以上咁多位已經講左我的睇法了, 不過我想問清楚樓主,你地的積蓄係2-3萬定廿,三十萬呀?? 如果你們只得2-3萬,但竟然諗住擺45圍,重咁快走去落左一萬蚊訂, 我真係好佩服你們年青人做事的勇氣. 我估呢個討論區應該唔會搵到第二位咁有勇氣的人啦. 又或許如果樓主真係咁想結婚,而金錢唔許可的話,有無諗過就咁註冊同旅行結婚?

睇返件事,首先我認為人地開鋪點都要買多小小野...買一條bra帶之後重要返去叫佢換,可能佢覺得你玩野所以鬧你都唔奇.雖然你話呢d係你既心意幫襯下佢,唔應該去睇價錢,但呢個世界就係咁,人地開間bra鋪,你點都要買返套bra啦,一係好似我咁,我個friend開鋪,我睇唔中d野我都會封200蚊,同佢講句"生意興隆". 你話現在重點係你比個女人鬧,當然呢樣野係佢唔岩啦,呢d係佢本身修養的問題.但唔需要為左佢而唔返去食飯囉..你要記住你入左門,佢未入門,既然你無錯咁點解反而要避佢?反而錯既就理直氣壯?如果我係你,我會晚晚返去食飯添,因為我要等佢知道我根本唔怕佢,當然返到去食飯我會當佢透明啦.

我好疑惑你同老公拍拖的時候係點相處? 點解當初你會肯嫁比佢? 一個咁既男人,我諗真係無乜人可以忍到佢囉重要打女人咁過份添...

以前係拍拖的時候,曾經比我發現佢有d AV同四仔跟住就比我丟晒,個時佢都話無所謂,反正已經有真人睇. 咁我屋企有兩部電腦既,近呢幾個月我要用佢部電腦,佢就好緊張問我做乜要用佢部腦,跟住就會立即幫我整返好部電腦,我初時都以為佢用MSN識女仔但今日我部腦有事咪用佢咪腦囉,咁我就乘機CHECK埋佢到底乜事啦點知比我發現佢由今年初開始就down返d AV黎睇. 其實我都明男人係會睇,(但係我始終有d介意佢睇囉,好似覺得個老婆好差咁,我會覺得佢搞我的時候係幻想緊搞緊個d女優囉)同埋我覺得無必要呃我囉,平時同佢講開佢都話有乜好睇呢?睇老婆好過啦...我自己知自己事,我又肥,身材一定唔吸引佢. 其實我現在有d嬲係怪佢平時把口就話唔睇,有乜好睇喎,但就背住我係度DOWN埋晒呢D野,而且唔比我知,我就係度諗...咁佢平時又會唔會背住我出去偷食呢? 其實大家認為我應該繼續扮無知呀?定係同佢講我唔多鐘意佢睇av呢?

今日同大伯的女友傾開計, 知道奶奶對於我同老公無成日返屋企食飯好有意見奶奶認為係我呢個老婆唔比個老公返去食飯, 又話我呢個媳婦雖然孝順,可惜唔係孝順佢(暗示我成日過香港探父母但唔多理佢) 我聽到既時候,真係好唔開心.... 第一,我成日叫我老公返去食飯,係我老公唔返去第二,我兩三個月先返香港一次去探我的父母...一年先見到我父母三四次,咁過份咩,每次聽到我話過香港就一定係去探父母咩?況且係佢個仔自己都唔理佢地,我成日叫老公返去係老公唔返,咁我以前本來有自己返去食飯的,但發覺每次自己一個返去都有說話聽,同埋佢地的面色好難睇,而我老公同我一齊返的時候,佢地就蓮子容咁既面口,欠而欠之,我先唔一個人返去食飯咋ma... 第三,我份工比較特別,返半夜三四點的,所以我好早就要瞓覺,我放假的時候咁岩老公又得閒就會一齊返去食飯,講真,我要搵食o架ma...點解佢地唔可以體諒下喎... 第四,就算我姑奶結左婚,現在都日日返屋企食飯,有時候又會陪佢地去遊車河周圍去玩,去d短線旅行,但係奶奶都話個女對佢唔好....到底呢度有無d已為人奶奶的人可以話比我知,到底做奶奶的到底想做什麼? 各位,你地點睇呢件事呀? 其實我都有同老公講過覺得奶奶認為我搶左佢個仔咁,同埋覺得係我呢個老婆教個老公唔好返去食飯,但我老公就叫我唔好諗咁多,最緊要自己開心就夠,咁我應該點好?好煩..... p.s. 我平時對奶奶都好客氣有禮貌又有d笑容的,唔似佢另一個媳婦終日好似包公咁,又無禮貌成日對奶奶呼呼喝喝,成家都唔鐘意佢但奶奶對住佢個陣又好好...只係背住佢個時話佢,到底我奶奶係咪有被虐狂...鐘意人對佢衰d呢?但自問真係做唔出好似佢另一媳婦咁既樣同行為....大家快d救下我...

