姐 既威力

遲黎既分享

本身做平面設計既我,當身邊有人結婚,我就一定負責有關設計既工作
唔多唔少都經歷左雙位數婚禮既籌備
前期無論過大禮,買物資,上淘寶,rundown編排,驚喜橋段
除新人編排親戚朋友座位表外所有都會插手 (可能其實新人唔鐘意我意見多多...........)

但呢兩次兩對新人朋友都響同一個地方擺酒,就真係令我有驚喜
(謎之聲﹕ 由頭到尾都冇人俾驚喜你囉唔該!!!!!)

13年5月6日
因為呢日既新人對我既信任,所以都交左一堆負責既工作俾我
做兄弟緊係唔洗講,接親戚既28座,註冊處既接洽,酒樓午餐.......下刪三千字
上午既工作令我精神繃緊,到酒樓既時候終於有時間休息

但要立刻準備做 mc既工作 (感謝呢對新人對我做 mc 錯漏百出既包容)
此時此刻先留意到原來晚宴 rundown 係非常簡潔
想搵人了解之際 apple姐 就響我面前出現
不慌不忙既調子同我講﹕你唔洗驚,因為晚宴所有既程序響我個腦裏面,我叫你做咩你照做就得嫁喇~

雖然之前有聽過新人話呢個人有料到,但我都未見過,你講到識飛都得嫁啦
咁但係既然有人負責任,我呢個唔知醜緊係推曬俾佢啦
隔左一陣 apple姐就已經拎起 mic,搶左我 mc 叫親戚上台影相敬茶既工作
叫我集中精神放鬆就好 (集中精神放鬆.................你知唔知你講緊咩呀!!!!!)

到2000 晚宴正式開始
一上台開口就謊既我咩都唔記得曬 (請鼓掌~)
apple姐 就響離我兩三步既距離同我講野,其他人係聽唔到既
講話佢講既野我聽到重複講出黎就得喇
我立時變左人肉傳聲機
佢無比既淡定加壓韻既口頭蟬
冇做 mc功課既我亦完全冇問題

加上見到佢認人既功力
明明只係見左幾個鐘
唔係,應該係每個只係見過一兩分鐘既人
竟然響敬酒帶頭既時候
每圍親戚朋友都總叫到幾個名出黎
咩腦黎嫁,我見左一整日有d都叫唔出名啦................(咁我認我笨囉)

經過呢一日,深深感受到個人既力量有限 (謎之聲﹕ 係你個人力有不逮姐~)
無論你能力高低,有個好幫手就真係放心好多
由其是係人生大日子

到大概一年後
14年3月9日
係我另外一對朋友響呢間 煌府188 擺酒既日子
因為其中一個新人有去到上面講到既婚禮
所以晚宴部份完全放心交俾 apple姐

到場之後見到熟悉既面孔
加上今次唔洗做mc (謎之聲﹕ 仲邊有人搵你做呀,上次做到咁...............)
只係負責場上既佈置
更多時間見到呢個場既員工唔係只當份工
真係會上心幫你解決問題

都係果句
我講到識飛都冇用

但我真心覺得
佢真係叻到 飛得起


















apple姐,妳本人如果有幸見到呢篇文章
千祈唔好話我

因為呢篇野就算俾妳話我 hard sale 似廣告都好
我都要咁做,因為我諗唔到有咩方法
可以報答妳果兩次婚禮幫既大忙 (偽apple姐﹕ 傻豬黎既,妳地有俾錢嫁,有咩報答唔報答~)

真心再講多次﹕多謝妳!!!!
回頂端