Fiona & Felix Blog - New Place
搬Blog完成, 以後會轉去http://fionafelix.blogspot.com
希望大家會繼續支持啦~~~
--- Felix
16/7 Todai 自助餐
上星期三無啦啦去o左尖咀既Todai 食 buffet, 其實我好耐好耐之前食過一次, 那時是舊公司擺完booth 後既慶功安宴, 都好耐好耐lu...那時都未識欣賞佢既長腳蟹, 只係不斷食疏乎厘。今次一定要醒o的先得!
一去到我地真係專攻長腳蟹, 見到龍蝦好多人排隊, 改o左食大頭蝦, 只大頭蝦真係好好食ga!!! 反而排o左好耐隊既龍蝦就覺得麻麻地...
甜品我覺得少o的選擇啦, 不過我會食既都有, 好似雪糕咁, o的雪糕又係超好食! of course 仲有出名既疏乎厘啦.
打完呢篇野, 好想再食過tim!!
Fiona
Honeymoon
而家開始計劃緊去Honeymoon! 暫時了解緊澳洲Queensland自駕遊o既可行性同埋趣味性 ... 當然仲有第二手準備, 就係跟團去西班牙, 唔駛諗!!!
唔知最後會係點呢?! ... 期待!!!
--- Felix
28/6 海洋公園遊
余生之前係公司annual dinner 抽到張海洋公園免費入場劵, 之前搞wedding 冇時間去, 可惜之後得閒時卻不斷係到落雨... 一直pending jor 成個月既海洋園遊, 最後係deadline 前(30/6) 一再掙扎低下去o左lu~~
我地今次冇咩玩o的機動game, 專攻o的平時好少行既海洋館, 睇下殺死鱘龍既海狼, 最緊要係去探下我至愛既panda BB la!!
盈盈樂樂我第一次見, 果然佢地真係好活潑!! 不斷係到爬o黎爬去, 佢地仲表演o左一幕倒掛tim!!!!! 引得全場嘩然! 連o的工作人員都拎相機出o黎影呀!!!
睇返原來我只係同余生影o左一張合照....
兩兄弟 :
哈哈!!綺雯都話, 做咩出去睇功夫熊貓呀, 你屋企ma 有一只....啤!!
Fiona
City One 自家煮
我好似好耐冇post 過blog 啦, 等我呢個食家evulate 下係余生親手下廚既菜式先!
未有電飯煲, 先煮個車仔麵, 炒四季豆, 煎龍脷+雞翼
炒通菜, 煎蕃茄紅衫魚
蕃茄紅蘿蔔湯 + 香腸魚螺絲粉
煎牛扒, 魚, 生菜, 白汁螺絲粉
粟米紅蘿蔔合掌瓜湯, 多春魚, 薯仔炆牛腩, 炒白菜
鯇魚湯, 草菇炒雞丁, 豆豉鯪魚油麥菜
蕃茄薯仔紅蘿蔔椰菜湯, 煎魚仔, 百事雞翼
總括o黎講, 以上呢幾餐令我由6月起肥o左足足6磅!! 我就o黎變一個好食賴做既幸福肥師奶啦...
Fiona
百事雞翼
百事雞翼
材料:
- 巴西雞中翼8隻
- 百事可樂一罐355ml
煮法:
1. 將雞翼放入細煲度
2. 開o左罐百事, 倒3/4落去, 1/4留俾自己飲
3. 開中火煮
4. 滚起轉細火
5. 30mins打後, anytime都食得 (當然, 煮得越耐就越好味啦!)
尋晚憑住呢一味, 又成功取勝!!!
--- Felix
游船河
尋日好開心同老婆一齊去o左游船河 (CUPAA攪o既"唔該一碗游船河"), 雖然早上有雨, 不過好好彩出到海, 天色都唔係咁差, 都有少少陽光時間 (都曬黑o左少少) ...
老婆有出去玩Wakeboard呀~ 佢都幾叻起得到, 玩到下~ 勁!!! 我就收o左皮, 冇出去玩wake, 真係已經冇咩興趣~ 咁我就留o向船度游水 + 跳水, o向船頂跳落海, 真係第一次 ... 起初都幾驚, 好彩有好兄弟 - 雞泡 - 同我一齊, 大家都話, 唔跳就正屎忽鬼; 雖然大家都唔會介意做屎忽鬼, 不過都想試o既~ 結果跳上癮了!!!
