annie & ivan

上星期終於影相啦, 原先8月中, 但天雨關係, 延至9月15, 當日天氣不算好, 雲煙好厚, 又熱又焗,  但無落雨已算好彩.

同事提議去西貢影,無咁多人.  第一站在蕉仔屋企幫自己化妝set頭, 完成後接阿彭(今次真的非常感謝她的幫忙, i love you). 約了同事anthony & 技安在藍田pick up. 因大部份人未食lunch, 入番去將軍澳食, 我就坐車上等, 因驚落車嚇怕人, 但忽然想嘔, 因衫太緊, 叫蕉仔買陳皮頂住, 好啦.

去到清水灣五塊田取景, photographer落車set燈, 條裙又爛鐵線, 好彩阿彭幫我修整, 但當日太熱, 我個妝都溶晒, 哎, 都要補補,  之後轉景去遊艇會, 諗住偷雞入去, 但保衛非常機警, 算啦, 喺門口攞少少景啦, 好過無. 最後一站西沙, 呢點最艱辛, 要行泥漿, 我條裙租唔可以整污穢, 大家都非常小心, 但快日落, 阿彭提開始潮脹, 真的很快, 大家又要執拾物件到草叢影. 嘩! 好多蚊圍住我同蕉仔, anthony仲發現有蛇洞, 好啦, 終於影晒啦, 大家都被蚊咬到一撻撻, 快閃換衫吧! 去到apm要搵廁所嘔, 嘔完舒服晒. 我諗太熱有啲中暑. 但唔緊要, 今餐好彩阿彭有AE card, 套餐有半價, 抵呀. 辛苦晒大家.    

呢2個星期頭都痛埋, 因8月婚紗展美心無擺檔, 無優惠餅咭買, 最慘我要買150張,因公司多人, 我自己都要派100張, 所以呢個星期好努力上新婚網睇吓有無人大批放出嚟, 終於俾我搵到啦, 呢個趙生居然150張都有, 一張$34, 仲平8折少少, 好, 殺你.

我約咗佢tomorrow喺旺角MTR交收, 我會搵埋ivan一齊去 ,安心啲嘛! 哎, 但又洗一大筆啦.........  

原本今星期六搵攝影同事Anthony去石澳影婚紗相, 但呢個星期係咁落雨, 天氣預告當日驟雨, 多雲, Anthony話陰天影出嚟啲相唔靚, 仲俾啲相版我睇. 唔緊要啦, 唯有9月啦, 加上9月開學又無咁多人, 好彩上星期日去視察環境, 嘩!多人都爆, 遲啲影都好, 起碼唔會幾十對眼望住晒, 算啦, 我又多2個星期減肥.

自己整花球後, 尋晚自己整埋手花&襟花, 我要打破傳統, 用咗小熊代替花, 效果幾特別, 之後再買啲靚靚絲帶配襯, 一定好靚啫.......

尋日走去花墟買材料做花球, 因需要用3次, 所以用絲花會實際啲, 自己都有幫人整花球, 但今次整俾自己感覺特別唔同, 特別開心.

今個星期六去羅浮宮影婚紗相, 好緊張呀!

上星期六去羅浮宮book時間影婚紗相,  我哋有張$4,800 coupon, 之前research過一般會要你加錢, 最basic加2,000, package會多嘢啲. 好啦, 就揀呢個啦.

今日5:00要去試衫, 嚟緊呢個星期六就影啦, 好緊張啦, 我要control飲食, 要on diet啦.  小龜你都係呀.

上月搭公司記者幫忙下, 優惠價$1,200植眉. 上次整後一星期已甩掉7成色, 但老闆娘已提及過,最慘要1個月後至可以補色. 終於等到今日啦, 約咗lunch time時段.

今次補色比上次痛得多, 老闆娘話今次支針粗啲, 一向認為靚要負出代價, 唔緊要, 死就死啦, 雖然有搽麻醉, 但都幾鬼痛, (本人一向忍到痛). 整咗大約一個鐘後終於捱過了. 起身望鏡後, 覺得效果幾好喎, 都幾自然, 老闆娘話都會甩少少色, 但都last到3-4年啦, yeah!!!!我唔使再做無眉人啦.

many photos, pls have a look on the pictures, click the following link .... GOGOGO......

http://hk.pg.photos.yahoo.com/ph/anniekwan0729/album?.dir=547bscd&.src=ph&store=&prodid=&.done=http%3a//hk.photos.yahoo.com/ph//my_photos

今日第一次安排結婚事情, 去旺角金都行吓, 經常聽朋友講金都多黑店, 但行過後無想像中咁差, 有好幾間晚裝婚紗幾靚, services亦ok, 見到一間條裙幾靚, package又ok, 同個sales幾啱傾, 就入去試吓, 試過幾件後都啱自己心水, 之後蕉仔試2套西裝, 夾埋晒媽咪奶奶同伴娘, 九套衫成為$5,300, 好, 殺你. (多謝蕉仔) 

之後夜晚約咗我倆屋企人初次見面食飯, 過程都算順利, 搞掂. 

今日做咗少少嘢, 但仲有好多濕粹嘢未搞, 好! 我哋要加油啦........ 

2007/07/23

04:59:15

ivan轉新工前去大阪relax一番....haha.

June 07