基本上奶奶講既野,我覺得岩既我會做但如果我唔滿意的話我睬佢都傻加陣你嫁比佢個仔做老婆咋唔係賣身呀,返屋企探父母都要經佢批准呀咁要唔要預早一個月通知呀,佢都傻既一於唔好理佢,講到去邊都係你奶奶唔岩現在係2008年呀,唔係古代呀真係唔明點解咁大唔明事理既奶奶o架

講開呢個topic,我就立即好嬲因為我諗起我老公既二嫂,佢簡直係人中極品...差到爆身為老師都唔識尊重人....我姑奶教仔佢又要係度鬧埋一份,人地教仔關佢鬼事咩小朋友唔食飯同喊佢竟然將人地個仔鎖係toilet唔開燈要佢收聲先放返出黎(當時亞媽唔係度的)... 好啦,老爺奶奶煮埋飯比你食,你唔鐘意食唔出聲咪算lor,佢又要好大聲咁鬧話d餸又凍,呢樣個樣,大佬呀,屋企要等齊八個人先食得飯,實會有小小凍o架啦...成日返到屋企又黑口黑面,連老爺奶奶都鬧,對人又無禮貌又呼呼喝喝,係老爺奶奶面前成日鬧到自己個老公死狗咁,老爺奶奶又"林"喎,又唔會鬧返佢轉頭,搞到成家都怕左佢,現在好啦,最近比我發現到佢老公有外遇,但我唔會出聲lor....話晒係人地家事呀ma,佢自己重傻下傻下以為自己好幸福,因為佢老公平時對佢好好....我現在等住睇好戲lor :lol: ....睇下呢個女人到時點死 :P :lol: 總知呢個賤女人既事多到講唔晒,我只係大約講出黎咋 ....

[quote:ee768277e4="Wing&Yee"]老公點睇先? 出吾出到聲?[/quote:ee768277e4] 老公話佢會搞掂喎..我一定唔會出聲lor 費事比機會比99上位話我囉....

唉...我現在讀緊呢個course岩岩先返左一個月咋ma....早幾日同99佢地出去飲茶喎,99又係度問我幾時讀完個course喎..我答佢5月,佢就話嘩...咁耐既...跟住老公咪出聲話我岩岩讀咋喎,邊有咁快呀....點知99下一句就話咁點解唔早d報啫...我都費事出聲呀...62都話99邊有人咁核突咁問人o架....因為佢地都知我呢個course唔係成日開,一年得個兩班開咋ma....我一報考就收左我已經算好勁,因為好多人面試完之後都要等多一期先讀到,我可以直入算係好叻o架啦....有時都唔知99點解咁鐘意講野唔用腦既>< 重有呀...99現在又以諗住裝修間屋為籍口諗住叫亞婆搬過黎住喎....佢話有人肯買間屋就賣左佢,無人買就裝修下間屋先再住....佢d屎橋我一早睇穿啦,不過我無出聲,我等老公同佢講....99現在擺到明係想借頭借路搬上黎住lor....我一定唔會比機會比6299同埋亞婆搬上黎住lor....佢重有兩個仔,佢另外個兩個仔都有地方比佢住啦....佢地一搬左入黎想要佢地搬走都好難囉

我都係老公唔係度就唔返去6299度食飯囉...費事食飯有說話聽啦....又問呢樣又問個樣煩到死....我同99住係隔離大廈...佢初初成日叫我地返去食飯,我返過一次99比說話我聽...自至之後就唔會一個人返去食飯,費事自己唔開心啦...跟住咪抱個波比老公囉...現在99問乜問題都係由老公負責答...99問做乜我唔返去食飯,我會唔出聲..因為我一早教左老公係呢個時候,佢應該搶住答"oh..佢鐘意自己煮下野食咪由得佢囉...有時之前又食剩d餸喎,唔通唔食埋佢,就咁掉左佢咁晒咩"...其實老公咁樣答多幾次,99都知乜事啦..現在佢都唔會再叫我去食飯囉....由得我地返唔返都無所謂... :lol: ...因為次次都聽到一樣既答案,佢自己都無癮啦 :wink:

對於我黎講,好似傷城入面個d既浪漫,係現實唔係話無,只係一萬pair人中只會有幾pair的出現..... 我同我老公最浪漫既事係我曾經做過一樣野佢覺得好感動lor....因為我同佢係異地戀,我每次過去搵佢既時候,我會keep起d船飛,之後返到屋企就用畫簿貼好佢,然後寫低同佢一齊個幾日發生過d乜事同感想,跟住當本畫簿貼滿之後就係拍拖紀念日個日送比佢,當佢見到個本簿既時候,佢好感動,我見到佢眼有淚光囉,係感動同開心既淚光...因為佢無估到我會做呢d野同埋佢無估到我係對佢既愛比佢想像中更多更多.....呢樣係我同佢之間最浪漫既事lor....佢對我最浪漫既咪就係向我求婚既時候lor..... :P 雖然好簡單但對我來說已經好浪漫

我99又係好鐘意問幾多錢幾多錢,我老公既婆婆又係好鐘意問o架.... 佢地問親我都係話唔係好貴啫不過係亞婆長氣d會話咁貴唔好買啦...呢樣個樣係度煩lor 不過見佢咁老又唔係成日見咪忍q佢lor 當佢唱歌,佢地問乜都老公答,唔使煩呀,我自己有自己睇電視 :P

比50蚊不如唔好比啦.... 如果比我收到50蚊人情,我一定記住個位同學將來佢結婚個時我會哇哈哈...比返一樣既人情比佢我寧願佢唔好比人情唔黎好過lor

To: win909 告訴你的朋友,佢做的已經夠了,佢已經嘗試過去繼續代替她的老公去照顧這一個母親,只是這一位母親不接受...既然這一位母親不肯接受,那為什麼還要去做一些令自己唔開心的事呢? Life must go on.....叫你朋友繼續自己既生活吧啦

[size=18:fc9ac863a6]你地會唔會因為另一半既家人對你既職業加以批評或者嘗試說服你去轉工呢d事而煩惱唔開心呢?? 件事係咁既,我同老公結左婚半年,我老公就對我做唔做野無所謂反正老公養得起我,同埋老公話等我讀埋個course先出去搵工因為讀埋個course會有証書,出去一定有人請, 但佢家姐就話不如一路做一路學,但係事實係有証書對前途幫助很大而佢家姐亦知既,不過佢家姐就成日好似嫌我唔做野咁但問題係我老公兩個人既事,佢有需要咁過份關心嗎? 老公亦答過佢很多次,慢慢搵啦,反正唔急,讀埋個course先搵工會好d 我以前做sales佢又話我做sales無前途,指住咁話我... 又話不如學做美容不如學插花,佢將自己想做既野就叫我做, 但其實我對插花同美容無興趣,有興趣我一早做左啦... 我每次喊都係因為佢家姐,由細到大我屋企一向比我自由發展唔會逼我但結左婚之後,佢家姐成日想控制我做呢樣做個樣,搞到我好唔開心囉可能佢係掌上明珠啦,全家得佢一粒女,佢話乜從來無人咁話唔得但對我黎講,咁樣好辛苦lor.....我父母都唔會管我,佢憑什麼管我喎我又唔想搞到關係咁薑...大家話我應該點做好呢?? 鬱住係心又好辛苦喎,雖然老公係幫我對我好好既,但係我怕成日同佢講會影響夫妻既關係呀><[/size:fc9ac863a6]

傻佬: 雖然同你係埋一齊既日子唔算耐,但我真係好想同你講,我覺得你好似係天賜比我既禮物一樣,係我最失意最唔開心既日子,你出現左,你陪我渡過個一段最唔開心既日子,係你既說話鼓勵我重新振作....雖然最初我地素未謀面,但係比我既感覺就好似識左好耐既朋友咁,你每一句說話都講中我心裡面所諗既野...多謝你呀..雖然係我地交往既日子裡面係曾經有過唔開心既事發生,但係我慶幸因為個件事令我地更加肯定對方...我更加想多謝你以前既女朋友,因為如果唔係佢唔識欣賞你,選擇離開你,我諗我同你都唔會有今日可以係埋一齊重結埋婚添....^^...同你雖然無乜野激情或者浪漫既事..但我知我地會係細水長流型..我地會係一生一世既...我愛你...一諗到可以好幸福咁做到你既老婆...我就覺得自己好幸福...你令我知道乜野叫幸福快樂...多謝你呀^^. 老婆仔..^^