第二次都仲係驚驚地, 不過都順利o既~ 之後仲玩8/9個一齊跳! 阿仁仲出埋去幫我o地影Video同埋相~ 勁!!!
輕輕鬆鬆放縱一日, 感覺真係爽!!!
--- Felix
煮飯仔
好耐都冇update喇 ... 証明o左D咩? 生活平平淡淡lor~
經過個幾兩個月o既試煉, 我o既廚藝或多或少都有D進步o既~ 而家有信心o既菜色包括:
- 薯仔炆牛腩
- 牛油煎魚
- 番茄炒蛋
- 炒雞柳
- 各類炒菜
- 各類滾湯
Fiona成日都有影相o架, 尋晚我問佢, 影o黎做咩? 佢話遲D有時間一次過upload晒上blog wor! (大家慢慢等喇!)
--- Felix
相 ... 等 ... 片 ... 等
Banquet o既相 ... 就快有喇! 應該今個星期會有~
片 ... 仲要等下先! 應該下個星期左右吧~
--- Felix
斯仁慶功
原來我地唔記得post 返上星期六兄弟姊妹慶功團tim!!
我地諗過好多alternatives, 最後大家都決定上我地新居hea 一番~
原定大約3點鐘開始可以上o黎玩大富翁pictionary, 但朝早收到Erin 電話, 飲茶先? 好wor! 咁第一小隊就先係沙田第一城福彩飲茶啦!
原本五人既細desk, 坐坐下有7個人, 迫迫地, 但好開心啦~~~
之後我地上返第一城開始玩pictionary 同大富翁啦, 之後多o的人既時候, 連WII 都開埋玩~ 賤兔真係好好玩, 大家都玩得好興奮!
我地book jor 8點鐘去龍華食乳鴿, 一共13人分o左兩架車, 去到禾輋再行過去龍華
我地有o的人都未去過, 大王就即刻order 原只乳鴿上, 13只炸乳鴿就咁放上desk 到, 好似一個亂葬崗咁... 一陣之後成碟野就邊晒骨啦...
總括o黎講, 乳鴿ok 既, 其他, average la!
食完乳鴿, 我地就返第一城再打過機, 今次玩孖寶賽車, 大家又叫又笑! 哈哈! 呢兩個game 真係家中Party 必備la!
就咁樣, 我地就玩玩hea hea jor 一日la!
其實一次既慶功唔代表我地對班兄弟姊妹既感激ga, 其實個個都好忙, 但佢地都不厭其煩, 不辭勞苦咁幫我地, 俾o左好多idea , 佢地無時無刻spend 係我地身上既時間對我地o黎講都係好珍貴ga! 多謝你地!!
Fiona
輕鬆一下
攪完Banquet後, 見有個空閒D o既Weekend, 同老婆去珠海玩返兩日, 去行下玩下, 飲下食下~~~ 希望可以減下壓, 放鬆一下!!!
聽日上船, 後晚返o黎!!! 遲D再Post Detail上o黎啦!!!
--- Felix
Nightmare
老婆: 起身喇! 你個鬧鐘好似冇響wor (今朝我又唔知醒了!)
老公: 哎呀~ 部機唔知做咩Reset o左wor!
老公起身, 去沖涼刷牙~
老公: 嘩! 老婆, 我發惡夢呀! 我夢見擺酒呀!!!
老婆: Well! 點解擺酒係惡夢o既?!
老公: 真係好恐怖~
老婆: 點解擺酒係惡夢o既?!
老公: ... ... ... ...
係wor! 點解o既?!
--- Felix
十二章經
斯仁色彩 - 十二章經
位出席"斯仁色彩"o既賓客, 都會收到一張我同埋Fiona過往o既色彩~ 因為每位只會有十二款當中其中一張, 所以特別o向呢度Post返晒D內容出o黎先 ...
第一章
斯仁 の 出世
1981年2月18日，有一個7磅8安士的靚女於贊育醫院出世。
半年後，即係1981年8月18日，同樣於贊育醫院，有一個差不多成8磅o既肥仔就出世了。
第二章
斯仁 の 音樂
細過的仁，已經開始學彈鋼琴，讀過樂理，考就考到七級，不過合格就只係得四級喇！中四時和兩位同學一起出去學長笛，本身係諗住學色士風，不過成本太高了；中五畢業的暑假再去學打鼓、彈結他。
斯斯就差d唔記得，自己細過時都學過笛同埋結他；不過，最強都係唱歌，不時與知音好友，到不同K場練歌…
第三章
斯仁 の 拍拖
於大學時認識，臨畢業先開始拍拖；畢業後又巧合成為同行做錶，攪到行街有時都會一齊去睇錶鋪，當然都會行街、食飯、睇戲。另曾一齊去Paris、泰國、韓國首爾、台北旅行。
經過五年，斯斯終於成功，嘈o下嘈o下，嘈到俾佢結婚，嘈o下嘈o下又嘈肥埋仁仁。
第四章
斯仁婚禮
2008年1月6日下午3點，在一眾兄弟姊妹的努力下，斯仁就在中文大學聯合書院鄭棟材樓C1舉行了他們的婚禮 — 「斯仁影院」。
結婚後o既我地，開始展開了二人世界的生活，沒有太大的轉變，變的只是朋友都改口叫余生余太，同埋新年要派利是囉！
第五章
斯 の 小學
搬了去土瓜灣，在附近的聖提多幼稚園讀書。
小學時好好彩入o左間區內略有名氣的小學獻主會小學，亦好好彩6年都係精英班，所以我的同學仔都冇咩變過。
第六章
斯 の 中學
我就在協恩中學這間女校讀書。
每天著住藍色的長衫，背著書包行上斜斜的農圃道。
理科班的我，成績平平，但總算平安渡過所有的公開考試，平平淡淡的渡過了七年中學生涯。
第七章
斯 の 大學
靠著會考的成績入了中文大學物理系，每天除了讀書，就是玩。成績... 總算過得人過得自己，GPA 都有2.X 既。
大學一年級上了莊“物理號”，改變了我的人生。上莊令我認識到一大班好好的同學及朋友，由一個平平無奇的我，慢慢變得活躍，另外亦令我認識到現在的…仁。
第八章
斯 の 工作
完全對教書沒興趣的我，立定決心出來找工作。自知物理系畢業生出外找工作困難，未畢業就努力搵工，考完試後已經返緊工了。做了兩份短工，04年三月入o左去嘉暉，做到依家，都差不多四年幾了。好開心認識了幾個好朋友，公司給了我很多機會，學了好多野，由一個冇咩工作經驗，初出茅廬既傻婆，到依家都總算識得點樣待人接物。
第九章
仁 の 學海無涯
1984年，於中區堅道徽遠幼稚園開始讀書生涯；對“徽遠”的印象，只係第一日返學喊到飛起、一位同學及畢業時扮兔仔。
一年之後，轉入高主教書院，一條龍式由幼稚園低班，順利讀到中七畢業。考大學、入中大、讀物理；出o黎做o野一年後，又走去讀個Part Time奸商管理文憑；遲D唔知又會讀咩呢？
第十章
仁 の 搵錢
大學畢業後，本來得到教院取錄，讀多一年就可以入行教書，不過自知會誤人子弟，都係早日出o黎打滾一下。
入行做錶做電子，註廠三年多，後來轉工返香港，都係電子廠；唔知之後o既事途會係點呢？希望快D搵夠錢，等老婆可以全職做少奶奶。
第十一章
仁 の 足球場
中學開始熱愛踢波，與同班幾位唔識踢波的同學組成球隊，每逢星期六，到學校附近的明珠台足球場練波，風雨不改，諗返都痴痴地！
中五參加校隊B Grade足球隊，駐守左後衛。入大學後，效力物理系系隊，以擔任後防球員為主，大學三年級更兼任領隊，帶領球隊晉身十六強；同年更獲選成為聯合書院門將（後備）…呵呵！
第十二章
仁 の 紅十字會
中四成為Assistant Section Leader，中六仲做埋阿頭添！學過First Aid呀、Nursing呀、…而家冇晒lu！所以，有咩事，都係打九九九罷啦！
--- Felix
斯仁色彩 - 紀念品
今次我地擺酒既主題係斯仁色彩, 一直都只係唔想好似traditional 咁搞, 毫無頭緒, 好彩最後俾余生諗到~~~hehe~~ 希望可以個party 既feel 俾大家啦~
阿包講o左一句, 其實來賓o黎可能都係想認識下我地, 所以臨時prepare jor o的小小紀念品, 將我地由出世至依家既12個故仔, 印成卡仔派俾每一個來賓。
Fiona
